Godigo Nogi Ugwaba Sabo Tęąbi Po Wabo Buku Dabe 10:5 - Godigo dwagi yai po buku

⁵ Te agai yali sę tigidali, te wiegi yai pedalubo dao. Agai te Godigo po tų yabode te homu kone dwasianu me ebeo. Agai te boi bidi dabeba te posobo po weyu ebo dao.

Godigo Nogi Ugwaba Sabo Tęąbi Po Wabo Buku Dabe 10:5 Referans Kwoze

Aisaia 26:11

O Genuai Bidi, nago nogo polo balalubao, te dwai we bidi dene mawainogo. Tiali goli, augwaligo subeo. Genuai Bidi, te nago naga we bidi godolo mu elama, tau sabo kolesaga te augwaligo sumainao. Tama te dwai bidi dabe augwali hale dwai mu yaibao. Tama nago naga boi bidi dabe ulabo isi, te isigo augwali mu ula silaganio.

Godigo Nogi Ugwaba Sabo Tęąbi Po Wabo Buku Dabe 12:5

Tiali goli, Genuai Bidigo te tama po wai, “Te megi da, ena asaibao, magi baso meni, te magi doado bage meni yai bidi dabe te bidi dabego aiyaba elaluai. Tama te dene me sęgę tolali bidi dabe, te augwaligo gela udali. Te eno augwali te bugagia bidabo te augwa sainu tonaluali madi, teba muaibao,” wali.

Polgo Po Pas Rom Dabeba Asęani 3:16

Augwaligo augwa dwai sę ebo kolesaga wali peyu, tama te bidi dabe hauwabolo te dene me sęgę me te si naga mabo dao.

Hosea 14:9

Te wiegi yai homu kolesaga elalubo bidi dabe, augwaligo te e bukude elalubo po konea sao. Tama eno homugo te augwaligo homu kone palama, tama te po wali pomainao. Te Genuai Bidigo kolesaga te dolo naga elalubao, tama te doloba pai bidi dabego te kolesaga wali peyu bidaibao. Tiali goli, te dwai sę ebo bidi dabe, te augwaligo Genuai Bidigo kolesaga wali pogobeo. Tama tiyu, augwali tulalubo dao.

Hosea 9:9

Dagego te dwai kolesaga sesemane sogo ebao, te duga wąį nǫų dabego polobadu te bulu Gibeade yali sę tiwai yai. Tama te Godigo dagego yali dwai sęgę te homu kone paliyu, te agai dageba dwai dene mu mawaibao.

Aisaia 42:25

Tama tibaso, agai te boi bidi dabego daba hwįagasomainu tagalama, te dago agai haliga sębę ebo page konemainu yali. Agai haliga sębę te sia dabo tiwai elama, te Israel mu ulali. Tiali goli, dago tede kolesaga selama, te dago kolesaga me hasegelebeo.

Aisaia 28:15

Tama dagego e tama po wabo dao, “Dago te isibo kolesaga dali dago polo po dąų ola selama, tama dago te gų page dali dago po polo dąų ola sai dao. Tama tibaso, augwali sigo da me dologobeo. Te dwai sę da dolo pedalubadi me tagala, teda da geda muaibao. Magi baso meni. Dago te ili po olama, te hasegelu hasegelu ebogo da tau siyu, tama da bugagia bidaibao,” dagego te po wabo dao.

Aisaia 10:1

Dage te gesi gesi bomai po mubo bage, dage dolaibao. Te gesi bomai pogo te po tų ebode gasa bidi dabe aiyaba elaluama, tama nai meni yai bidi dabego nai sainu. Tama tiyu, te nai meni yai bidi dabe po tų ebo sogo asobaso da, te bomai pogo augwali tau sabo meni. Tama augwali po tų ebode geda mubo dao. Tama te dolo meni yai kolesagago dagego Genuai Bidigo we bidi dabe aiyaba elaluama, tama dagego te wilawe we dabe, me tiana wai dabego nai dabe dagego wi sabo dao.

Aisaia 5:12

Te nai daa tuyu, wain wę tuyu, me haniani musik gitago eliyu, genagego eliyu, hąbidigo eliyu ebo, te dagego mu koneani. Tiali goli, Genuai Bidigo yainu ebo, te sę dabe dagego munu me konebeo. Dagego te sę dabe te olo nai dabe da homu ebo dao.

Bugagia Bidibo Kolesagade Po Asęai Buku 24:1

Nago te dwai kolesaga ebo bidi dabego ebo dwai kolesaga wei homu me elamuo. Tama nago augwali dali kisa sabo homu me elamu dao.

Bugagia Bidibo Kolesagade Po Asęai Buku 15:24

Te wiegi yai homu elalubo bidigo da, te sunumidu ugwaba holama, te aga bidabo ula saibao. Tama tialima, aga te isali bidi dabego pesageba me dulugobeo.

Bugagia Bidibo Kolesagade Po Asęai Buku 2:15

Te bidi dabego ebo kolesaga te dolo mu me ebeo.

Bugagia Bidibo Kolesagade Po Asęai Buku 2:13

Te bidi dabe augwaligo te dolasa pabo sunumi tagalu, tama te hulia sai sunumidu bilibo dao.

Bugagia Bidibo Kolesagade Po Asęai Buku 1:19

Te hwįbo bidi dabego, ma te nai wi sabo bidi dabego te kolesaga wali pabo dao, tama tiyu, augwa digi dolaibao. Te augwa wi sali nai dabego te augwali dolobo ąǫ ebo dao.

Te Israel me Juda Hani Sigo Tuni Bidigo Po Elalubo Buku Deli 20:13

Te sogode te profet me deli te king Ahapba pelama, agabolo te tama po walali, “Genuai Bidi Godigo te tiwai po wai, ‘Te Benhadatgo genuai ami soldia hani suao. Megi da, eno te nago augwali aiyaba elalumainu sula tagalaibao. Te nago koneama, ena digi ena Genuai Bidi da wao.’ Genuai Bidigo te po wai,” te profet bidigo wali.

2 Samuel 5:6

Me sogo deli sogo king Devit te aga ami bidi dali te Jerusalem taun sainu hwįgi pali. Jerusalem te Jebus dabego augwa page bulu da. Te Jebus dabego homugo Devitgo te augwaligo taun sabo usu egobe da homu yai, tama tiyu, augwa te tiwai posobo po Devitba wali, “Dage te dago taun tomoba asainu ebaso, te usu me egobeo. Te gedu widai bidigo me, te sągą dwai bidi dabego, te augwaligo dage asabo sunumi panibaso, te usu yaibao,” wali.

Te Israel Tobolu Bidi Dabe 9:38

Tama megi da, Sebulgo Galbolo te po wali, “Megi da, nago posobo po wali te po mena elalubawe? Naga digi nago te po wai, ‘Abimelek te de dawe? Magi baso da te aga dologode bidibawe?’ Te e bidi dabe augwalibolo te nago posobo po walio. Tialima, megi da, te nage pelama, te augwali dali boi hwįgi pao,” wali.

Te Israel Tobolu Bidi Dabe 9:27

Tialima, augwali te augwaligo wain giba pelama, tama te tau yali wain du dabe tigidali salio. Tama augwaligo te wain du pęgęlama, tama aga ąį te selama, tama augwaligo genuai nai daa tuali. Tama augwali te augwa tibo godiba lotu wabo be tempel tomoba pelama, tama augwa te nai me wę me tubo sę eyu, tama te Abimelekde dwai posobo po weyu yalio.

Tigidali Nai Gagalama Nigali Side 6:12

Tama Godigo tǫba tonaluama, tama agai tigidali bidigo dwai kolesaga mu ebo suali. Te bidigo bilibo kolesaga te gaga pai mu pedelama, tama dwai kugumini naga yai.

Jopgo Po Asęani Elalubo Buku 24:23

Godigo digi augwali bugagia dua bidimainu elama, tama dwai sęgę augwaliba me pedalobo menio. Tiali goli, tigidali sogo agai augwali bugagia tonalubo dao.

Godigo Nogi Ugwaba Sabo Tęąbi Po Wabo Buku Dabe 73:3

Magi baso meni, eno suali, te dwai sę ebo bidi dabe te moni bidi pedalubaso, tama eno te hagoma ebo bidi dabego nai dabede pesa yali.