Godigo Nogi Ugwaba Sabo Tęąbi Po Wabo Buku Dabe 10:14 - Godigo dwagi yai po buku

¹⁴ Tiali goli, menio. God, nago te dwai sę ebo bidi dabego kolesaga subo dao. Tama da gasa we bidi dabeba te sęgę me dene mabo, te nago koneani, tama nago da tau sainu sisi yai. Te bomo meni yai bidi aga digi te nage nogoba muani, magi baso meni, te sesemane sogo nago te magi nai meni yai bidi tau sabo dao.

Godigo Nogi Ugwaba Sabo Tęąbi Po Wabo Buku Dabe 10:14 Referans Kwoze

Godigo Nogi Ugwaba Sabo Tęąbi Po Wabo Buku Dabe 68:5

God te aga gasa wiegi yai bede bidiyu, tama agai te aga aya ida isai wai puluba dabe tonalubao. Tama agai te wilawe we dabe, te agai tau sabo dao.

Godigo Nogi Ugwaba Sabo Tęąbi Po Wabo Buku Dabe 146:9

Agai te dago tǫde bidibo te gasa bulu bidi dabe tau sabo dao. Tama agai te wilawe we dabe tau siyu, tama te tiana wai puluba me tau sabo dao. Tiali goli, agai te dwai sę ebo bidi dabego yainogo ebo sę dabe te augwali homu kone tųą palobo dao.

Hosea 14:3

Te Asiria dabego da ma dobola sogobeo, usu egobeo, tama te hwįbo hos dabego me da tau me sogobeo. Te usu egobeo. Dago te tibo god nigali, te dago te tiwai po augwaliba ma weyu, ‘Dage te dago god da,’ me wagobeo. Genuai Bidi, nago dabolo te homu dene eyu, tau sabo wiegi yai kolesaga ebo dao, magi baso meni, da te aya meni yai wai puluba bidibao, te tau sabo usu meni yai bidibo dao.” Dagego tama gedu haluasa po agabolo wao.

Jeremaia 49:11

Tialima, dage Idom dabego duga wai puluba dabede homu si me igio. Te aya dage isibaso da, te ena digi eno dagego wai puluba dabe tonalueibao. Te dagego we dabe augwa digi ena nogoba mumainogo yaibao,” wali.

Godigo Nogi Ugwaba Sabo Tęąbi Po Wabo Buku Dabe 55:22

Tigidali sęgę nago tolobao, te nago Genuai Bidiba mao. Te agai tolama, tama te agai nage dąų walaibao. Te agai te magi nai me deligo te doloba pai bidi dabe dolomainu me iligobeo.

Bomai Po 10:18

Agai te bidi isai wilawe we dabe dali wiegi yai doloba pai kolesaga ebo dao, me te wai bǫų dabe augwa aya isai wai dabe me, augwali agai bugagia tonalubo dao. Agai gasa buludu asai we bidi da dali bidibo, te bage augwali nai dabe mayu, me augwali ugwa dabe mayu ebo dao.

1 Pita 5:7

Tama bidiyu, tama God agai dagede homu eyu, tama agai dage bugagia tonalubaso te dagego moni homu ebo sę tigidali aga nogoba muiąo.

1 Pita 4:19

Tama tibaso, God agai “Awe” weyu, tama dage dene siyu da, teda dagego dwagi yai sę naga ebogo dagego duga digi God nogoba muao. Te God aga digi agai dage nigali, te agai dage tau siyu ma dobola sabo bomo te munu me siligobeo.

Polgo Si Wali Pas Timotiba Asęani - 2TI 1:12

Tama tiyu, ena kalabus bidi megi bidiyu, tama te sęgę eno tolobao. Tiali goli, ena tede hale me egobeo. Menio. Ena da, te eno Godiba homu tia pai bidi da weyu, te aga eno konebaso hale egobeo. Tama eno koneani, agai ena nogoba te muani sę te agai mu tonaluyu, tama te sesemane sogo bugagia bidada peyu, te genuai bodolu pedalubo sogoba usu nigi pabo aga usu yaibao, te sę hagagobeo.

Habakuk 1:13

Te Babilon dabe augwali te tibo po wabo bidi dabe dao, me augwali te haniani dwai sę ebo bidi dabe dao. Mena tama mu tibaso, nago augwali nago sę emainogo sula tagalobawe? Eno koneani, nage doloba pai mu elama, tama nago dwai kolesaga ebo bidi dabe po tų ela mayu, tama augwalibolo dwai pe wei ponobo dao. Tiali goli, te Babilon bidi dwai dabego te bidi meba dwasianu wiegi yai bidi dabe dolobao, tama nage ma olo dulaluyu tonalubao. Nago magi baso tama tibawe?

Jeremaia 51:56

Te nai doado bage dolabo bidi dabe, augwaligo te Babilonba boi hwįagaselama, augwali aiyaba elaluaibao. Tama augwaligo te Babilon ami bidi dabe kalabus elama, te augwaligo enesigi dabe tologwaibao. Magi baso meni. Genuai Bidi aga te dwai sę ebo dolo wei ponobo God dao. Tama tibaso, mu tama, agai te Babilon dabego dwai kolesaga usu siyu, dolo mu wei ponaibao.

Jeremaia 16:17

“Magi baso meni, eno te Juda dabe tigidaligo ebo kolesaga subao. Augwa ebo dwai kolesaga te augwaligo dualainogo ebo usu me egobeo.

Bugagia Bidibo Kolesagade Po Asęai Buku 15:3

Genuai Bidigo te tigidali we bidigo ebo sę te tigidali habu badu pedalubo te subo dao. Agai te wiegi yai bidi me, dwai bidi me, subo dao.

Godigo Nogi Ugwaba Sabo Tęąbi Po Wabo Buku Dabe 35:22

Tiali goli, Genuai Bidi, nago te bidi dabe augwali sualio. Tama tiyu, nago pedauwali panialuamuo. Genuai Bidi, nage enade te digibulu me bidilamu dao.

Godigo Nogi Ugwaba Sabo Tęąbi Po Wabo Buku Dabe 22:11

Te sęgę enaba megi pedalubao, tama tiyu, nago ena me tagaligio. Ena tau sabo bidi deli me menio.

Tuni Bidi Dabego Po Elalubo Buku Si 6:23

teda Genuai Bidi nage ugwa dagalude bidiyu, tama nago augwaligo gedu haluasa po wabo odama tama augwaligo po tų ebo odao. Tama nago te dwai sę yali bidi dene mao. Tama nago te dwai sę isąwai bidi nago aga wiegi yai sę ilao. Teda te bidi dabebolo agai dwai sę ebeo olama ola mayu tama tiao.”

Te Israel me Juda Hani Sigo Tuni Bidigo Po Elalubo Buku Si 9:26

‘Tialima, te do tama eno suali, ma te bidi dabe augwaligo te nago homugo ebo kolesaga tų wali peyu, tama augwali te Nabot aga wai buluba dali te augwaligo elama isilalio, tama teyu, te ena Genuai Bidi dao, te eno mu po tama obao, tama te nago te Nabot tǫde yali dwai kolesaga te eno nagebolo dolo mu wei begelaibao.’” Tama te Jehugo te Bitkarbolo e tama po ma wali, “Te Joramgo tigi selama, tama te Nabotgo tǫ naga tama sągi pao, te Genuai Bidigo poba usu nigi peyu, tama tiao,” wali.

Te Israel Tobolu Bidi Dabe 1:7

Tama Adoni Besekgo te po wali, “Polobadu eno te tuni bage bidi sese sela te gasa bidigo nogo si te 70 bidi te augwali eno te a nogo me, a sągą me togolama, tama augwaligo te nai kakali te eno tebol sai dologode sela tuyu yai. Megi Godigo te tiwai sę naga te enaba wei ponobao,” wali. Tama augwaligo te tuni bidi Adoni Besek te moni hanu Jerusalemba sela pelama, te Jerusalemde bidibadi tama aga isai dao.

Hibru 4:13

Te Godigo nigali nai me deli te God agai gedude te geme dula sainogo ebo te usu munu me egobeo. Menio. Te tigidali nai te hania mu te Godigo gedude tigidali te elalubao. Tama Godigo naga te dago ebo kolesaga tigidali dagalabo bidi dao.

Joel 3:4

“Dage te Tair me Saidon hani bage, me tigidali Filistia pedai badu me, dagego enaba mena sę yainu ebawe? Dagego homugo eno te dwai sę yalide homu eyu, te wei ponainu eba, agawe? Te dagego tama homu ebaso da, teda eno te polo dageba te wei ponaibao,” wali.

Aisaia 10:3

Te Godigo dagego dwai kolesaga wei ponabo sogo bodolu muani, te sogoba sabalobo si, dagego magi sę yaibawe? Te agai gasa bulu me te bomai wali tiwai aselama, dage dolomainu ebaso, dagego magi sę yaibawe? Dage te deba udalama, dage tau somainu yaibawe? Tama te nai dabe hauwa dagego sali, te nai dabe dagego menade mugi paibawe?

Jeremaia 23:24

Te bidi me deli gasa badu me dula sigi pobaso, te ena Genuai Bidigo, eno aga sugobe homu ebawe? Te eno aga sueibao, magi baso meni, ena Genuai Bidi, ena te tigidali badu te dagalude me tǫde bidibo dao,” wali.

Tigidali Nai Gagalama Nigali Side 21:17

Godigo te ogwa gela wabo odali. Tama Godigo mobo bidi ensel te dagalude bidiyu, tama i olama, Hagarbolo te po wai, “Magi yaliwe, Hagar? Nage wi me elamuo. Godigo te ogwa aga bidibo madide gela wabo odalio.

Tigidali Nai Gagalama Nigali Side 31:12

Tama agai po ma wali, ‘Suao. Te omai kibu meme te tigide haniani dodobolo pali, augwaligo naga te meme kibu so dabe penani ebao. Ena digi eno te tiwai ilibao, magi baso meni, eno suali, te Labango nagebolo ebo sę tigidali eno sualio.

Ma Dobola Sali 2:25

Tama tibaso, God agai te Israel bidi hani augwali dodolama mu bidibo suai. Tama agai augwali hobede elama, agai augwali tau sabo homu yai.

Ma Dobola Sali 22:22

“Dagego te aga bidi isai we dali te dwai kolesaga eyu, ma te wai puluba, augwa aya ida isai tiana wai dabe dali me te kolesaga igio.

Ma Dobola Sali 22:26

Tama dage dali te negeli sabo bidigo agai te negeli sali wei begelainogo te agai holobo ugwa te sa mubo tiwai eyu, dagebolo mubaso da, teda dagego te sia ge dega sisąbadi, te sogo naga te ugwa agabolo ma mao.

2 Samuel 16:12

Genuai Bidigo te eno ebo dwai kolesaga koneama, tama Genuai Bidigo te homu eyu, te agai enaba te dwai po wali dabe hasegelama, tama aga te wiegi yai sę enaba yaibawe? Te dago sueibao,” wali.

Tuni Bidi Dabego Po Elalubo Buku Si 24:22

Kingo pris Jehoiada aga ayago yali te wiegi yai kolesaga aga dali yali te konebeo, te Sekaraia aga ayago yali kolesaga. Menio. Agai Sekaraia olo dali mu elama isilali. Tama Sekaraia aga isainu te po wali, “Genuai Bidigo dagego te ebo sę sulama, tama aga dage dene mayabuo,” wali.

Godigo Nogi Ugwaba Sabo Tęąbi Po Wabo Buku Dabe 31:8

Nago ena te boi bidi dabego kalabus emainu me ebeo. Nago ena bugagia tau siyu, tama ena te dwagi yai madigi bugagia bidibao.

Godigo Nogi Ugwaba Sabo Tęąbi Po Wabo Buku Dabe 68:6

Agai te bidi me we agaduba deli bidibaso, te be menama, tama augwa tede bugagia bidimainu ebo dao. Tama agai te kalabus bidi dabe augwa te kalabus silimainu elama, tama augwa pesagede te bugagia bidimainu ebo dao. Tiali goli, te sę hagoma ebo bidi dabe, teda dwai pesageba mu bidigi paibao.

Bugagia Bidibo Kolesagade Po Asęai Buku 15:25

God Genuai Bidigo te bidi aga digi aga nogi ugwaba sabo bidigo be dolaibao. Tiali goli, agai te wilawe we agai tau siyu, tama te gasa bidigo te wego tǫ sidali weyu te tama tiaibao.

Te We Bidi Dabego Jerusalem Hagede Gela Wali 3:59

Genuai Bidi, nago te bidi dabego ena dolobo sę ebo nago suai dao. Tama tibaso, nago augwaliba po tų elama, nago ena tau selama, te bage augwali aiyaba elalubo sę yao.

Te We Bidi Dabego Jerusalem Hagede Gela Wali 3:60

Genuai Bidi, nago koneani, augwaligo ena dali boi bidi homu genuai mu ebao. Augwaligo ena dali haniani dwai kolesaga geme yabo homu hauwa ebao, tama me augwaligo ena dali dwai po te obao.

Hosea 14:4

Genuai Bidigo te po wai, “Tialima, ena te tagalali we bidi dabe eno ma dobola saibao. Te eno haligago augwali godolo mu eyu, te eno augwaliba wado yabo homu begelama, munu me egobeo.