Godigo Nogi Ugwaba Sabo Tęąbi Po Wabo Buku Dabe 103:12 - Godigo dwagi yai po buku

¹² Giliga pedalobo dali, te giliga iba dega sigi pabo dali, te si pąde elalubo menio. Te digibulu mu elalubao. Te tiwai Godigo dago dwai sę ebo aga digibulu bidiyu, te dwai sę sela sąbo dao.

Godigo Nogi Ugwaba Sabo Tęąbi Po Wabo Buku Dabe 103:12 Referans Kwoze

Aisaia 43:25

Tialima, ena Genuai Bidi, ena genuai nogiba digi homu kone palama, te eno dagego dwai sę ebo sęgę tigidali sela sąbo dao. Tama eno te dwai sę dabeba homu kone me palogobeo,” te po wali.

1 Jon 1:7

Tiali goli da ulade biliyu da, te aga te ulade bidibo gilama, tama tiali da, da dena hasi abagi dede dali deli homu elama bidaibao. Tama bididuyu, tama Godigo ogwa Jisas agai kanemego dago dwai sę tigidali sela sąnama, tama da dwagi yai ma pedalobo dao.

Maika 7:18

Genuai Bidi, te god me deli nage tiwai me menio. Nago te naga we bidi dabe, te augwali kalabus igi peyu, meba ma asali bage, te augwaligo sęgę nago sela sądubadi gebao. Nago wado po wabo homu sębę te sesemane me elaludubeo. Menio. Sesemane sogo nago wiegi yai pemene eyu, te da godolo mu eyu, tau sabo dao.

Aisaia 38:17

Megi da, eno konebao, te sęgę dabe pedelali, te ena tau sainogo naga yai. Nago ena godolo mu elama, te nago ena te isali bidi dabego pesageba pomainu me ilibeo. Te nago eno yali dwai sę sęgę dabede homu kone me isąyu, tagalai dao.”

Jeremaia 31:34

Te ena Genuai Bidi, eno po dolo obao, te sogo te bidi dabego te augwa abagi dabe, me augwa ama dede, te po ola mabo po weyu, te tiwai po weyu, ‘Dagego Genuai Bidi koneiąo,’ po me wagobeo. Menio. Te nogi meni yai bidi, me nogi elalubo dabe, tigidaligo ena koneaibao. Magi baso meni, te eno augwa sęgę tagalama, te eno augwaligo yali dwai sę homu kone munu me egobeo,” wali.

Hibru 10:2

Menio. Te ofa maiabo bomai pogo augwaligo yali dwai sę sela sąnama tama augwali wiegi yai mu ilama pedaligi sogo da, teda augwaligo te ofa ma egi menigi dao. Tama te Godibolo lotu po wagasali we bidi dabe augwali te deli sogo yali ofade te wiegi yai pedaligi sogo da, teda augwaligo homude te sęgę elalubo homu kone me egi menio.

2 Samuel 12:13

Devitgo te po odama, tama aga te po wai, “Eno te Genuai Bidi gedude agade dwai sę yalio.” Tama Natango te tama po agabolo wei ponani, “Genuai Bidigo nago te dwai sę yali sela sąnama, tama nage me isigobeo.

Jeremaia 50:20

“Te ena Genuai Bidi, eno te po obao, te sogo eno te dwasianu hani Israelgo sęgę sela sąyu, te augwali bugagia bidimainogo yaibao. Tama me, eno te Judago yali dwai sę sese sela sąwaibao. Tama te dwai sęgę ma dwai sę te augwalide me elalugobeo. Te bidi dabego augwali hani siba po kisilama obaso da, te usu me egobeo,” Genuai Bidigo te po wai.

Aisaia 45:6

Eno tama tibaso, te tigidali tǫ habu pedai we bidigo te tiwai konemainu yali, ena deli naga ena Genuai Bidi, te gasa god munu me bidibeo.

Godigo Nogi Ugwaba Sabo Tęąbi Po Wabo Buku Dabe 113:3

Te giliga pedalubo badu, me giliga dega sigulubo badu, teba usu nigi peyu, da tigidali we bidigo te Genuai Bidi nogi ugwa sao.

Godigo Nogi Ugwaba Sabo Tęąbi Po Wabo Buku Dabe 50:1

Te Tigidali Bomo Elalubo God, aga te dago Genuai Bidi da, megi da agai po weyu, tama te giliga pedaluboba, me te giliga dega siguluboba usu nama, te tigidali we bidiba i obao. Agai te tigidali bulu tǫ we bidiba i wabo dao.

Aisaia 44:22

Eno dagego dwai sę yali sęgę sela sąwanio, tama augwali te pǫ waligo selasa pabo tiwai yalio. Te dagego yali dwai sę te kigamu pǫ te giliga pedalubode sia sabo tiwai yalio. Eno dage ma salio, tama tialima, dage enaba ma asiąo,” wali.

Esekiel 18:22

Te agai polobadu yali dwai sę eno homu kone ma palogobeo. Megi da, agai doloba pai kolesaga ebaso, te aga bugagia bidaibao.

Maika 7:19

Te nago olo mu tau sabo wiegi yai kolesaga dabolo ma yaibao. Te nago dago sęgę aiyaba elalu, te magi nai me deli nago sągągo agabo tiwai ebao, tama te sęgę nago te tamu ąį ge aiyanu mu dulaliba te sąwaibao.