Godigo Nogi Ugwaba Sabo Tęąbi Po Wabo Buku Dabe 107:3 - Godigo dwagi yai po buku

³ Agai dage we bidi dabe te gasa bulu tǫ badu, te giliga pedalubo badu, ma giliga dega sabo badu, me te not badu, ma saut badu, te ma sai dao.

Godigo Nogi Ugwaba Sabo Tęąbi Po Wabo Buku Dabe 107:3 Referans Kwoze

Godigo Nogi Ugwaba Sabo Tęąbi Po Wabo Buku Dabe 106:47

God, dena Genuai Bidi, nago da te gasa hani dabego nogode ma sao. Tama nago da te dena tǫba ma odasa asao. Tama tiyu, dago nageba homu kone paliyu, te nage tedali wiegi yai mu da, te homu elama, tama dago nago nogi ugwaba siyu, tama nageba te usu da weyu, te wiegi yai pemene dali mabo dao po wagameo.

Kraisgo Geme Dualali Sę Pedelabo Po Jonbolo Ola Mani 5:9

Tama augwaligo gesi tęąbi me tama wai, “Nago te buku selama, te dąų wali nai togobo usu mu dao. Magi baso meni. Augwaligo nage ela muani, tama nago isibo kanemego te bidi dabe augwali ma abelai, te augwali Godibolo mayu tiai dao. Te nago tigidali we bidi hanide we bidi meba abelali, te tigidali haniani po wabo bulude me, te tigidali haniani tigi yai bidi hanide me, te tigidali genuai tǫde bidibo bagede me te nago we bidi meba abelai.

Jeremaia 29:14

Ena Genuai Bidi, eno po dolo obao, te dage ena pąba asomainogo ilaibao. Te eno dage bugagia wiegi yai ma bidimainogo yaibao. Tama eno dage tigidali habu badu te dage eno sela sąnama, bidada pali tǫ kantri usu nama, sesa bilaibao. Tama eno dage ma oda selama, te duga polobadu bidali buluba odasa asaibao,” wali.

Esekiel 39:27

Eno augwali augwa boi bidi dabego kantride selama, tama augwali augwa kantri muba ma odasa asaibao. Tama te gasa hani bidi dabego eno te Israel dabe dali yali sę sulama, tama augwaligo e tama koneaibao, te ena tedali gasagi yai dao, tama eno kolesaga wiegi yai doloba pai mu augwaligo suaibao.

Esekiel 36:24

“Nago te eno po me augwalibolo pusao, ‘Eno dage dali yabo sę po da, e dao. Eno dage te bidibo te kantri sese tamade oda selama, tama dage duga tǫ muba ma odasa asaibao.

Jeremaia 31:10

“Dage te me badu tǫ kantri hani we bidi dabe, dagego ena Genuai Bidigo poba bugagia olo muao. Tama dagego eno te po te digibulu bidibo we bidiba pusao, te tamu ąį u badu bidibao. Dagego te tiwai po augwaliba wao, ‘Genuai Bidigo te Israel dabe sela sąnama, tedela palali, tiali goli, agai augwali ma odasa asaibao. Te agai augwali bugagia mu tonalu, te tonalubo bidigo aga sipsip dabe tonalubo tiwai ebo dao.’ Te po wao.

Jeremaia 31:8

Mu tama, ena Genuai Bidigo eno te ena we bidi dabe te tǫ kantri not badu, me tigidali tǫ pedai badu selama, te augwali ma odasa asaibao. Te gedu widai dabe, me sągą dwai, me te haliga elalubo we dabe, me te wai tega painogo ebo we dabe, augwali me asaibao. Te Israel genuai hani mu pedelama, te augwali augwa tǫba digi ma asaibao.

Bomai Po 30:3

teda Genuai Bidi dago God agai dage hobede yaibao. Tama agai dage aga digi te dobola palali te bulude dabe ma oda saibao, tama agai dage duga buluba mu ma odasa asaibao. Tama agai dagego tigidali nai dabe wiegi yai ma pedalomainogo yaibao.

Esekiel 20:34

Megi dage te tǫ kantri hauwade te kalabus bidada pobao, tialima eno dage te bulu dabede bidali ma oda selama, te deliba sisinaibao. Te eno haliga sębę ebo bomo dali, te eno dageba dene mabo kolesaga dali dageba pedalubo koneagameo.

Aisaia 56:8

“Ena God, Genuai Bidi, eno te Israel we bidi ma sisinibao, te boi bidi dabego sela pelama, kalabus igi pai, eno te tiwai po obao. Te eno gasa we bidi dabe me selama, te eno sisinani hani we bidi dali bidimainogo odasa asaibao,” te po wai dao.

Aisaia 49:12

Tialima, eno te digibulu bidalubo we bidi dabe, te not badu me, te giliga dega sigulubo badu me, asaibao. Te augwali te taun Aswan badu me asaibao,” wali.

Aisaia 54:7

Ena Genuai Bidi, te nage eno tudi badu posolalu, tau sabo bidi, eno nage pęwądage sogo tagalali, te eno genuai homu dene nagede elalueibao. Tama te nage enaba ma asomainu saibao. Te eno nageba wado po dwai mu te pęwądage sogo olama, te eno ena gesabidi geme duala sali. Tiali goli, sesemane sogo te eno nage dali homu dene eyu, te nage godolo mu eyu, te nageba wiegi yai sę bugagia yaibao.”