Godigo Nogi Ugwaba Sabo Tęąbi Po Wabo Buku Dabe 104:14 - Godigo dwagi yai po buku

¹⁴ Nago te kibu bulmakaugo tuabo nosa dabe pedalao wai, tama nai dabe meba da we bidigo bulama, sela tuabo nai me pedelai.

Godigo Nogi Ugwaba Sabo Tęąbi Po Wabo Buku Dabe 104:14 Referans Kwoze

Godigo Nogi Ugwaba Sabo Tęąbi Po Wabo Buku Dabe 136:25

Agai te tigidali we bidiba nai mayu, tama te tigidali kibu hasa dabe me nai mabo dao. Agai te bidada pabo sogo sesemane te da wei mu ebo dao.

Jopgo Po Asęani Elalubo Buku 28:5

Te bidi meba tǫ daide sę elama, nai dabe bulubo dao. Tiali goli, te tǫ dedage tomode sę ebo bidi dabe da, augwaligo masigi dabe haluama, tǫ dabe begela tagalama ebo dao. Tama tǫ dologo te isigo ula tiwai emainu ebo dao.

1 Korin 3:7

Tama te nai wai bulali bidi, agai nogi te meni yaibao. Tama te wę mabo bidi, agai nogi me te elalugobeo. Magigo menio. Godigo te nai holomainu ilidubao, agaduba deligo genuai nogi naga elalubo dao.

Tigidali Nai Gagalama Nigali Side 9:3

Dagego te tigidali haniani hasa sibi me te haniani tǫde bilalubo hasa, te dagego tuabo nai da, te usu yaibao. Polobadu eno te we bidi dabebolo te tǫde holobo nai, te nai walobo nosa me, te haniani du walobo nedu du wai dabe, te nai dabe eno tama mayu, tama dagego tuabo nai dao wali. Tama te tiwai gilama eno megi obao, te tigidali nai te dagego tuabo nai dao.

Tigidali Nai Gagalama Nigali Side 3:18

Tama te sesane yai ni me te dwai nosa dabe te tǫde pedelaibao. Tama nago te naga gide nai selama, tueibao.

Jopgo Po Asęani Elalubo Buku 38:27

Hasia te tǫde ni dali, nosai dabe dali holisiąbadi, tiali goli tulubagego te tǫ usu nama, te nosai dabe hauwa mu holai dao,” wai.

Joel 2:22

Te kibu hasa sibi dabe, dage wi me igimio. Magi baso meni, te nosai ma pedelali. Te ni dabego nai ma walali, te ni kaya fik me, ni wain me, te du hauwa walama elaluali.”

Te Israel me Juda Hani Sigo Tuni Bidigo Po Elalubo Buku Deli 18:5

Obadia te Ahap pageba asobaso, te Ahapgo agabolo te tama po wali, “Da si te tigidali tǫ kantri dabeba pelama, te ulu ąį, me dwasianu ąį dabe polobadu elaluali madi susa bilaibao. Te pedai badu te nosai dabe elalubo suina homu ebao, te hos dabe me, donki dabego me tumainu homu ebao. Te nosai elalubaso da, teda dago te hos dabe me donki dabe eligobeo,” te po wali.

Tigidali Nai Gagalama Nigali Side 2:9

Tama Godigo te gide haniani ni dabe pedelao obaso pedelai. Augwali te gasa wiegi yai au yai mu, tama augwaligo dwagi yai nai walai. Tama te gi tomode te we bidi bidibo ula maiabo ni me deli digi elaluali. Tama gasa ni me deli te bidigo mena kolesaga ebo dwagi yai dawe, ma mena kolesaga ebo dwai dawe, te konemainogo yabo du elalubo ni me deli elaluai.

Tigidali Nai Gagalama Nigali Side 4:12

Tama tibaso, nago nai te tǫde bulubaso da, te nai bugagia me hologobeo. Te nago page bulu mu meniama, tama nage te tǫ sibi usu nama, te bulu wau bilibo bidi tiwai bidaibao,” te po wai.

Tigidali Nai Gagalama Nigali Side 2:5

hasiabolo te ni me, nosa me te tǫde menibadi, magi baso meni, te Godigo te kulubage te tǫba tagala palisiąbadi tiali. Tama te sogo gi sę yabo bidi meni yai.

Bomai Po 11:15

Tama dage nai me sǫą pogobe, me dagego kau kibu dabego tuabo nosai dabe hauwa mu elaluaibao,” wali.

Bugagia Bidibo Kolesagade Po Asęai Buku 27:25

Te nosai bobobage igulubo sogo da, teda nago te naga kibu dabego tuabo nai togolama te sisinao. Tama te gesi nosai hogonu ma pedalubo dao.