Godigo Nogi Ugwaba Sabo Tęąbi Po Wabo Buku Dabe 1:3 - Godigo dwagi yai po buku

³ Te bidi te ni bidi mego ąį sesegede bulai ni elalubo tiwai bidibao. Te nigo nedudu walobo, te sogo dolo naga waliyu ebo dao, tama te ni yabe me sasia pabo menio. Tama tigidali sę agai ebaso, te bugagia pedalobo dao.

Godigo Nogi Ugwaba Sabo Tęąbi Po Wabo Buku Dabe 1:3 Referans Kwoze

Jeremaia 17:8

Aga da, te augwaligo wiegi yai ni te ąį pagede bulali tiwai ebao. Te nigo bono sele te aiyaba dulama, te ąį sigulali. Te genuai giliga nanobo side, te nigo wi me egobeo. Menio. Aga yabe te kebasi yai sesemane elalueibao. Te tulubage menibo sogo, aga homu si me egobeo. Menio. Aga nai sesemane waludubo dao,” wali.

Esekiel 47:12

Tama te Godigo tempel bedu pedelali ąį bogo si badu te wiegi yai ni du walobo ni holaibo. Te ni yabe dabe te me sasi egobeo. Tama augwaligo gesi noma nai tigidali poluade waliyu yaibao. Magi baso meni. Te ąį te Godigo bedu asobo ąį da, tama te ąį pagede elalubo ni dabe sa weyu, tama tiaibao. Te bidi dabego te ni du tuaibao, tama te ni yabe dabe selama, tama augwa haniani gasi dabe usu iliyu yainu saibao,” te bidigo te po wai.

Godigo Nogi Ugwaba Sabo Tęąbi Po Wabo Buku Dabe 92:14

Te augwali monu dabe pedalubo sogo, te augwa nai du me waludaibao. Augwali te bomo elalu, tama augwali me sasia pabeo. Te augwa yabe te ni yabe gesi sogo elalubo tiwai sesemane elaluaibao.

Dwagi Yai Gesi Po Jongo Asęani 15:6

Bidi me deli ena dali wadoloyu bidisiąyu da, te aga da te sasia pai ni nologo tiwai dao. Te augwaligo te tobage ni nologo sela sąbo dao. Tama sela sąnama, augwaligo te sasia pai nologo sisinama, tama augwaligo siaba sąnama, dabo dao.

Esekiel 19:10

“Dage si, duga ida aga te wain ni tiwai augwaligo te ąį sesege pąde bulali. Tama te ni genuai pedelama, tama nologo hauwa elama, te nai du hauwa walali.

Tigidali Nai Gagalama Nigali Side 39:23

Yawe te Josep dali bidiyu, tama aga tau sobaso, tama agai tigidali sę yali te dwagi yai naga pedelali. Tama te kalabus tonalubo bidigo te Josepgo tonalubo sęde te agai homu si me ebeo.

Kraisgo Geme Dualali Sę Pedelabo Po Jonbolo Ola Mani 22:2

Tama te ąį te duabo sai pagedu pedalama, tama te ąį te hanu moni pabo tų tomodu mu pabo dao. Te wę sesege u badu me, te wę sesege e badu, tede te bidabo ula mabo ni dabe elalubao. Te ni dabe augwaligo du walobo sogo te kibu be delide te nogo si olama sągą badu si sogo walobo dao. Te tigidali poluade walobo dao. Tama te ni yabego te tigidali tǫde we bidi hani augwali usu ilibo dao.

Esekiel 17:8

Tialima, te bono hasia elaluali tǫ da, te wiegi yai mu da. Te ąį me ili hauwa elalubo tǫde da, te bono wiegi yai holama, te nologo hauwa pedelama, te ni du hauwa walama, te polalubo ni mu pedalumainu eyu, te hasia ba kemodagego aga tede bulai dao.”

Matyu 13:6

Tiali goli giliga pedaliyu posologo te nai wai ge te giligago ulai. Tama te nai wai sele meniama, tama tigidali sasia pelama, tama isali.

Tuni Bidi Dabego Po Elalubo Buku Si 31:21

Te king Hesekiago yali sę tigidali te Godigo tempel bede sę dabe tigidali ma hodolobo sę iyu, me Godigo bomai po me wali bugagia peyu yabo sę hodolali, Hesekiago aga homu kolesaga tomode Godigo homu kolesaga wali pabo homu bomo mu yali. Tama tiyu, agai ebo sę dabe tigidali wiegi yai mu pedelali.

Tigidali Nai Gagalama Nigali Side 39:3

Tama Potifargo sulama, koneani, Yawe te Josep dali bidiyu, tama tigidali sę Josepgo yali te dwagi yai naga pedelali.

Godigo Nogi Ugwaba Sabo Tęąbi Po Wabo Buku Dabe 128:2

Tama te naga yali sęde te mone selama, te nago sǫą pali doado bage abelibaso, te usu yaibao. Tama nago ebo sę tigidali te wiegi yai pedelama, tama nage pemene yaibao.

Aisaia 3:10

Te dwagi yai doloba pai kolesaga ebo we bidibolo te dwagi yai homu yao po walao. Magi baso meni, augwali dwagi yai pe saibao, augwa yali dwagi yai sęde.

Aisaia 44:4

Tama augwali te wę ili hauwa elalubo nosai bugagia holobo tiwai yaibao, te ąį sesegede ni dabe holobo tiwai puapi holaibao.

Jopgo Po Asęani Elalubo Buku 14:9

Ma, tǫde wę elaluyu da, te gelai ni tanede kulubi ma pedalaibao. Aga holama, gesi ni holoyu, nologo pedebo tiwai yaibao.

Matyu 21:34

Nosali, te wain bono wai sisinabo sogo bodolu pąba yagasali, tama agai te sę bidi dabe augwali tagala palama, augwali te wain bono giba pelama, te gi page bidigo nai sigi pomainogo yai.

Matyu 21:19

Tama aga pelama, te tų sesegede elaluali ni kaya sulama, tama te ni pąba pali, aga du sela tuainogo yai. Tiali goli tede nai me deli walai elalubo subeo. Menio. Yabe naga elaluai. Tama agai te ni kayabolo te tiwai po wali, “Nago nai ma walogobeo. Mu menio.” Tama polo mu te ni kaya aga sasia pai dao.

Jutgo Asęani Pas 1:12

Te dage deliba sisinama, tama ‘Da deli hani dao,’ te homu eyu, dagego nai tubo dao. Awe, tiali goli te tibo po ola mabo bage augwali me te nai tubo madiba aselama, tama augwaligo dagego ebo kolesaga dolobo dao. Augwali te gudubo ugwa dwai meda ilibo nai tiwai dao. Augwaligo dage dali nai tubadi, te augwali wi isąyu tama augwa hasi naga kisasa bidiyu, tama te nai tubode gasa we bidi tau sisąyu, augwaligo te nai subigila tuyu ebo dao. Augwali te tulubage tulisiąwai pǫ tiwai dao, tama waligo augwali pona palobaso tedela pabo dao. Tama augwali te ni aga du walobo sogo walisiąwai ebo, te tobage ni tiwai dao. Tama augwali te page sasia pai ni tiwai dao, te bidigo te ni page guda sąwai. Tama augwali te tiwai bidiyu, du walobeo, we bidi tau sabo sę dwagi yai ebo menio.

Aisaia 27:11

Tama te ni nologo dabe sasia pabo si da, te ni nologo dabe mobia pelama, tǫba tulalubo si da, te we dabe sibigo isi nogainu gigila sagasobo dao. Te tobage dwai sogo pedalali. Magi baso meni. Te hanu we bidi augwali bidi po sela sąbo we bidi mu. Tama tibaso, God, te aga te God augwali deli we bidi hani pedalomainu ilai goli, agai augwali godolo elama, augwali me hobede me yai menio.

Matyu 21:41

Te augwaligo agabolo te po wai, “Teda augwali te dwai sę yali bidi dabe bidibaso, agai augwali dwagila mu dolaibao. Tama agai te wain gi gasa hanigo te gi sę tonalumai hagede mawaibao, tama te gide nai sabo sogo augwaligo aya agabolo nai mawaibao,” augwaligo te po wai.

Tuni Bidi Dabego Po Elalubo Buku Deli 22:11

Tama Devitgo po te Solomonba ma weyu te tama wali, “Ogwao, eno homugo te Genuai Bidi nage dali bidu te nage tau sobaso, te Godigo be sę yaibao, dago Genuai Bidi, te tiwai po aga digi wai dao.

Godigo Nogi Ugwaba Sabo Tęąbi Po Wabo Buku Dabe 129:8

Tama te we bidi dabe augwali pąba pobaso, te augwaligo te tama po me wagobeo, “Te dago homugo Genuai Bidigo nage wiegi yai sę yaibao. Te Genuai Bidigo nogide, dago dagebolo te tobage wiegi yai po mobao,” augwaligo te tobage po wagobeo.

Tuni Bidi Dabego Po Elalubo Buku Si 32:23

Tama we bidi hauwa gasa kantridu Jerusalemba aselama, Genuai Bidiba ofa sesiyu, me Hesekiabolo wiegi yai nai dabe magasiyu yali. Te sogo tama gagalama, te gasa kantri we bidigo king Hesekia Juda dabego kingbolo genuai nogi mani.

Israel Hanigo Namba 24:6

Te ugwa be dabe bugagia dolo wasilama, te ni det bobobage nani dabe tiwai dao. Me, te genuai wę sesegede elalubo gi tiwai dao. Me, te Genuai Bidigo bulai wiegi yai ni alo tiwai dao, me te ni bǫ te wę sesegede elalubo tiwai dao.

Bomai Po 28:8

“Genuai Bidi dago God agai dagego ebo sę dabe wiegi yai pedalomainogo elama, tama dagego wit nai dabe genuai mu elama, tama dagego nai mubo be pągąmainu ilaibao. Tama agai dagebolo megi mabo te kantride dage wiegi yai ilaibao,” Mosesgo te po wali.

Te Israel me Juda Hani Sigo Tuni Bidigo Po Elalubo Buku Si 18:7

Tama teyu, te Genuai Bidi te king Hesekia dali bidiyu, tama aga tau sali, tama tigidali sę agai yali, te bugagia mu pedalali. Te king Hesekiago homugo te Asiria hani king bidigo te Juda hani augwali tonalubo hagela mu yali, tama tibaso augwali te hanigo dologode ma bidibe.

Tuni Bidi Dabego Po Elalubo Buku Deli 22:13

Solomon, te nago bugagia mu tonalubo sę eyu, nago te bomai po tigidali wali pao, te Genuai Bidigo da Israel dabebolo maiabo po Mosesba wali, te bomai po tigidali nago wali pobaso da, teda nago ebo sę tigidali te wiegi yai naga pedelaibao. Nage bomonama dolalu, te nage wi me elamuo. Te nage magi nai me delide kila sigio,” wali.

Jopgo Po Asęani Elalubo Buku 22:28

Tama nago sę me yainu homu dąų wali sę dabe da, te da Godigo nago te sę emainu sula tagalama, dwagi yai pedalomainu sula tagalaibao. Tama Godigo nage bidibo page bugagia mu ilaibao.

Godigo Nogi Ugwaba Sabo Tęąbi Po Wabo Buku Dabe 92:15

Te kolesaga augwaligo te we bidi augwaliba ola mabo dao, Genuai Bidi te mu doloba pai dao. Agai te ena seselalubo bomo elalu, tama agade dwai sę ebo me elalubeo. Mu menio.

Aisaia 58:11

Te ena Genuai Bidi, te sesemane sogo eno dage bugagia tonalu, te dage bilibo dodolama, te dagego homugo wei homu ebo nai dabe usu nama mawaibao. Megi dage te ąį meni yai tǫde bidibo tiwai ebao, tiali goli eno dage wiegi yai bomai we bidi pedalumainu yaibao. Tama dage te gi tǫ ili ąį hauwa elalubo tiwai elama, te sula sisąbo ulu ąį tiwai elalueibao.

Esekiel 31:5

Te wę hauwa mu elaluyu, tama te ni genuai mu holali, tama gasa meba ni dabe aiyaba elaluali. Tama agai nologo dabe genuai mu elama, tama bobobage mu yali.