Bugagia Bidibo Kolesagade Po Asęai Buku 8:3 - Godigo dwagi yai po buku

³ Tama aga te genuai taun hanu bagulali obo te sunumi dabe pąde dolalu, tama te tiwai i wabo sę iduaibao,

Bugagia Bidibo Kolesagade Po Asęai Buku 8:3 Referans Kwoze

Jopgo Po Asęani Elalubo Buku 29:7

“Awe, te sogo polobadu ena te genuai hanude genuai bidi bidiyu, tama ena te hanu tomoba tola pabo sunumide genuai tobolu bidi dabe dali genuai pesageba sisinigi pelama, po tų odai dao.

Godigo Sęba Tagala Palai Bidigo Po 5:20

“Te dage Moni Lotu Be tempel teba dolaligi pelama, we bidibolo te gesi kolesaga po tigidali ola mao,” te po wai.

Dwagi Yai Gesi Po Jongo Asęani 18:20

Jisasgo aga dali po wei ponoyu, tama po wai, “Eno we bidibolo mani te po eno bulu ulade hania wai dao. Eno te we bidibolo po ola mabo sę eyu, tama te bomo yai po ola mabo be tomode te sę eno yali, ma te Moni Lotu Be tempel, tede me eno te sę yai dao. Te be dabede te Juda bage sisinibo bulude eno augwalibolo eno po hania ola mawai dao. Tama eno po geme dualama bulu tomode me wabeo.

Matyu 22:9

Tama tibaso, dage te tigidali tų tunu magi siba pao, tama dagego te suali we bidi dabe tigidali, dagego augwali i olama, te we sabo sogode te nai megi tuagasao, te po wao.’

Bugagia Bidibo Kolesagade Po Asęai Buku 8:4

“Eno dage tigidali we bidi bomonama i obao.

Bugagia Bidibo Kolesagade Po Asęai Buku 1:21

Tama me aga te bidi sisinibo pesage te taunba pabo genuai obo bagulali sunumi pąde doligi pelama me, tama te tigidali pesage te we bidi hauwa bidalubo madi doligi pelama, tama agai te tiwai i wabo,