Bugagia Bidibo Kolesagade Po Asęai Buku 7:13 - Godigo dwagi yai po buku

¹³ Eno suali, te wego te gesi bidi tola selama, tama agaba te gesabidi nono nabo suali. Tama wego te aga geduba dolo mu tonalu, te tama po wai,

Bugagia Bidibo Kolesagade Po Asęai Buku 7:13 Referans Kwoze

Tigidali Nai Gagalama Nigali Side 39:12

Tialima, Potifargo wego te Josepgo ugwa tola selama, tama agai te po wai, “Nage ena dali piagasao,” wai. Tiali goli, agai holobo ugwa te wego nogode tolalubadi taga peyu, tama aga wi soyu, te bedu buluba soali.

Kraisgo Geme Dualali Sę Pedelabo Po Jonbolo Ola Mani 2:20

Tiali goli, eno te po me nage dali elalubao. Nago te we Jesebel nage dali bidibo we, agai ola mabo po dagego odobo dao. Te wego te po wabo dao, ‘Ena da, te Godigo nosali yabo sę po megi pusubo we dao.’ Tiali goli agai eno sę bidi dabebolo te penani ebo kolesaga wali pomainogo ola mayu, tama augwaligo te tibo god dabebolo ula mani nai tumainogo ebo dao. Te kolesagade te wego augwali ili po ola mabo dao.

Esekiel 16:33

Tigidali penani ebo wego mone saibao. Tialima, nago me tebeo. Nago te tigidali badu bidiba te wiegi yai homu ilibo nai tiwai mayu, te nage dali piagasomainu homu bega sabo sę ebo dao.

Esekiel 2:6

“Tialima nage, te tǫde bidi, nage augwalide wi elama, te augwaligo nageba wabo pode nage wi me igio. Te augwaligo nago po aiyaba elaluama, nage begela dolaibao. Te nage augwali tomode bidiyu, te tiwai dwai haliga yaibao, nage te dwai sesane elalubo bono sili tomode bidibo tiwai yaibao. Ma, nage te dwai marasin elalubo hwą dabe tomode bidibo tiwai elalueibao. Tiali digi tagalao, nage augwalide wi eyu, te augwaligo pode me wi igio. Menio.

Esekiel 2:4

Augwa tobolu dili dagana sigi pelama, te augwaligo eno po me odobeo. Megi da, eno te nage augwaliba pomaina homu elama, te eno po augwaliba magi pao. Te augwaliba te tiwai po walao, ‘Te e da Tigidali Bomo Elalubo Godigo po digi eno dageba obao.’

Aisaia 50:7

Te augwaligo dwai po wabogo ena aiyaba me elalugobeo, magi baso meni, God Genuai Bidigo ena tau sabo dao. Te ena digi ena dąų walama, te ena sę yali. Eno te tiwai koneani, eno ebo sęde te ena hale me sogobe homu ebao.

Bugagia Bidibo Kolesagade Po Asęai Buku 21:29

Te dwai kolesaga ebo bidigo tibo po weyu, tama aga te wiegi yai bidi tiwai gagawaibao. Tiali digi, te doloba pai bidigo homugo te aga bilibo kolesaga te sesemane bugagia pedalumainu ebo dao.

Israel Hanigo Namba 31:16

Dagego polo koneai dao, te we dabe augwaligo te Balamgo po wali pelama, tama da hani we bidi te Genuai Bidi tudi ola momainogo yai dao, te da te bulu Peorde bidibadi. Tama tibaso, te gasi dwai me deli te Genuai Bidigo we bidi tigide pedalai dao.

Israel Hanigo Namba 25:1

Te Israel dabe augwali augwa pesage te odogo bulu, te bulu Sitim tede bidiyu, te Israel dabego te Moap we dabe te bulude bidali we dabe dali penane sę ebo gagalali.

Tigidali Nai Gagalama Nigali Side 39:7

Tama pąde digi tama Potifargo wego te Josep gedu eyu, tama pesą yalima, tama agabolo te po wai, “Nage ena dali pagela piagasao,” wali.

Godigo Nogi Ugwaba Sabo Tęąbi Po Wabo Buku Dabe 59:3

Augwali suao. Augwali geme dualalu, te ena ela muainu ebao. Augwali te dwai hwįbo bidi dabe, tama augwali sisinama, te ena dali hwįainu ebo dao.

Bugagia Bidibo Kolesagade Po Asęai Buku 9:15

Agai te we bidi dabe augwa sęba soabo sulama, tama agai augwali asela yao olama, i wabo dao. Agai te tama po obao,