Bugagia Bidibo Kolesagade Po Asęai Buku 7:10 - Godigo dwagi yai po buku

¹⁰ Te we te sunumide bilibo wego au tiwai elama, tama aga homugo te bidi homu begelabo homu yai. Tama tiyu, te we pelama, te bidi dali deliba gesabidi ununama, po miani.

Bugagia Bidibo Kolesagade Po Asęai Buku 7:10 Referans Kwoze

2 Timoti 2:9

Eno homugo te we dabe sibigo me augwa gudubo ugwade homugo bugagia kone paliyu, augwa nogi ugwaba sabo kolesaga te ugwade elamuo, te bidigo homu hodolobo sę me elamuo. Augwaligo te tobolu nisi me te tigi me te haniani bis dabego badi, te wiegi yai kapa golgo me te moni masigigo sabo ugwago me, te augwa tigi dali tobolu nisi me au ilama elamuo.

Jeremaia 4:30

Jerusalem, nage dolobo sogo da, te nago magi yaibawe? Te wiegi yai mama ugwa muani tagalao, te nagade digi te golgo nigai beli au yali. Te naga gedu au ilibo tagalao. Te tobage au ebogo nage tau me sogobeo. Magi baso meni, te naga abagi dabego nage godolo homu munu ma isiąma, te nage ela muabo homu naga yaibao, te po wai dao.

Te Israel me Juda Hani Sigo Tuni Bidigo Po Elalubo Buku Si 9:30

Tama te Jehu aga hani dali augwaligo te king Ahasia pobeasa pelama, tagaligi pai, tama augwali ma te Jesril hanu tųdu ma begasa asai. Tama te kwin we Jesebel te bulu pedai badu bidibo da, tama agai po odali, e tama po wai, Joram isai dao wali. Tama tialima, te kwin we Jesebel aga te gedude me, te aga tobolude me au yai, tama tilama, te kingo sigi be te dwasianu windo tųde dolaluyu, te tųba aiyaba tonaluai.

Aisaia 23:16

O penani sę ebo we. Augwaligo nage homu kone gegeda palalio. Tama tibaso, nage gita selama, hanuba biligi pao. Tama nago te tęąbi po wao. Tama wiegi yai musik elao. Tama te bidi dabego nage ma koneaibao.

Te Israel me Juda Hani Sigo Tuni Bidigo Po Elalubo Buku Si 9:22

Tama te Joramgo Jehu suali, agai te Jehubolo e tama po hanalu wali, “Te dage dwagi yai homu dali asaliwe, ma meniwe?” Tama te Jehugo te po wei ponoyu, e tama po wali, “Magi yaliwe usu elalubao,” wali, “tialima, naga ida Jesebel, agai te tibo god wali pabo sę eyu, tama te dwai kolesaga eyu, tama te bidi isibo pobi enebo sę ebo dao,” wali. “Naga idago te tama tibo dwai kolesaga ebo sęgę te genuai mu pedalobao,” wali.

Tigidali Nai Gagalama Nigali Side 3:1

Te Yawe Godigo te tigidali hasa hani sibi nigali, tiali goli me deligo te hasamanigo tibo po wabo kolesaga konea pai tiwai gilama eyu, te aga aiyaba me elalugobeo. Tama me sogo te hasamanigo te we pageba asama, tama te webolo hanalu wali, “Mu dawe? Te Godigo dage sibolo te gide elalubo nedu du tugi olama, tigidali habu selaliwe?” te po wai.

Bugagia Bidibo Kolesagade Po Asęai Buku 23:28

Te tobage wego te nai wi sabo bidigo tonalubo tiwai eyu, tama te bidi dabe asobo tonaluaibao. Tama agai te bidi hauwa kekelama, tama augwa te we sabo kolesaga te boliyu togobo dao. (18)