Godigo Nogi Ugwaba Sabo Tęąbi Po Wabo Buku Dabe 103:9 - Godigo dwagi yai po buku

⁹ Agai da dali odolali olo wado po me wabo menio. Tama agai sębę ebo hauwa sogo elalubo menio.

Godigo Nogi Ugwaba Sabo Tęąbi Po Wabo Buku Dabe 103:9 Referans Kwoze

Aisaia 57:16

Eno ena we bidi dabeba sesemane sogo wado eyu, haliga sębę idugobeo. Te eno tama tiyu da, eno koneani, te augwa bidibo ula dolama, te mu silaibao, te bidibo ula ena digi eno augwaliba mawai dao.

Godigo Nogi Ugwaba Sabo Tęąbi Po Wabo Buku Dabe 30:5

Magi baso meni, agai wado po te pęwadage sogo naga waibao. Tama agai homu wiegi yai daba elama, tama da bugagia wiegi yai ilaibao. Te tigidali sogo da tǫde bidibo sogo te tama tibo dao. Te hulide eno gedu ąį dulali, tiali goli te kigamu da, eno te wiegi yai homu pemene ma yaibao.

Jeremaia 3:5

‘Te nago enaba sesemane haliga sębę elaluduabo homu igio. Te nago wado ebo te silao homu ebao.’ Israel, nago tama tiwai po wali, tiali goli, nago te tobage dwai kolesaga dabe idu, te nago homude ebo kolesaga simanigi pabo dao,” wali.

Jeremaia 3:12

“Tama Jeremaia, nage dolugulama, te not badu bidibo Israel haniba i wao. Nago Genuai Bidi eno po te tiwai pusao, ‘Israel, nage da, te aga bidiba homu kęą pabo kolesaga tagalobo we da,’ wao, ‘nage enaba begasa ma asao. Ena Genuai Bidi, eno te po obao, eno nageba haliga sębę munu ma egobeo. Magi baso meni, ena te olo mu tau sabo wiegi yai homu kolesaga ebo God dao, te eno haliga sębę ebo te sesemane sogo elalua pidugobeo.

Aisaia 27:8

Genuai Bidigo aga we bidi agai augwali kalabusiba tagala palali sogo, augwali dene mawai dao. Agai te bomai wali te giliga asobo badu asiyu, te haniani nai dabe selasa pabo tiwai yali gilama, agai aga we bidi aga bomai waligo augwali sela sąyagasai dao.

Esekiel 33:16

Tialima, eno agai polobadu yali dwai kolesaga kone me palogobeo. Megi da, agai doloba pai kolesaga ebaso da, teda aga bugagia bidaibao.’ Te po augwalibolo pusao,” wali.