Godigo Nogi Ugwaba Sabo Tęąbi Po Wabo Buku Dabe 103:2 - Godigo dwagi yai po buku

² Eno Genuai Bidigo nogi ugwaba siyu, tama agai dwagi yai sę ena dali ebo te eno homugo tagalogobeo.

Godigo Nogi Ugwaba Sabo Tęąbi Po Wabo Buku Dabe 103:2 Referans Kwoze

Aisaia 63:7

Te eno Genuai Bidigo wiegi yai olo mu tau sabo kolesaga po pusubao. Te eno aga nogi ugwaba siyu, te agai da tau siyu, wiegi yai kolesaga hauwa yali po pusaibao. Awe, te aga genuai olo mu tau sabo wiegi yai kolesaga, me homu dene ebogo, agai te Israel haniba wiegi yai sę mu yalio.

Godigo Nogi Ugwaba Sabo Tęąbi Po Wabo Buku Dabe 116:12

Genuai Bidigo enaba wiegi yai sę mu yalio. Tama tialima, eno magi nai agaba mawaibawe?

Godigo Nogi Ugwaba Sabo Tęąbi Po Wabo Buku Dabe 105:5

Dage Abrahamgo wąį dabe, aga Genuai Bidigo sę bidi, dage Jekop agai wąį dabe nosali pedelai, te bidi Godigo dąį muani bidi, dagego homugo agai polobadu gasagi yai bomo yai genuai sę yali koneyu, tama agai te dwai sę ebo bidi dabe augwali dene mabo, te kolesaga dagego homugo koneao.

Bomai Po 6:12

teda dage dua mu dao, tiyu dagego Genuai Bidi gegeda palabuo. Agai digi dage Isipde olo kalabus sę ebo bidi tiwai bidibaso, dage odasa asai dao. Tama agai digi dage Isip bulu tagalama, odasa asai dao.

Tuni Bidi Dabego Po Elalubo Buku Si 32:25

Tama nosali Hesekiago gasi silali, tama agai Genuai Bidigo aga tau siyu yali te sę kone ebeo. Menio. Aga tobolu gagea pelama, tama Genuai Bidibolo buba hwi po wabeo. Tama tibaso, Genuai Bidigo aga dali sębę elama, tama aga dali Juda dabe me Jerusalem we bidi me dolabo homu yali.

Bomai Po 32:18

Augwaligo bomai God, augwali nigali God da, gegeda palali.”

Bomai Po 32:6

Tiali goli, God dagego aya dao. Agai dage sese tama nigai dao. Tama agai dage we bidi hani deli pedalomainu ilai dao. Tama tialima, dagego magi baso te dwai kolesaga agaba ebawe? Dage polobo bage, dage homu kolesaga mu meni yai dao.”

Godigo Nogi Ugwaba Sabo Tęąbi Po Wabo Buku Dabe 106:21

Godigo te Isipde bomai sę mu elama, tama te Israel dabe te Isip dabego nogode ma dobola sali. Tiali goli te Israel dabego te tiali sę te homu kone me palubeo.

Godigo Nogi Ugwaba Sabo Tęąbi Po Wabo Buku Dabe 106:7

Te Isipde te wąį nǫų dabego te nago yali genuai sę dabe te bugagia me konesiąwai. Nago augwali hauwa sogo tau sali, te nago augwali wei mu ebo homu te augwaligo koneai. Tiali goli, augwa te homu tagalu, tama augwali te nosa elaluali tamu ąįba sabolali sogo, augwa te nage Tigidali Bomo Elalubo Godiba hagoma yai dao.

Aisaia 63:1

Te king bidi tiwai bugagia mu au elama, te taun Bosra te tǫ kantri Idom badu tagalama asobo bidi de dawe? Te aga genuai bomo dali wele sesa asobo bidi de dawe? Te aga gudali ugwa tonani te mama mu yalio. “Te ena, Genuai Bidi tama dao. Eno te we bidi dabe ma sabo bomo elalubao, tama eno te tiwai po obao, te eno doloba pai kolesagade, eno te augwaligo boi bidi dabe aiyaba elaluaibao,” wali.

Te Israel Tobolu Bidi Dabe 5:2

“Genuai Bidigo nogi ugwaba sao! Te Israel tobolu bidi dabe augwaligo wąbi hwįabo bomo mu yali. Tigidali bidi wiegi yai homu pemene eyu, hwįabo homu yai!”

Te Israel Tobolu Bidi Dabe 5:9

Te eno homu kolesaga te Israel dabego ofisago ami bidi dabede elaluali, tama te boi hwįainogo ebo bidi dabe dali elalu yali. Te Genuai Bidigo nogi ugwaba sao!”