Godigo Nogi Ugwaba Sabo Tęąbi Po Wabo Buku Dabe 104:9 - Godigo dwagi yai po buku

⁹ Nago dąį muai, tama tamu ąįgo te dąį muani bolobeo. Tama tamu ąįgo tigidali tǫ ma halugobeo.

Godigo Nogi Ugwaba Sabo Tęąbi Po Wabo Buku Dabe 104:9 Referans Kwoze

Jeremaia 5:22

Magi baso dage enade wi elama, midigi ebo meniwe? Eno te nambis wę sane muani, te tamu ąįgo dąį tiwai nigilali, tama te nambis ąį sane te sesemane te obo tiwai elalubao. Te genuai si pedalu, te bomonama bugusu obadi, agai te dąį ilali me bogi soagobeo.

Aisaia 54:9

“Te Noa bidali sogo, eno te tiwai bomai po dąų weyu, te eno genuai ąįgo te tǫ ma dologobeo wali. Te megi eno te tobage bomai po dąų walaibao. Eno mu po weyu, te eno haliga sębę ma isiąma, te nageba wado iliyu, te nage me dene mabo sę egobeo wai.

Jopgo Po Asęani Elalubo Buku 26:10

Tama agai dąį te tamu ąį bobegelama, elalubao. Tama te dąį ilali digi da, te ula dali, hulia sabo dali si deli madi sisinibo digi dao.

Godigo Nogi Ugwaba Sabo Tęąbi Po Wabo Buku Dabe 33:7

Agai te tamu ąį selama, te deliba naga sisinani, te bidigo te deli sene sospende naga te wę tabibo tiwai gilama yali. Agai te tamu ąi page te aga pesagede aiyadu mu elalumainu yai.