Godigo Nogi Ugwaba Sabo Tęąbi Po Wabo Buku Dabe 10:6 - Godigo dwagi yai po buku

⁶ Agai te aga homude kone palama, tama te po weyu, “Ena bomonama dolalubo da,” po wai. “Te magi nai me deligo ena dwasianu me degelegobeo. Te enade sęgę me gegegobeo,” te po wabo dao.

Godigo Nogi Ugwaba Sabo Tęąbi Po Wabo Buku Dabe 10:6 Referans Kwoze

Matyu 24:48

Tiali goli, te sę bidi dwai bidi bidibaso da, teda aga homugo digi aga te homu elama, te eno genuai bidi te polo me asogobe da homu eyu,

Aisaia 56:12

Te augwali sisinibo sogo, augwali mebago te tiwai po wali, ‘Ae, tegobao, eno te wain ąį selama, te da tųdu pelama, te dena godolo yaliba usu nigi paibao. Te do da wabo sogo, da ma sisinama, te umabo mu ma tueibao,’ wabo dao.”

Kolesaga Koneai Bidigo Pusali Po Elalubo Buku 8:11

Me sogo te bidi me deligo dwai sę elama, tama augwaligo agade po tų elama, te agaba mabo dene po dodolama elalubao. Tiali goli, augwaligo sesabi elama, te dene agaba mabeo, aga olo bidali. Tama tibaso, te tama tebo sęgo te we bidi dabe augwali homu hodolama, te augwaligo dwai kolesaga ebo bomo elama yaibao.

Kraisgo Geme Dualali Sę Pedelabo Po Jonbolo Ola Mani 18:7

Te aga digi aga nogi ugwaba siyu, tama aga tigi naga tau sabo sę yai dao. Tama dagego agabolo dene dali sęgę dali si hauwa mayu, te yali dwai sę usu nama yao. Tama dagego aga gela hauwa omainogo yao. Magi baso meni. Agai aga homude e tama po wabo dao: ‘Ena te tuni we bidibao, tama ena te tuni bidi bidibo saide dulalubo dao. Ena te bidi isai we bidibo tiwai olo bidibeo. Tama tibaso, te sęgę enabolo pedaluyu, te ena gela me wagobeo. Mu menio,’ agai te homu ebo dao.

1 Tesalonaika 5:3

Tama te Godigo po wali pisiąwai we bidi augwaligo te po waibao, “Megi te da bugagia bidabo sogo dao, te da dolabo nai pąba asogobeo,” te po waibao. Tiali goli, augwaligo te tobage po obadi, sisi isiąwai, te sogo digi tama augwali dolabo nai polo augwaliba pedalaibao, augwali noma mu saibao. Te wede ebo sę tiwai, we mego wai ame nainogo tigide ebo dene tiwai ebo si pedelaibao, tama te we te dene wi pabo tų menio, wi sana pogobeo. Tama te tiwai te Genuai Bidi asobo sogode te Godigo po wali pisiąwai bage augwali wi pabo tų menio.

Nahum 1:10

Dage te bomai wę tuyu gęo page mu yali bage tiwai dao, dage dwai madi bidibao. Agai dage tigidali silaibao wali, te siago te sesani yai nosai me kala wa pai te isi tula palobo tiwai yaibao.

Godigo Nogi Ugwaba Sabo Tęąbi Po Wabo Buku Dabe 30:6

Polobadu te ena bugagia mu bidibaso, tama eno te tiwai po wali, “Te magi nai me deligo ena dwasianu degelainu ebaso, usu me egobeo,” wali.

Godigo Nogi Ugwaba Sabo Tęąbi Po Wabo Buku Dabe 15:5

Tama te agade negeli sali bidigo te negeli wei ponobo sogo, agai te giguai mone ma ugwadu daganobo mone mao olama, agai sogobeo. Te gasa bidi dabego te dwai sę isąwai bidi me deli dali po tų yainogo eyu, tama augwaligo homu augwaligo te doloba pai bidibolo mone meba geme menama, tama agai te po tų ebode te tibo po kisilibo po waibao. Tiali goli, agai te mone selama, agai te tibo po kisilibo po wagobeo. Bidigo te dwagi yai kolesaga ebo wali pabo bidi aga tulalugobeo.

Godigo Nogi Ugwaba Sabo Tęąbi Po Wabo Buku Dabe 14:1

Kolesaga meni yai dwai sę ebo bidi dabe augwa hasi te po wabo dao, “God bidibo menio,” wabo dao. Te bidi dabe augwali te dwai bidi dao. Augwaligo dwai kolesaga mu naga ebo dao. Bidi me deligo dwagi yai kolesaga me ebo menio.

Godigo Nogi Ugwaba Sabo Tęąbi Po Wabo Buku Dabe 11:1

Eno konealubo po mu dąų wali, Genuai Bidigo ena tonaluaibao. Abagi dede, dage kolesaga isąyu, dagego enabolo te po wali, “Nage bulu duba wi pao, te ba me deli wi ebaso, polo pabo tiwai yao.

Aisaia 47:7

Nago homugo nage te kwin sesemane sogo bididuaiba homu yali, tama tiyu, nago te nageba nosali pedelabo sę te bugagia homu kone palobeo. Mu tama, tede nago homu kone palobeo.”