Godigo Nogi Ugwaba Sabo Tęąbi Po Wabo Buku Dabe 103:10 - Godigo dwagi yai po buku

¹⁰ Dago dwai sę ebode da dene sabo digi, agai te dago yali dwai sę usu nama dene dabolo mabo menio. Dago dwai kolesaga hauwa yai, tama agai genuai sęgę dabolo wei begelaibao homu yai, tialima agai te sę ebo menio.

Godigo Nogi Ugwaba Sabo Tęąbi Po Wabo Buku Dabe 103:10 Referans Kwoze

Esra 9:13

“Te mu tama nago te tiwai po dabolo mu tama obadi, tiali goli dago nago po sela sąyu, tama te dwai sę ebo genuai mu yai. Tama tiyu, nago da sesanobo po obao. Dago te dwai sę hauwa mu yali, tama te nago da tigidali mu doligi sogo da, te dolo igi dao. Tiali goli, te menio, nago te olo tau mabo wiegi yai kolesaga daba eyu, tama nago te dwasianu hani bidimainogo ilalio.

Te We Bidi Dabego Jerusalem Hagede Gela Wali 3:22

Tigidali sogo Genuai Bidigo da homu dene eyu, tau sabo sę elama, tama agai daba homugo kęą peyu, da godolo mu ebo dao. Tama agai te kolesaga munu me siligobeo.

Godigo Nogi Ugwaba Sabo Tęąbi Po Wabo Buku Dabe 130:3

Te nago dago yali dwai sę tigidali nedebaso da, teda dego nago te po tų ebo ugwaba ela holobo usu egowe?

Nehemia 9:31

Tiali goli, nago olo tau sabo wiegi yai homu kolesaga te genuai mu elalubo, tama tiyu nago augwali tudiba me musąma, tama nago augwali mu dolomainu me ebeo. God, nage te olo mu tau sabo wiegi yai homu kolesaga me homu dene ebo page bidi mu da, tama nago da wei eyu, godolo mu ebo dao.”

Jopgo Po Asęani Elalubo Buku 11:6

Tama eno homugo aga digi nagebolo te dwagi yai kolesaga page dabe, me te dwagi yai homu kolesaga page dabe ola momai igi dao. Magi baso meni. Nai hauwa mu geme dualalubao, te da bidi dago kuna konegobeo. Jop, eno homu nago konemai yaibao. Godigo nage dali dua mu yali, tama agai nage genuai sęgę mu mabe, te nago dwai kolesaga dolo wei ponoyu,” wali.

Habakuk 3:2

Genuai Bidio, te nago bomogo yali sęde po eno odolama, te ena noma siyu, nage dologode bidabo homu ebao. Te polobadu nago yali genuai genuai sę dabe, eno homugo nago te tiwai bomai sę dabe te nago da megi bidibo sogo ma emainu homu ebao, te megi e sogo bidibo bidi dabe augwaligo nago te tebo sę ebo kolesaga sulama konemainao. Mu tama, nago dade sębę ebo page elalubao, tiali goli, nago te hobede ebo God da, te eno nagebolo hanalubo, te nago da hobede elama, tama da tau sao.

Jopgo Po Asęani Elalubo Buku 33:27

Tama te bidigo gasa we bidi dali pusuyu, e tama waibao, ‘Eno dwai sę yai goli dao. Eno dwagi yai kolesaga me yai menio. Tama tibaso, Godigo eno tigide haniani sę mu igi dao. Tiali goli, agai ena hobede elama, agai te sę ebeo. Menio.