Bugagia Bidibo Kolesagade Po Asęai Buku 7:1 - Godigo dwagi yai po buku

¹ Ogwao, nago eno po dąų olama, tola selama, tama nago homude munaluao.

Bugagia Bidibo Kolesagade Po Asęai Buku 7:1 Referans Kwoze

Bugagia Bidibo Kolesagade Po Asęai Buku 1:8

Ogwa o, nago te naga ayago mobo mabo po odolama, tama nago idago po me sela sągio.

Kraisgo Geme Dualali Sę Pedelabo Po Jonbolo Ola Mani 1:3

Eno e po asęani, te nosali gana pedalobo sę po dao. Tama e asęani po gasa we bidibolo nedebo bidi, te bidi dwagi yai homu pemene eyu, bugagia bidaibao. Tama aga nedebo po odobo we bidi me, augwaligo te asęani po odama, tama wali pobaso da, teda augwali me dwagi yai homu pemene eyu, bugagia bidaibao. Magi baso meni. Te sę pedalobo sogo pąba yagasai dao.

Dwagi Yai Gesi Po Lukgo Asęani 11:28

Tiali goli, Jisasgo wei ponoyu, te po wali, “Te mu dao. Tiali goli, Godigo po odama, wali pabo we bidi augwali dwagi yai homu mu ebadi bogo dao,” wali.

Kraisgo Geme Dualali Sę Pedelabo Po Jonbolo Ola Mani 22:9

Tiali goli agai enabolo te po wali, “Nago tama tigio! Ena nage dali me, e naga ama dede dali, da deli sę naga ebo dao, augwali te Godigo po ola mabo bidi dabe dao. Tama ena e bukude po wali pabo tigidali bidigo deli sę ebo bidi dao. Nago lotu po God deli dali naga wao,” te ensel bidigo te po wai.

Dwagi Yai Gesi Po Jongo Asęani 14:23

Jisasgo aga dali po wei ponoyu, te po wai, “Ena godolo mu ebo bidi, te bidi agai eno ola mabo po bugagia wali paibao. Tama eno Aya agai me te bidi godolo yaibao. Tama da si talua si aga dali bidagaselama, bidada peyu, bidada paibao.

Dwagi Yai Gesi Po Jongo Asęani 15:20

Eno tamadi wali po dagego bugagia ma koneao. Eno dagebolo te po wai, ‘Te nogi meni yai sę ebo bidi agai aga genuai bidigo nogi aiyaba elalugobeo.’ Tama te tiwai me, te tǫde we bidi augwaligo ena dali dwai sę yaligo da, teda dage eno sę ebo bage dali me augwaligo dwai sę yaibao. Tama augwaligo eno po wali pigi sogo da, te dagego po me augwaligo wali pigi dao.

Bugagia Bidibo Kolesagade Po Asęai Buku 3:1

Waio, eno nage ola mawainu ebao, tama nago homude te po munu me tagaligio. Menio. Te sesemane sogo nago bugagia homu kone palao.

Jopgo Po Asęani Elalubo Buku 22:22

Nago agai nage mawainu ebo kolesaga po nago tigidali sao. Tama agai po nago homude bugagia mu muao.

Dwagi Yai Gesi Po Lukgo Asęani 8:15

Te tubo nai ge te ili elalubo dwagi yai geswai tǫde tudulaluali po wali da, te da te bidi dabego po odama, te augwa bugagia wali pelama, te homude dąų ola sali tiwai yali. Te augwa haliga bugagia dolasa elalubadi, te augwa bomo elama bidu, te augwa nai du walobo tiwai te elaluali dao,” Jisasgo te po wali.

Bomai Po 11:28

teda Godigo dage dali wiegi yai sę yaibao. Tiali goli, dagego Godigo po wali pabo sunumi dega muyu da, tama dagego tibo godiba lotu po wagi peyu da, te dagego polobadu lotu me wasiąma yali teba lotu obaso da, teda Godigo dage dolaibao.

Bugagia Bidibo Kolesagade Po Asęai Buku 10:14

Te wiegi yai homu elalubo bidigo te gasa tobage kolesaga sabo sę eyu, te polo tama te koneani kolesaga me hanilama me pusugobeo. Tiali goli, te kolesaga meni yai bidigo pedauwalide odolali po wabo sogo, te sęgę tama polo pedalubo dao.

Bugagia Bidibo Kolesagade Po Asęai Buku 4:21

Nago eno te po bugagia homude kęą selama, tama nago homuba bugagia muao. Tiyu, nago tagalabuo.

Bugagia Bidibo Kolesagade Po Asęai Buku 6:20

Ogwao, nago te naga ayago po wali pao, tama nago idago po me sela sągio.

Bugagia Bidibo Kolesagade Po Asęai Buku 6:35

Tama agai te haliga sębę ebo sia somainu te genuai mone menama, te sia somainu ebaso, te usu me egobeo. Te sębę me elalubo dao.

Bugagia Bidibo Kolesagade Po Asęai Buku 5:5

Te tobage wego nage te isali bidi dabego pesageba dolo mu odasa paibao. Nago aga wali pobaso da, nage te gų pageba mu paibao.