Godigo Nogi Ugwaba Sabo Tęąbi Po Wabo Buku Dabe 102:28 - Godigo dwagi yai po buku

²⁸ Tama nago dago wai dabe tonalu, tama augwali bugagia bidaibao. Tama nago te augwa wąį nǫų nosali pedalubo hani dabe selama, tama augwali te nage dali sesemane bidada pomainu yaibao.

Godigo Nogi Ugwaba Sabo Tęąbi Po Wabo Buku Dabe 102:28 Referans Kwoze

Aisaia 66:22

“Ena Genuai Bidi, eno te po obao, te gesi dagalu me gesi tǫ eno nigaibao, te eno gedude sesemane bomo elalueibao, te tiwai duga wai dabe te sesemane sogo bomo elalu, te dagego nogi me sia sogobeo.

Aisaia 65:22

Te boi bidi dabe munu ma aselama, te eno we bidi dabe sela sąyu, ela gudulama, te augwaligo beba bidagaselama, te augwa wain gi selama, te wain du tabilama tuyu, me tegobeo. Te eno we bidi dabe sesabi elama, bobobage sogo mu bidaibao, te bomai dila pai ni tiwai elalueibao. Awe, tama augwa digi sę dene elama, pedalubo naide wiegi yai homu pemene elama, bidaibao.

Aisaia 53:10

Tiali goli, Genuai Bidigo digi aga sę bidi aiyaba elaluama, tama agai te dene selama, tolomainu yali, magi baso meni, te sę bidigo digi aga bidibo ula mayu, te we bidi dabego sęgę sela sąbo ofa tiwai ebaso da, teda aga bidibo sogo te bobobage mu igi pelama, te aga bulai wąį nǫų wai dabe sueibao. Te aga yali sęde, te sę bidigo te Genuai Bidigo homugo yao homu ebo sę ebaso, te agai te sę bugagia pedalumainu ebo dao.

Godigo Nogi Ugwaba Sabo Tęąbi Po Wabo Buku Dabe 89:4

“Tama eno te po wali, ‘Te king dabe nago hanide naga pedelaibao,’ wali. ‘Mu tama, sesemane sogo eno te nago hani bidi me deli te king bidi mudaibao,’ te po wai.” Nago te po wai dao.

Bomai Po 32:39

Dagego mu koneao, ena deli ena God mu dao. Tama ena tiwai god me menio. Eno bidi dabebolo bidibo ula mabo dao, tama eno bidigo bidibo ula ma sela sąbo dao. Eno bidi mu dolama, tama eno aga ma usu ilibo dao. Eno magi sę me yainogo da, teda eno yaibao, te bidi mego ena hagegobeo.

Jopgo Po Asęani Elalubo Buku 10:5

Tama magi yali? Nage da yali gilama pęwadage sogo bidama, isaibawe?

Aisaia 41:4

Dego mu te sę dabe pedalumainu ilaliwe? Te Genuai Bidi, eno naga dao. Te eno tǫ gagalama pedalumainu yali sogo, sesemane sogo eno tigidali nai te tǫde pedalumainu dodoludalio. Ena Genuai Bidi ena hasia polasa mu bidali. Te ena nosali badu sogo me bidaibao.”

Aisaia 43:13

Megi me, tigidali sogo, ena te God mu bidibao. Te eno we bidi me deli te bonogo kębo tiwai eyu da, te niwai bidi me deligo te eno bomo sela sąnama, te augwali eno nogode ma dobola sogobeo. Te sę me deli eno ebaso da, te mena bidi me deligo eno te sę ebo me paligobe,” te po wai.

Malakai 3:6

Genuai Bidigo po ma weyu, te po wai, “Ena naga ena Genuai Bidi, tama eno homu kolesaga me hasegeligobeo. Tama tibaso, dage te Jekopgo bulai wąįgo wai dabe, dage tigidali me hagabe dao.