Bugagia Bidibo Kolesagade Po Asęai Buku 8:28 - Godigo dwagi yai po buku

²⁸ tama agai te dagalude te pǫ dabe muyu, te ąį dabe te genuai tamu ąį dologodu pedalumainu iliyu, te tamu ąį pągąnumainu yali sogo, te ena me bidai dao.

Bugagia Bidibo Kolesagade Po Asęai Buku 8:28 Referans Kwoze

Jopgo Po Asęani Elalubo Buku 38:16

“Te tamu ąį dologoba pelama, nago te wę pedalobo madi nago suai yali bogo. Tama nage te pesagede bilai dawe?

Bugagia Bidibo Kolesagade Po Asęai Buku 3:19

Te Genuai Bidigo digi te wiegi yai homu kolesaga elama koneyu, tama agai te tǫ de dagalu si nigilama,

Bugagia Bidibo Kolesagade Po Asęai Buku 8:27

Te ena Genuai Bidi dali bidibadi, te sogo agai te dagalu nigilama, te tamu ąį te dąįgo bagulali,

Bugagia Bidibo Kolesagade Po Asęai Buku 8:29

Tama ena aga dali bidibo sogo agai te tamu ąį sesegedu dąį iliyu, tama tamu ąį dali po bomonama weyu, te tamu ąįgo te dąį ilali boligio po olama, tama agai te tǫ muabo pesage dąį mubo sogo, te ena aga dali bidai dao.

Tigidali Nai Gagalama Nigali Side 1:7

Godigo te dąį pedalumainogo yali, te ugwadu elalubo ąį me, aiyadu elalubo wę me, te buguliyu tama tiali.

Tigidali Nai Gagalama Nigali Side 1:9

Nosali Godigo te po wai, “Te dagalu dologode elalubo wę, te wę dologode elalubo tǫ hania ugwaba pedalumainogo eyu, te wę te deli madiba me sisinigi pelama, te bulu tǫ wa pomainao,” te po wai. Tama tiyu, tama te bulu tǫ pedelama, tama wa pali.

Tigidali Nai Gagalama Nigali Side 7:11

Te Noa te kibu be hauwa mu 600 bidama, tama te si wabo polua, dei 17 nogo si olama, sągągo a naga, me badu sągągo si tama side, te tǫ dologode te tigidali genuai wę dabe te sunumi dala pela silama, tama wę ugwaba pedelali. Tama dagalude me te tigidali dedage dala pelama, tama wę aiyaba gelalio.

Tigidali Nai Gagalama Nigali Side 8:2

Tama tǫ dologode elaluali tigidali węgo sunumi, me te dagalude dedage elaluali, tigidali te palia sali. Tulubage te dagalude ma tulusiąbadi,

Jopgo Po Asęani Elalubo Buku 26:8

Godigo te wę dabe te agai pǫgo bea selama, elalubo dao. Te wę sęgę mu ebo dao. Tiali goli, wę sęgęgo te pǫ alua sabo menio.

Godigo Nogi Ugwaba Sabo Tęąbi Po Wabo Buku Dabe 104:7

Tialima, nosali nago tamu ąį dali po bomo elama wai, tama aga wi pai. Awe, tamu ąįgo odali, nago i bomo elama wai, tama aga bomonama mu pai.

Godigo Nogi Ugwaba Sabo Tęąbi Po Wabo Buku Dabe 146:6

Godigo te dagalu, me tǫ, me tamu ąi, me te tigidali elalubo nai pedalumainu yali. Tama sesemane sogo te Godigo aga dąų walali po tigidali wali pabo dao.

Matyu 8:26

Tama agai augwalibolo te po wali, “Magi baso dage wi ebawe? Dagego homugo enade konealu po dąų wabo te dwasianu naga dao.” Tama aga hodaluama, te wali dali te moni wę dini te sia sao po wai. Tama te wali yali sia siyu, tama te wę memenege dwasianu me ebeo.