Godigo Nogi Ugwaba Sabo Tęąbi Po Wabo Buku Dabe 105:1 - Godigo dwagi yai po buku

¹ Dago Genuai Bidi dali usu da weyu, tama agai genuai nogi elalubo po hania pusao. Dago tigidali tǫde we bidi dali agai genuai sę yali po pusao.

Godigo Nogi Ugwaba Sabo Tęąbi Po Wabo Buku Dabe 105:1 Referans Kwoze

Aisaia 12:4

Tama te sogo dagego balia weyu e tama waibao, “Genuai Bidigo nogi wao. Tama agaba i weyu, tama agabolo buba hwi wao. Te tigidali we bidi hani dabebolo pusao, te genuai sę dabe agai yalide. Tama augwalibolo pusao, aga genuai nogi elalubao.

Polgo Po Pas Rom Dabeba Asęani 10:13

Tama tiyu, te Godigo po bukude wali po tiwai dao, te po e dao, “Tigidali bidigo Genuai Bidi nogi ilama tama agaba i wali da, teda agai augwali ma saibao,” te po asęai dao.

Godigo Nogi Ugwaba Sabo Tęąbi Po Wabo Buku Dabe 106:1

Genuai Bidigo nogi ugwaba sao. Dago agaba usu da waiyąo, magi baso meni agai te wiegi yai kolesaga sesemane ebo dao, tama agai da sesemane bidada peyu, bidada pabo wei mu ebo dao.

Godigo Nogi Ugwaba Sabo Tęąbi Po Wabo Buku Dabe 96:3

Dagego agai genuai nogide po te tigidali tǫ pedai kantride bidibo we bidi hani dabe pusiąo. Te tigidali we bidiba te agai genuai wiegi yai sę dabe yali po pusa mao.

Tuni Bidi Dabego Po Elalubo Buku Deli 16:34

Dago Genuai Bidiba usu da po wao, magi baso meni, agai kolesaga te wiegi yai mu da, tama sesemane sogo agai da godolo homu mu ebo dao.

Godigo Sęba Tagala Palai Bidigo Po 9:14

Tama te pris tobolu bidi dabe augwaligo agabolo pas asęna manio, te aga Damaskus aselama, te agai nago nogi wabo we bidi da kalabusiba muainu,” te po wai.

Daniel 3:29

Te niwai god me deligo te aga we bidi tau siyu, te Satrak, me Mesak, me Abetnego, te augwa Godigo yali tiwai me egobeo. Tama megi eno te po wainu ebao. Te bidi dabego te Godiba posobo po wabo te habu mu dao. Te mena bulu kantri tǫ bidi dabego, me te mena hani bidi, ma te mena tobage po wabo bidi hani, augwaligo te tama tiwai po obaso da, teda eno te augwali tigi tologolama, miminama, te augwali isaibao. Tama eno te augwaligo be me te pobele bage tiwai pedalumainu ilaibao,” wali.

Aisaia 51:10

Nago tama nago te tamu ąį sula somainu ilama, te sunumi tomodu pedelali, te nago ma sali we bidi dabe soabo sunumi nigilai dao.

Tuni Bidi Dabego Po Elalubo Buku Deli 29:13

“Dago God da, megi dago nageba buba hwi obao, te nago genuai nogi ugwaba sobao.

Joel 2:32

Tialima, niwai we bidi te augwali tau somainu enaba hanalubaso, teda te eno augwali tigidali ma saibao,” wali. “Ena Genuai Bidi da, eno te sęde te tiwai po walio, te Jerusalemde bidibo we bidi meba te me hagagobeo. Te we bidi dabe ena digi te sa munama dąį ilali, te augwali bugagia bidaibao wai dao,” wali.

Godigo Nogi Ugwaba Sabo Tęąbi Po Wabo Buku Dabe 99:6

Moses dali Aron si te Genuai Bidigo pris bidali, tama Samuel me augwalide te Godiba lotu wali bidi me deli dao. Augwa te Genuai Bidiba gedu haluasa po obaso, tama agai augwaligo gedu haluasa po wabo odai dao.

Tuni Bidi Dabego Po Elalubo Buku Deli 29:20

Tialima Devitgo te we bidi augwaliba te tiwai po walio, “Godigo nogi ugwaba sao, dago Genuai Bidi dao.” Te we bidi augwaligo odama, te augwa kidu sugunama, te gesabidi tǫba pǫgulali, te genuai nogi Devitba me Godiba mayu tialio, te augwaligo Genuai Bidi me augwa wąį nǫų dabego Genuai Bidi me dao.

Godigo Nogi Ugwaba Sabo Tęąbi Po Wabo Buku Dabe 89:1

Genuai Bidi, nago da sesemane sogo godolo homu ebo dao, tama te kolesaga ebode eno e balia udaibao. Mu tama, te nosali ame nabo bagego konemainu eyu, te eno nago po te me hasegelibo meni da po olama, te po hanilama pusaibao.

Tuni Bidi Dabego Po Elalubo Buku Deli 25:3

Te Jedutungo hani ogwa dabede, augwaligo te bidi nogo a naga me badu kibisa deli dąį ilali, te Gedalia, me Seri, me Jesaia, me Simei me Hasabia, me Matitia da. Tama Jedutun augwa ayago te augwali tonaluali. Augwaligo Godigo po te tiwai kolesagade pusali. Augwaligo te gasa tobage gita me deli elali tama Godiba buba hwį wabo tęąbi po weyu, te aga nogi ugwaba salio.

Israel Hanigo Namba 23:23

Ma, te boi bidi dabego pobi weyu, me kebele aulama augwali elali da, tego augwali me dologobeo. Tama tialima, megi te gasa we bidigo te Jekopgo hani dabede te po waibao, ‘Te Godigo Israel bage augwali tau sainogo genuai sę dabe mu yali suao.’