Bugagia Bidibo Kolesagade Po Asęai Buku 6:6 - Godigo dwagi yai po buku

⁶ Dage hagela bidi dabe, eno te tama po dagede elalubao. Dage pelama, te sagado dabego kolesaga bugagia sugi pobaso da, tama teda dage te kolesaga konea pai bidi pedelaibao.

Bugagia Bidibo Kolesagade Po Asęai Buku 6:6 Referans Kwoze

Bugagia Bidibo Kolesagade Po Asęai Buku 20:4

Te hagela bidigo te aga giba te nai wai bulainu te tǫ eligi pabo sę me egi pogobeo. Tama tialima, te nai inilama, te tau yai sabo sogo, teda aga te giba odolali mu pelama gegegi paibao.

Bugagia Bidibo Kolesagade Po Asęai Buku 18:9

Hagela bidi da, te doado bage dabe dolobo bidi tiwai tobage bidi dao.

Bugagia Bidibo Kolesagade Po Asęai Buku 6:9

Tiali goli, dage hagela bidi dabe, te dage sesabi gana elama, pila mudabo homu eba, agawe? Mena sogo te dage duga betde pila muani te hogodaluaibawe?

Hibru 6:12

Dage sę ebo hagela egimio. Menio. Bidi meba augwaligo te Godide konealubo po dąų mu weyu, te hagela homu polo isiąbo bidi dabe bidibao. Tama tiyu, tama te polobadu Godigo te aga wai dabe augwalibolo mawaibao wali nai tigidali te tobage bugagia tonalubo bidi dabego sabo dao. Dagego augwaligo ebo dwagi yai kolesaga wali piąo.

Bugagia Bidibo Kolesagade Po Asęai Buku 13:4

Te hagela bidigo te doado bage hauwa sabo homu wei yali, tiali goli agai me sogobeo. Tiali digi, te sę dene ebo bidi dabego da, te augwa homugo te doado bage hauwa sabo homu yaibao.

Matyu 25:26

“Tiali goli aga genuai bidigo po agabolo wei ponoyu, te po wai, ‘Nage dwai sę bidi dao. Nage sę hagela ebo bidi. Ma, nago bugagia koneani eno te nai ge bulasiąwai goli, te nai siyu, tama gasa bidigo tǫde telawai nai sabo te nago konebo dao.

Bugagia Bidibo Kolesagade Po Asęai Buku 30:25

Te sagado dabego bomo me elalubeo, tiali goli augwa te nai sǫą pabo sogo tuabo nai te sabobo dao.

Polgo Po Pas Rom Dabeba Asęani 12:11

Dagego sesemane sogo sę bomo mu yao. Tama dagego homude bomo eyu tama Genuai Bidigo sę yao.

Bugagia Bidibo Kolesagade Po Asęai Buku 21:25

Te hagela bidigo te doado bage sabo homu wei sabo dao, tiali digi aga te sę isiąbo bidi dao. Tama tialima, aga te wei ebo homugo te aga ela muaibao.

Bugagia Bidibo Kolesagade Po Asęai Buku 19:15

Te hagela bidi dabe te sesemane godege pila mudaibao. Te olo naga bidibo bidi da, teda te nai meniama, te nai sili bidaibao.

Bugagia Bidibo Kolesagade Po Asęai Buku 22:13

Te sę igi pabode hagela homu ebo bidi te be tomode olo dali bidai. Agai te tiwai po waibao, “Te laion hasa me deli te sunumide bidibao,” wai. “Tiyu, ena buluba soade tama te laiongo ena elidalio,” waibao.

Bugagia Bidibo Kolesagade Po Asęai Buku 10:26

Nago te hagela bidi nago sę emainu me sigio. Tiyu, nage agade hagela mu yabuo, te nago te pedauwalide te ha ebo nai tiwai eyu, tama te sia hanogo te gedu ąį mu pela silibo tiwai ebo dao.

Bugagia Bidibo Kolesagade Po Asęai Buku 19:24

Te hagela bidigo te pou pletba nogo muyu, te nai sainogo yaibao. Tiali goli, agai nogo te ugwaba sagulama, tama te nai pedauwaliba me mugobeo.

Matyu 6:26

Dagego te ba dabe suao, te dagalude bola pobao. Augwaligo nai bulusiąma, tama te nai sisinama te nai mubo beba me mubo meni goli, augwali nai te Godigo mabo dao. Tama tiyu, God agai gedude te ba dabe augwali genuai nai meni yai goli, agai augwali bugagia tonalubo dao. Tama dage da, dage agai gedude genuai dao. Tama tibaso, agai dage me bugagia tonaluaibao.

Bugagia Bidibo Kolesagade Po Asęai Buku 15:19

Te hagela bidigo te aga bidibo ula te dwai mu da, te homu yaibao, te aga busi sunumidu pabo tiwai yali. Tiali goli, te doloba pai bidigo koneai, te aga bidibo ula te wiegi yai mu da wali, te aga genuai sunumidu pabo tiwai ebo dao.

Bugagia Bidibo Kolesagade Po Asęai Buku 1:17

Te tobage dwai kolesaga ebo bidi dabe augwa te dwai dene mu saibao. Te augwa digi augwa ma tola somainu yabo wa mubo tiwai gilama ebao. Te ba dabe augwa te wiegi yai homu kolesaga elalubao. Te ba me deligo te bidigo wa muani suali da, teda aga tede me habela sogobeo. Tiali goli, te dwai bidi dabe te tiwai egobeo. Augwaligo te dwai kolesaga ebo bomo mu yaibao, tama tiyu, te augwa digi augwa dolobo dao.

Aisaia 1:3

Te kau kibu dabego augwa aya konebo dao, me te donki kibu dabego augwa ayago nai mabo pesage konebo dao. Tiali goli, eno Israel we bidigo kolesaga menio. Te kau kibu de donki kibu sigo kolesagago augwaligo kolesaga edelalio,” wali.

Bugagia Bidibo Kolesagade Po Asęai Buku 23:19

Eno ogwao, eno po odolama, tama wiegi yai homu kolesaga sao. Nago te naga biliboba bugagia homu kone palao.

Bugagia Bidibo Kolesagade Po Asęai Buku 30:24

“Te e tǫde te tobage hasa me si me si tama dwasianu hasamani me elalubao, tiali goli augwa te homu kolesaga te wiegi yai mu elalubo dao. Augwali e dao.

Jeremaia 8:7

Te tobage genuai ba me dwasianu bago te augwa me badu me bidagasobo sogo koneama, te taga pabo sogo me konebo dao. Tiali goli, eno we bidi augwaligo te ena Genuai Bidi eno bomai po homugo konebeo,” wali.

Bugagia Bidibo Kolesagade Po Asęai Buku 10:4

Te nago sę ebo hagela eyu da, te nage magi nai meni yai bidi pedelaibao. Tiali goli, nago sę bomo yali da, teda nago doado bage hauwa elaluaibao.