Godigo Nogi Ugwaba Sabo Tęąbi Po Wabo Buku Dabe 104:15 - Godigo dwagi yai po buku

¹⁵ Tama dago bono ni du wain wai bulama, wain ąi tuyu, dago homu dwagi yai emainogo tiwai. Tama dago te ni oliv wel ąį selama, dago gesabidide pilama, tama gesabi ula emainogo yagameo. Tama dago te wit ge bulama, dago tigi dąų omainogo tubo nai bret nigibo dao.

Godigo Nogi Ugwaba Sabo Tęąbi Po Wabo Buku Dabe 104:15 Referans Kwoze

Godigo Nogi Ugwaba Sabo Tęąbi Po Wabo Buku Dabe 23:5

Nago te eno wiegi yai nai te hania te tebol saide sisi ilama, tama eno boi bidi dabego suali goli, te augwaligo magi sę me yabo usugobeo. Nago ena selama, te nage dali duayagasobo, tama ena nago bugagia gesebo dao.

Kolesaga Koneai Bidigo Pusali Po Elalubo Buku 10:19

Naigo te bidi pemene ilibo sę ebao, te wain ąįgo te bidi bugai haliga ilibo dao. Tiali goli, mone da, te wiegi yai nai te tobage sę tigidali ebo dao.

Kolesaga Koneai Bidigo Pusali Po Elalubo Buku 9:7

Tegao, nage pelama, nai tulama, wiegi yai pemene yao. Nago te wain ąį tulama, te bugai haliga yao. Godigo te kolesagade usu da po wai dao.

Te Israel Tobolu Bidi Dabe 9:13

Tiali goli, te wain nigo te po wali, ‘Magi basowe? Eno ąįgo te tibo god me te bidi dabe dali augwali te wiegi yai homu pemene ilibo dao. Te eno tagalama, tama ena dagego king bidi pedalumainu homu ebawe?’ wali.

Hibru 1:9

Nago te doloba pai kolesaga ebo te godolo mu eyu, tama te bomo yai po sela sąbo te nago hagela mu ebo dao. Tama tibaso, ena nago God bidiyu, tama eno nago nogi ugwaba somainogo eyu, te wel nago toboluba gelali, tama tebogo nage te wiegi yai homu pemene ilali. Te naga hai namu dabe augwaligo te nago wiegi yai homu pemene ebo tiwai me egobeo.”

Efesus 5:18

Te dage te bomo yai ąį hauwa tulama te polobo bidi tiwai egimio. Menio. Te tebo kolesagago dageba daganama dolainogo ebo dao. Dagego God agai wiegi yai Mobo Bidigo dageba daganama tonalumainao, te dage bugagia bidimainogo yao.

Godigo Nogi Ugwaba Sabo Tęąbi Po Wabo Buku Dabe 92:10

Nago enaba genuai bomo mawai, te uni bulmakau omaigo bomo tiwai mawai. Nago enaba wiegi yai sę ebaso, tama ena wiegi yai pemene mu ebo dao.

1 Jon 2:20

Dage, te dagebolo te Tedali Bidi Kraisgo te Godigo Mobo Bidi olo mani. Tama tibaso, dage tigidaligo te mu po koneai dao.

Esekiel 4:16

Te Godigo po ma weyu, te tiwai po wali, “Tǫde bidio, eno te Jerusalem dabe te nai mu sǫą pabo sę ilaibao. Tama te we bidi augwali dwai midigi selama, te sęde haliga sęgę mu yaibao. Tama te we bidi dabe augwa te nai me wę bugagia dagalaibao, te augwaligo deli deli side tuabo nai dagalobo sę eyu, tama yaibao.

Jeremaia 31:12

Tama augwali te Saion bulu duba dolugulama, te augwali wiegi yai pemene mu elama, te i umabo mu udaibao. Te ena Genuai Bidigo augwaliba te wiegi yai nai mu mobaso, te augwali wiegi yai pemene yaibao. Te augwaligo wiegi yai pemene ebo te nai witba, me wain, me oliv wel, me te kibu sipsip dabeba, me eno mabo bulmakau dabeba te augwaligo homu pemene yaibao. Te wiegi yai mu pedalama, te gi wę usu elalubo gi tiwai dao. Te augwali dwai munu ma bidibeo.

Te Israel Tobolu Bidi Dabe 9:9

Tiali goli, te ni olivgo tama po wali, ‘Te enade elalubo wel te bidi dabego selama, te augwa god dabeba genuai nogi mabo sę ebo me te bidi dabeba te tiwai ebo dao. Magi baso te eno tagalu, tama te dagego king bidi pedalumainu obawe?’ te ni olivgo te po wai.

Dwagi Yai Gesi Po Lukgo Asęani 7:46

Nago wel eno toboluba me mube. Tiali goli, e wego dwagi yai denami welgo eno sągą sawali usu nani.

Aisaia 3:1

Odao. Tamadi tama God, Tigidali Bomo Elalubo Bidigo te we bidi dabe ugwaba sagualu tonalubo nai dabe sela sąwaibao. Te Jerusalem me Juda bulu we bidi dabe bidibo wiegi yai ilibo nai dabe, te agai tigidali nai me, wę me, sese silaibao.

Kolesaga Koneai Bidigo Pusali Po Elalubo Buku 8:1

Te kolesaga page mu konea pali bidigo naga te mena ebo page mu koneaibao. Tialima, dego mu te kolesaga page mu koneai bidi aiyaba elalueibawe? Te bidigo gesabi hulia sobaso da, teda wiegi yai homu kolesaga igulubaso, te aga gesabidi ula ma ebo dao.

Bugagia Bidibo Kolesagade Po Asęai Buku 31:6

Te bomai ąį me wain ąį te isabo homu ebo bidigo dabego tubo ąį, ma te genuai sęgę elalubo bidigo tubo ąį dabe dao.

Godigo Nogi Ugwaba Sabo Tęąbi Po Wabo Buku Dabe 105:16

Genuai Bidigo augwaligo tǫde nasi emainao wai, tama augwaligo nai tigidali agai sela sąwai.

Bomai Po 28:40

Tama me te oliv ni hauwa dagego tǫde holaibao. Tiali goli, te oliv du tau isąbadi, olo dali tǫba tegaibao, tama dagego oliv wel me nigigobeo.

Bomai Po 8:3

Te dage hagoma homu idali, agai dage nasi ilai dao, tama nosali agai dage te mana mawai dao, te dagego tumainogo. Te nai dagego me duga wąį dabego te tobage nai polobadu augwaligo me tuai menio. Agai te tama tiali da, te bidi dago konemainogo te yali dao, te bidi da te tubo naigo naga da bidibo ula sogobe da weyu, te yali dao. Menio. Dago Godigo po deli naga wali peyu da, teda da bidibo ula saibao.

Pris Sę Ebo Bomai Po 26:26

“Te eno dagego nai mu sǫą pomainogo yaibao, tama te we dabego augwa iside ulabo nai hauwa meni yaibao, te sia tigi delide nogo si wego nai ulaibao. Te dage tigidaligo te nai dwasianu dwasianu naga selama tueibao, tiali digi te dage nasi me elaludaibao,” Genuai Bidigo te po wai dao.

Dwagi Yai Gesi Po Makgo Asęani 14:23

Tama agai te wain wę tabiali kap me deli selama, tama Godiba puba hwi olama, tama augwalibolo mani. Tama augwali tigidaligo tede wain ąį tudu pela silali.

Esekiel 14:13

“Tǫde bidio, te tǫ kantri me deli we bidi dabego te sęgę selama, te augwaligo haliga enaba mu musiąbaso da, teda eno te tǫ kantriba dwai dene mayu, te eno augwali nai sǫą pabo sę mu ilaibao. Te eno tigidali we bidi dabe, me te hasa sibi te nasi dwai mu ebo sę ilama, te augwali isaibao.

Esekiel 5:16

Te we bidi augwali eno te nai sǫą palobo sę mu elama, te dage nai nasi mu yaibao. Tama dage te sęgę sabo dene ebo te enesigigo te ene dageba enama, te dage dolobo tiwai yaibao.

Tigidali Nai Gagalama Nigali Side 18:5

Te eno dage bomo ilabo nai meba sela menama, tama nosali duga ma piagameo. Dage eno beba aselama, tama eno dage tau saio,” wali. Tama augwaligo te po wali, “Te wiegi yai dao, nago tama tiwai te po wabo gilama yao.”

Te Israel Tobolu Bidi Dabe 19:5

Tama te ene nanobo sogo me si me si tede te augwali si te kigamu mu hogodama, te augwa si painu doado bage sisi yali. Tiali goli, te we aga ayago te Livai bidiba weyu, te po wali, “Te nage nai tulama, haliga dąų waliyu bolo yao,” wai. “Nosali te naga pagameo,” wali.

2 Samuel 13:28

Te Apsalomgo Devit taga soyu, te Balhasor buluba ma soabo sogo, agai te aga sę bidi dabeba te tama po walali, “Te nai daa tubo sogo, dagego te Amnon bugagia tonaluao. Te aga gęǫ page ebo sogo, teda eno dagebolo olama, tama dagego aga ela muiyagameo. Dage wi me elamuo, magi baso meni, ena digi eno te aga ela mua po obao. Tama dagego aga ela muyu naga yao, tama dage munu me wia selamuo.”

Bugagia Bidibo Kolesagade Po Asęai Buku 31:7

Te augwa tuabo homu wei ebaso da, augwa te tumainu eyu, tama augwa te magi nai meni yai bidabo te homu kone me isiąyu, tama augwa te genuai sęgę elalumainogo eyu, te tama tebo dao.”

Aisaia 55:10

“Te dagaludu tulubo tulubage, aga odolali te dagaluba ugwaba ma hologobeo. Menio. Agai te tǫba ąį mayu, te gide nai holomainogo elama, te bidi dabego saibao. Me badu augwa tuyu, me badu wai selama, ma buluyu ebo dao.

Sekaraia 10:7

Te Israel we bidi dabe augwali te bomai ami bidi dabe tiwai pedalubaso, te augwali te wain ąį tubo bidi dabego homu pemene ebo tiwai yaibao. Te augwaligo nosali ame nabo wai dabego te wiegi yai sę Genuai Bidigo augwa bulai wąį dabede yali sę homu kone ma palama, te wiegi yai homu pemene mu yaibao,” wali.