Godigo Nogi Ugwaba Sabo Tęąbi Po Wabo Buku Dabe 107:12 - Godigo dwagi yai po buku

¹² Augwali te tigi dene sę mu elama, tama augwa bomo tigidali sia sai. Tama augwali te tǫba degasa dulama, tama augwali tau sabo bidi meni yani.

Godigo Nogi Ugwaba Sabo Tęąbi Po Wabo Buku Dabe 107:12 Referans Kwoze

Godigo Nogi Ugwaba Sabo Tęąbi Po Wabo Buku Dabe 22:11

Te sęgę enaba megi pedalubao, tama tiyu, nago ena me tagaligio. Ena tau sabo bidi deli me menio.

Ma Dobola Sali 2:23

Tama kibu be meba bidilama, tama nosali te Isip tuni bidi isai. Tama Isip hani augwaligo Israel hanibolo sę dene mu mawai. Tama Israel hanigo Godigo augwali tau somainogo tigidali sogo Godibolo gela weyu, i wai.

Aisaia 51:23

Tiali goli, eno te kabu te nage dolobo bidi dabe nogoba mueibao. Augwaligo nage te tǫde pimainu ilama, te augwaligo nage agalama, te nage tudi daide biliyu, te augwa olo tǫ bulude bilibo tiwai yai dao,” te po wali.

Aisaia 63:5

Ena dwagila mu midiga sayu tonani, te tiwai te ena tau sabo bidi me elalubeo. Tialima, te ena bomogo digi te eno genuai haliga sębęgo me, eno te ena we bidi dabe ma siyu, te eno augwaligo boi dabe aiyaba elaluai dao.

Aisaia 52:5

Te Babilon dabego me te tobage deli kolesaga nosali yalio. Augwaligo te eno we bidi olo mu selama, te augwali kalabusiba sela pali, te eno hanigo tobolu bidi dwai gela mu wali. Te eno magi nai deli me sabeo. Menio. Sesemane sogo te bidi dabego te posobo po weyu, ena nogi aiyaba elalubo sę yai dao.

Jopgo Po Asęani Elalubo Buku 9:13

God agai boi bidi dali sębę ebo kolesaga sesemane sogo idu gebo dao, simanogobeo. Mu tama, te moni tamu ąįde bidibo bulu hwabidi gulamane dali, aga wali asali genuai hani dali si, te Godigo aiyaba elaluama, tama aga dologode elalubo dao.

Nehemia 9:37

Dago te dwai sęgę sabo sę yalio, tama tibaso nago te gasa bulu tǫ pedai kingo da tonalumainu yai. Tama augwaligo te dago tǫde pedalubo nai tigidali siyu ebo dao. Te kingo te po obaso da, teda dago dali te dago tonalubo nai kibu dabego me te agai homu wali naga pabo dao. Tama tiyu, dago sęgę genuai mu elalubo dao,” augwaligo te po wali.

Te Israel me Juda Hani Sigo Tuni Bidigo Po Elalubo Buku Si 6:33

Elisago po odubadi yaide, tama te kingo tagala palali bidi sabolagasobadi yaide, te king bidi tama asama, sabolagasali. Tama kingo Elisabolo e tiwai po tama wai, “Genuai Bidi aga digi te bodolu sogo dwai mu da tigide pedalai dao,” wali. “Tama dago agai da nai me deli tau somaio olama, tama magi baso dago aga me tonaluaibawe?” wali.

Te Israel Tobolu Bidi Dabe 16:30

Agai i wali, “Ena te Filistia dabe dali isainogo ebao!” Tialima, agai bomogo te pos si pogolali. Tama te be aluama, te degeyu, te polalubo bidi dabeba dali, te be tomode bidali gasa we bidi dabeba dali, te be degalio. Te aga dali isiyu te ela muani bidi dabego nambago, te aga bidibadi te elali bidi dabego namba te aiyaba elaluai dao.

Godigo Nogi Ugwaba Sabo Tęąbi Po Wabo Buku Dabe 142:4

Eno ena pąde tonono bilali, tiali goli, te ena tau sabo bidi me elalubo te eno me subeo. Ena menaba wi pogowe? Te enade homu kone palobo bidi meni.

Te Israel Tobolu Bidi Dabe 16:21

Tialima, te Filistia dabego aga pageabi elama, tama agai gedu si guda sąwani. Tama augwaligo aga te Gasaba sela pelama, tama augwaligo aga te brasgo nigai sengo gebelali. Tama augwaligo aga te sia me wit te nai sę ebo be te kalabus be tomode agaga pabo sę emainu ilali.

Te Israel me Juda Hani Sigo Tuni Bidigo Po Elalubo Buku Si 14:26

Genuai Bidigo suali, ma te Israel hani augwa boi bidi dabego te augwali tigiba genuai sęgę mu mabo sę eyu, tama augwali mu silibo homu ebo koneani. Tama tialima, te deli deli bidi naga bidada pali. Tama me te augwali tau sabo bidi me deli meni.