Godigo Nogi Ugwaba Sabo Tęąbi Po Wabo Buku Dabe 108:11 - Godigo dwagi yai po buku

¹¹ God, nago da tudiba muani da, agawe? Te nago dago ami dabe te tau sogobe da homu ebo da, agawe?

Godigo Nogi Ugwaba Sabo Tęąbi Po Wabo Buku Dabe 108:11 Referans Kwoze

Godigo Nogi Ugwaba Sabo Tęąbi Po Wabo Buku Dabe 44:9

Tiali goli, megi da, magi yaliwe? Nago da tudiba munama, tama nago dago nogi aiyaba muani. Tama nage te dago ami bidi dabe dali te hwįboba me pabeo.

Tuni Bidi Dabego Po Elalubo Buku Si 13:12

Tama megi da, dagego bugagia odao. God aga da te dago polalubo bidi dao. Tama agai pris bidi dabe da dali megi ede bidiyu, dage dali hwįainu biugel bu wabo e kegalubao. Dage Israel dabe, dago Genuai Bidi dago wąį dabego God dali hwįbo tagalao. Dagego munu me ugwa ela hologobeo. Mu menio,” te Juda dabego king Abiyago tama po wali.

Tuni Bidi Dabego Po Elalubo Buku Si 20:15

Tama agai e tama po wali, “King Jehosafat, me Jerusalem we bidi, dage me tigidali Juda bulu we bidi, dagego bugagia odiąo. God Genuai Bidigo te po wali, ‘Dage te genuai ami hanide wi elama homu sęgę kuna igimio. Menio. Te hwįabo te God agaduba sę dao, te dagego sę menio.

1 Samuel 17:36

King o, eno te laion dabe me te bea me eliyu yai, tama eno te tobage tama tiwai kolesaga te Genuai Bidigo po odisiąbo Filistia bidide tiaibao, magi baso meni, agai te Sesemane Sogo Bidada Pabo Godigo amibolo te posobo po walio.

Tuni Bidi Dabego Po Elalubo Buku Si 14:11

Tama tialima Asago Godibolo i weyu e tama po wali, “Genuai Bidi, nago koneani, eno ami hauwa menio, tama dago bomo menio. Tama te bidigo da ami hani hauwa mu dao. Tiali goli nago te bomo meni yai bidi dabe tau sabo dao, tama augwaligo te bomai bidi dabe aiyaba elalubo dao. Genuai Bidi, nage da te dago God dao. Da tau sao, magi baso meni, dago dena homu nageba megi mubao,” Asago te po wai.

1 Samuel 17:26

Devitgo te po bugagia odisąbaso, tama agai te aga pąde bidalubo bidi dabeba hanalu, te tiwai wali, “Te kingo mena sę te Filistia elibo bidibolo elama, tama da Israel dabeba te genuai hale pedalubo sę tagalaibawe? Te Filistia bidi te Godigo po odisiąwai bidi naga te dao. Agai hagoma mu eyu, tama te Sesemane Sogo Bidibo Godigo amiba te posobo po wali dao,” te po wai.

Israel Hanigo Namba 10:9

Te boi bidi dabego dagego tǫba dage dali hwįainu asobaso da, teda dagego te biugel elama, bidi dabe hodolama, hwįgi pomainao, te boi bidi dabe dali. Dagego te tama tiyu da, teda ena God, dagego Genuai Bidi, eno dage homu koneama, tama te boi bidi dabe dolaibao, te augwaligo dage aiyaba elalugobeo.