Godigo Nogi Ugwaba Sabo Tęąbi Po Wabo Buku Dabe 102:26 - Godigo dwagi yai po buku

²⁶ Te tigidali nai te hagawaibao. Tiali goli, nage te sesemane bidaibao. Te augwali te poloba ugwa badia pabo tiwai pedelama, te dolaibao. Tama nago augwali hasegelama, te bidigo ugwa hasegelibo tiwai yaibao, tama augwali pela siliyu, tama me elalugobeo.

Godigo Nogi Ugwaba Sabo Tęąbi Po Wabo Buku Dabe 102:26 Referans Kwoze

Aisaia 51:6

Dagego te dagaluba ugwaba tonoyu, te tǫba aiyaba tonoyu yao. Te dagalu tigidali te hano sia sabo tiwai mu yaibao, tama tǫ te gudubo ugwa dolobo tiwai yaibao. Te tigidali we bidi te dinai sibi isila pabo tiwai yaibao. Tiali goli, eno te we bidi tau siyu, ma sabo kolesaga, te sesemane sogo elalua pidubadi, te me sia sogobeo,” wali.

Matyu 24:35

Te dagalu de tǫ si da, te silaibao, tiali goli eno po da, te munu me sia sogobeo,” Jisasgo te po wai.

Aisaia 34:4

Giliga, me polua, me hǫ dabe hala pelama, te tutudulaluama, te mu tigidali silaibao. Tama dagalu da, te bidi dabego 1pepa yabe bebe pelama, kękę pabo tiwai yaibao. Te dagalu daide ula ebo hǫ dabe tigidali te ni wain yabe wa pai te tǫba tudulalubo tiwai eyu, te ni kaya fik yabe wa pai tudulalubo tiwai yaibao wai dao.

Kraisgo Geme Dualali Sę Pedelabo Po Jonbolo Ola Mani 20:11

Te eno suali, genuai tedela yai te tuni bidi duabo nai elaluali, tama bidi te duabo naide dulaluai. Tama tǫ dali dagalu si te agade wi pali, tama augwaligo bulu ma elalugobeo. Menio. Augwali si mu silalio.

Dwagi Yai Gesi Po Lukgo Asęani 21:33

Dagalu dali, tǫ dali tigidali pela silaibao, tiali goli eno po me munu me sia sogobeo,” Jisasgo te po wai.

Kraisgo Geme Dualali Sę Pedelabo Po Jonbolo Ola Mani 21:1

Te po tų ela silama, tama nosali eno suali, gesi dagalu dali, gesi tǫ dali elaluai. Te hasia dagalu dali, te hasia tǫ dali, te tigidali pela silai. Tama te tamu ąį me te ma elalugobeo.

Polgo Po Pas Rom Dabeba Asęani 8:20

Megi e sogo tigidali nai dabe dwai bidiyu tama dolobao. Te augwa homugo digi me ebeo. Menio. Godigo digi augwali te tiwai kalabus elama bidibo. Te augwaligo te Godigo augwalibolo nosali yabo sę tonaluyu bidibo dao.

Aisaia 66:22

“Ena Genuai Bidi, eno te po obao, te gesi dagalu me gesi tǫ eno nigaibao, te eno gedude sesemane bomo elalueibao, te tiwai duga wai dabe te sesemane sogo bomo elalu, te dagego nogi me sia sogobeo.

Godigo Nogi Ugwaba Sabo Tęąbi Po Wabo Buku Dabe 102:12

Tiali goli, Genuai Bidi, nage sesemane sogo king bidibao. Te nosali pedalubo hani we bidi tigidaligo te augwaligo nage koneaibao.

Aisaia 65:17

Genuai Bidigo te tiwai po wali, “Suao, eno gesi dagalu me tǫ nigaibao. Te bidi dabego te polobadu pedelali naiba homu kone me palogobeo. Augwaligo te nai mu gegeda paibao.

Ma Dobola Sali 3:14

Tama Godigo te po wali, “Ena Digi Ena Tama Bidibo Dao. Nago te Israel we bidi dali te po wao, ‘Ena Digi Bidibo, te Godigo nogi dao. Tama agai ena tagala palobaso, tama ena dage bidiboba asai.’

Te Israel me Juda Hani Sigo Tuni Bidigo Po Elalubo Buku Si 19:15

Tama te king Hesekia agai te Genuai Bidi dolo gedu haluasa e po tama wali, “Genuai Bidi, nage da Israel hanigo God, tama nage e bede naga sę ebo ensel mobo bidi si noma si ugwadu daide bidibo dao, tama nage king naga te dugabo ni namede dugulalubao. Nage te nage God mu dao, te nago naga te e tǫde te tigidali bulu hani dabe tonalubo dao. Naga deli naga te tǫ me, te dagalu me, naga naga nigai dao,” te po wali.

Jopgo Po Asęani Elalubo Buku 38:4

Eno e tǫ nigilama, aga page dąų walobode, nage menade bididuai dawe? Ma, nago te sę dabe mu koneani wida, nago enabolo pusao.