Godigo Nogi Ugwaba Sabo Tęąbi Po Wabo Buku Dabe 107:41 - Godigo dwagi yai po buku

⁴¹ Tiali goli, te magi doado bage meni yai bidi dabe te dwai bidibaso, agai augwali tau sali. Tama agai te augwaligo wai dabe te hauwa te sipsip dabe tiwai pedalumainu yai.

Godigo Nogi Ugwaba Sabo Tęąbi Po Wabo Buku Dabe 107:41 Referans Kwoze

1 Samuel 2:8

Agai te magi doado bage meniama, te sǫą pabo we bidi dabe tau selama, tama augwali bugagia bidaibao. Tama agai augwali te augwa bulu tǫde te genuai pedelama, bidimainu ilama, tama te we bidigo augwaliba genuai nogi mawaibao. Agai te tama tebo, magi baso meni, te e tǫ tolalubo bomai nai dabe augwali te Genuai Bidigo digi nigilai nai dabe, tama aga digi te nai dabe daide ugwadu te tǫ sese nigilama elalubo dao,” wali.

Jopgo Po Asęani Elalubo Buku 21:11

Te bidi dabe augwaligo wai puluba hauwa mu bidibo, augwa sipsip kibu namba tiwai bidibo. Tama augwa te wai puluba tęąbi subigila ola bilimainu sula tagalobo.

Godigo Nogi Ugwaba Sabo Tęąbi Po Wabo Buku Dabe 78:52

Tama agai te sipsip tonalubo bidi tiwai elama, tama aga polasa peyu tama, aga we bidi dabe tonaluali. Tama te tǫ wa pai bulude agai augwaliba te sunumi ola mawai.

Jopgo Po Asęani Elalubo Buku 5:11

Agai genuai nogi te nogi meni yai bidibolo te genuai nogi mabo dao. Tama agai te dwai sęgę sobaso gela wabo bidi dabe tau siyu ebo, tama bugagia bidimainu,” wali.

Jems 5:11

Tama te tiwai augwaligo te sęgę polobadu bugagia tolai baso, megi dago tama po wabo dao: “Te homu kolesaga dąų olama te sęgę tolali bidi dabe, te bidi megi augwaligo homu wiegi yai eyu bidibao.” Tama gasagi yai bidi me agai nogi Jop, agai yali sę po dagego odai. Te genuai sęgę hauwa te agabolo pedalali digi te agai bomo eyu dolalu, te sęgę te aiyaba elaluai. Tama nosali Genuai Bidigo dwagi yai kolesaga aga dali yai, te me dagego koneai. Tama te bidi Jopde yali sę po odama, tama dago koneani, Genuai Bidi agai da hobede mu eyu, tama sesemane sogo agai da homu dene elama, da agai dwagi yai homu eyu, da olo mu tau sabo dao.

Bugagia Bidibo Kolesagade Po Asęai Buku 17:6

Te bidi monu dabe pedelama, tama te aga ogwago wai te wąį elalubaso da, teda aga pemene yaibao, magi baso meni, te tebogo te we bidigo agaba te genuai nogi momainu ebao. Tama te wai dabego te augwa aya idade wiegi yai pemene eyu, gawebo dao.

Jopgo Po Asęani Elalubo Buku 42:16

Tama te bidi Jopgo te sęge sę silibo si nosali da, aga kibu be 140 bidama, tama aga wai dabego wai dabe sese suali. Tama augwa wai dabe dali, aga wai dabego wai dali suali.

Jopgo Po Asęani Elalubo Buku 8:7

Tama agai nagebolo nai dabe hauwa mu mawaibao, te polobadu nago elaluali nai mu edelaibao.

1 Samuel 2:21

Tialima, Genuai Bidigo Hana bugagia wiegi yai ilama, tama nosali Hanago ogwa sela me wegi si tama ame nani. Tama Samuel te Godigo sę idubadi, tama genuai dwasianu yali.

Tigidali Nai Gagalama Nigali Side 48:11

Te Jekopgo Josepbolo te po wali, “Polobadu eno homugo te eno nage ma sugobe da, te homu yali. Tiali goli, megi Godigo ena gogoliyu, sula tagalubaso, tama eno nage me, te naga ogwa si dali, te eno megi dage suali,” wali.

Godigo Nogi Ugwaba Sabo Tęąbi Po Wabo Buku Dabe 128:6

Eno homugo nage sesabi elama, bidimainu homu elama, te nago naga wąį nǫų dabe sumainu ebo dao. Te Israel dabe bugagia dugulalumainu elama, tama te hwįbo menia somainu yao.

Jopgo Po Asęani Elalubo Buku 36:15

Tiali goli, Godigo te bidi dabe dene dali, sęgę dali si me tolomainu sula tagalobo dao. Magi baso meni. Agai augwali dwagi yai kolesaga ola mawainu tama tibo dao. Tama te tibo sunumide augwali ma selama, tama augwali bugagia bidimainu ebo dao,” wali.

Jeremaia 31:27

“Ena Genuai Bidi, eno te tiwai po wai, eno tebodolu me deli munama elalubo, tama te sogo eno te webidi dabe, me te hasa sibi hauwa, te Juda tǫde me Israeltǫde pedalumainogo ilaibao, te bidigo gide sę elama, naihauwa pedalubo tiwai yaibao.