Bugagia Bidibo Kolesagade Po Asęai Buku 9:1 - Godigo dwagi yai po buku

¹ Wiegi yai doloba pai homu kolesagago aga be sę yani. Agai te pos nogo a naga olama, me badu nogo si te dodolama, te dąų walama, te be au ilali.

Bugagia Bidibo Kolesagade Po Asęai Buku 9:1 Referans Kwoze

Matyu 16:18

Tama eno nagebolo te po obao, nage Pita dao, te nogi page te masigi dao, tama eno ena po wali pabo we bidi hani te masigi daide pedalaibao, te be me deli te genuai masigi daide sę ebo tiwai. Tama te we bidi hani augwali te dwai mobo bidi Satango we bidi ela muabo bomogo augwali me aiyaba elalugobeo.

Kraisgo Geme Dualali Sę Pedelabo Po Jonbolo Ola Mani 3:12

Niwai bidigo te dwai kolesaga ebo aiyaba elalubo bidi, te bidi aga eno te Godigo Moni Lotu Be tempel te be pos ni bulali dąų olalubo tiwai eyu, tama aga te dwagi yai be tagalama buluba munu me ma soagobeo. Tama te bidi agade eno Godigo nogi asęyu, tama eno Godigo genuai hanu nogi me asęaibao. Te gesi hanu te Jerusalem dao. Te hanu eno Godigo nogogo asiyu, te dagalu tagalama e tǫba dulaibao. Tama eno gesi nogide digi, te me eno agade asęaibao.”

Galesia 2:9

Tama Jems dali, Pita dali, Jon dali augwali te Godigo hani bidi tomode te be ni bomo elama dolalubo tiwai bidama dolaluai, te we bidigo gedude. Tama te bidi sela augwaligo koneai, te God agai ena olo mu tau siyu, tama enabolo te sę mawai. Tama tibaso, augwaligo ena dali Barnabas dali si nogo mani. Tama nogo mayu, da tigidaligo te homu yali, te da sigo te Juda hani isiąwai we bidi tomode Godigo sę yaibao, tama augwali selago te Juda bidi hani tomode te sę yaibao.

Te Israel me Juda Hani Sigo Tuni Bidigo Po Elalubo Buku Deli 7:21

Huramgo te pos dabede sę yali silibaso, tama te pos si augwaligo te Genuai Bidigo tempel be sunumi pąde te ugwaba dodolama muani. Te saut badu elaluali sunumi pedai badu dodolama muani pos, te nogi augwa te Jakin nogi yali, tama te not pedai badu muani gasa pos, te nogi augwa te Boas nogi yai dao.

2 Timoti 3:15

Magi baso meni, ena polo sabalisiąbaso da, teda nago e pas selama tama nedama, tama nago nage Godigo hanide bugagia bidabo kolesaga po tede koneagameo. Te God aga da te bidibo ula elalubo God dao. Te agai po odobo we bidi hani augwali da te Godigo be tiwai we bidi dao. Tama augwali te Godigo mu po tolalubo te bomai ni pos dali kau ni me tiwai elalubo dao.

Te Israel me Juda Hani Sigo Tuni Bidigo Po Elalubo Buku Deli 7:6

Tama augwaligo genuai be me deli sęnama, te nogi te tiwai polali, Te Genuai Pos Dabego Be da wali. Te bego bobage usu te 22 mita, tama te bego aga genuai usu te 13 me hap mita yai. Te bego mabo veranda me tama te veranda mabo dąų elalubo pos me elaluai.

Bugagia Bidibo Kolesagade Po Asęai Buku 24:3

Te wiegi yai kolesaga koneani homu elalubo bidigo aga be te wiegi yai elaluyu, tama aga we wai te boma pai pedelaibao.

Bugagia Bidibo Kolesagade Po Asęai Buku 1:20

Te wiegi yai doloba pai homu kolesaga te tiwai, te we me deli te sunumi tunu mage dabeba doligi pelama, me te maketba pelama, tama te we bidi dabeba po olama, i wabo tiwai ebo dao.

Bugagia Bidibo Kolesagade Po Asęai Buku 2:1

Wai, nago eno po odama, tama naga homuba bugagia muao.

Bugagia Bidibo Kolesagade Po Asęai Buku 3:1

Waio, eno nage ola mawainu ebao, tama nago homude te po munu me tagaligio. Menio. Te sesemane sogo nago bugagia homu kone palao.

Bugagia Bidibo Kolesagade Po Asęai Buku 8:1

Wiegi yai doloba pai homu kolesaga te we me deli dolugulama, te da i wabo tiwai ebao.

Aisaia 55:1

Genuai Bidigo te po wai, “Tega, dage te ąį nogonego sabo we bidi dabe, dage enaba aselama, dage wę tuagasao. Dage te mone meni yani hani dabe, dage enaba aselama, te dage nai sela tuagasao, te aselama te ąį wain me hasa bulmakaugo ame pę ąį sagasao, te monego me abeligobeo.