Bugagia Bidibo Kolesagade Po Asęai Buku 8:13 - Godigo dwagi yai po buku

¹³ Te Genuai Bidide wi eyu, aga dologode bidibo bidi da, agai te dwai kolesaga dabe te wei mu me egobeo. Eno te hagoma ebo kolesaga me, te bidi aga digi aga nogi ugwaba sabo kolesaga me, tama te tobage dwai sę ebo kolesaga me, te tibo po wabo kolesaga me, te eno wei mu me ebeo. Menio. Eno te tobage kolesaga ebo hagela mu ebo dao.

Bugagia Bidibo Kolesagade Po Asęai Buku 8:13 Referans Kwoze

Bugagia Bidibo Kolesagade Po Asęai Buku 16:6

Te bidigo Genuai Bidi godolo homu mu elama, tama aga dali mu kęą pobaso da, teda Genuai Bidigo te agai sęgę sela sąwaibao. Tama te bidi Genuai Bidide wi eyu, aga dologode bidibaso da, teda te bidigo te dwai sę ebo kolesaga te ela sobaso, usu yaibao.

Godigo Nogi Ugwaba Sabo Tęąbi Po Wabo Buku Dabe 97:10

Genuai Bidigo te dwai kolesaga wei isąbo we bidi dabe augwali te agai wei homu mu ebao. Agai te aga we bidi dabe bugagia tonalu, tama augwali te dwai bidi dabego nogode ma sabo dao.

1 Samuel 2:3

“Da we bidigo bugagia koneao, Genuai Bidi aga God te dago ebo sę tigidali koneama, tama agai dago ebo kolesaga dagalubao. Tama tibaso, dage we bidigo duga digi duga nogi ugaba siyu, te po dagą wabo, dage pedauwali pania selama, tama te tobage po wabo tagaliąo.

Bugagia Bidibo Kolesagade Po Asęai Buku 4:24

Nago te tibo po me weyu, me te tobage po dwai dabe me wagio.

1 Tesalonaika 5:22

tama dwai sę tigidali tagalama, sela sąyao.

1 Pita 5:5

Te dage gesi bidi dabe, dage me te dolo kolesaga eyu, te tonalubo bidi dabe dologode bidiyu, augwaligo wabo po bugagia odiąo. Tama dage we bidi me, dage tigidali te nagamea pai homu eyu, tama te olo sę ebo we bidi tiwai bidiyu, dage tomode duga hasi te tau sabo sę yao. Magi baso meni, te Godigo po bukude te nagamea pai homu ebo kolesagade e po elalubao, “God agai te kolesaga hagoma ebo we bidi dali boi bidi homu eyu, bomo elama dolalubo dao. Tialima te nagamea pai homu ebo we bidi dali agai te olo tau sabo kolesaga ebo dao.”

Amos 5:15

Dwai kolesaga ebo tudiba muao, te wiegi yai kolesaga naga godolo eyu, wali pao. Dagego doloba pai po tų naga yao. Te dagego tama tiyu da, te Genuai Bidigo dage dolisąwai dwasianu me bidibo Josepgo hani bage homu dene eyu, tau saibao.

Godigo Nogi Ugwaba Sabo Tęąbi Po Wabo Buku Dabe 119:128

Tama tiyu, eno nago po tigidali wali pobao. Eno homugo te gasa sunumi dabego te nago sunumi ela soabo te eno homugo hagela homu mu ebao.

Bugagia Bidibo Kolesagade Po Asęai Buku 16:18

Te hagoma ebo kolesaga eyu, tama naga digi naga nogi ugaba siyu da, te nage tulaluama tama dolabo sę ilaibao.

Bugagia Bidibo Kolesagade Po Asęai Buku 6:12

Te dwai bidi mu dabego te tibo po wabo dao.

Polgo Si Wali Pas Timotiba Asęani - 2TI 2:19

Tiali goli Godigo mu po te bidigo dolobo usu egobeo. Te bomai be tuni ni pos tiwai bulalio, tama te dolalubao, te be peme egobeo. Tama te tuni ni posde hagea siyu asęani po te tiwai elalubao, “Genuai Bidigo aga we bidi digi bugagia koneani.” Tama te po me asęani elalubo, “Te Genuai Bidi nogi nogi eyu ‘Ena aga bidi dao’ po wabo tigidali bidi, augwaligo te dolo isiąwai kolesaga tudiba muao,” te po asęani elalubao.

Polgo Po Pas Rom Dabeba Asęani 12:9

Duga hasi dagego duga ama dabebolo dwagi yai homu eyu godolo eba wida, teda dagego homu mu naga eyu augwali godolo mu ela pao. Tama tiyu, dagego te dwai kolesagaba tudi mu ola menama, tama dagego te wiegi yai kolesagaba homu mu kęą sao.

Sekaraia 8:17

Dagego dwai sę ebo kolesaga te gasa we bidi dabe augwaliba yabo homu me elamuo. Te dage po tų kotde dologi pabo sogo, dagego te tibo po munu me pusulamuo. Eno te tibo po wabo kolesaga, me te po tų kot po geme dualubo kolesaga, me te wado po weyu hwįbo kolesaga ebo te eno godolo mu me ebo meni dao,” wali.

Godigo Nogi Ugwaba Sabo Tęąbi Po Wabo Buku Dabe 138:6

Genuai Bidi, nage te ugwadu mu bidiyu, tama nage polalubao, tiali goli, nago te hagoma homu isiąbo we bidi dabeba homu kone ebao. Tama te hagoma ebo bidi dabe me te nagede geme me duala sogobeo.

Godigo Nogi Ugwaba Sabo Tęąbi Po Wabo Buku Dabe 101:3

Eno te dwai sę ebo kolesagade usu da me wagobeo. Mu menio. Eno te God tudiba mubo bidi dabego kolesaga wei me egobeo. Ena augwali dali me biligobeo.

Bugagia Bidibo Kolesagade Po Asęai Buku 10:31

Te doloba pai bidi dabego te wiegi yai homu hauwa elalubao, tama augwaligo te we bidi dabeba pusaibao. Tiali goli, te po dwai wabo bidi te dolaibao.

Godigo Nogi Ugwaba Sabo Tęąbi Po Wabo Buku Dabe 119:104

Nago bomai pogo enabolo te wiegi yai homu kolesaga mawaibao, tama tialima, eno te dwai kolesaga tigidali ebo te eno homu hagela mu ebao.

Jopgo Po Asęani Elalubo Buku 1:1

Te sia ge asobo badu, te tǫ kantri nogi Us, tede bidi me deli bidali, aga nogi Jop dao. Te bidi Jop aga Godigo gedude dwagi yai doloba pai bidi mu bidai, dwai kolesaga mu meni yai dao. Aga lotu po weyu, Godigo po dologode naga biliyu, tama agai po wali peyu yai. Tama tiyu, agai dwai sę ebo hagela homu yai.

Bugagia Bidibo Kolesagade Po Asęai Buku 3:7

Te nago homugo tiyu, te nago koneani kolesaga te mu nai da homu elamuo. Menio. Nage te Genuai Bidi wi eyu, aga dologoba pelama, tama dwai kolesagaba tudi ola mao.

Bugagia Bidibo Kolesagade Po Asęai Buku 15:9

Genuai Bidigo te dwai kolesaga ebo bidigo ebo kolesaga te wei mu me isiąyu, tede dwai homu mu ebo dao. Tiali goli, agai te doloba pai kolesaga wali mu pabo sę ebo bidi dabe wei mu ebo dao.

Aisaia 13:11

Genuai Bidigo te po wali, “E tǫ te we bidigo dwai sęgęgo pągąna pali. Tama tibaso, eno augwali dene mawaibao, te augwaligo dwai sę yali wei ponoyu yaibao. Te bidi dabe augwa digi augwa nogi ugwaba sabo bidi dabego nogieno aiyaba elaluaibao. Me, homu dene isiąyu, te augwaligo gasa bidi dabe aiyaba elalubo bidi dabe me.

Ma Dobola Sali 1:17

Tama te we si God dali wi elama, tama augwali sigo te tuni bidigo wali po wali pabeo. Tama te we sigo te Israel we dabego ogwa ame nabo elisiąma tagalama elaluai, te we sigo te ogwa ame nabo elebeo.

Jopgo Po Asęani Elalubo Buku 28:28

Tama God da tǫde we bidibolo e tama wai dao, ‘Bidi ena Genuai Bidide wi eyu, ena dologode bidibo bidi, agai te dwagi yai homu kolesaga page konebo gagalai dao. Tama dwai kolesaga tudiba mubo bidi, te bidi da, dwagi yai homu kolesaga elalubo dao,’ Godigo te po wai,” Jopgo te po wali.

Bugagia Bidibo Kolesagade Po Asęai Buku 16:5

Genuai Bidigo te hagoma ebo bidi dabe, me te augwa digi augwa nogi ugwaba sabo bidi dabe, te agai wei mu me isiąyu, augwali dali dwai homu ebo dao. Dago e tama koneao, Genuai Bidigo augwali te odolali me tagala palogobeo. Menio. Te agai augwaliba te tigi dene mawaibao.

Amos 6:8

God, Tigidali Bomo Elalubo Genuai Bidi, Tigidali Nai Tonalubo Bidi, agai te tiwai bomai po dąų wali, “Eno te Israel dabego gagea peyu, te hagoma ebo kolesaga ebo, te eno hagela homu ebao. Te eno augwaligo genuai boma pai be dabe eno haliga sębę yaibao. Tama tialima, eno te augwaligo polalubo taun dali, te tomode elalubo tigidali nai te augwa boi bidi dabego nogoba mawaibao,” te po wai dao.