Bugagia Bidibo Kolesagade Po Asęai Buku 6:3 - Godigo dwagi yai po buku

³ Ogwao, nage te kalabus elalubo polo tama tagalao. Tiyu, nage te bidi dologode bidabuo. Nago te dąų walali po sela sąwainu te agaba hanalugi pao. Te kolesagago nage nogi elaluama, te nage hale elalubo te tagalao, nage peyu naga yao.

Bugagia Bidibo Kolesagade Po Asęai Buku 6:3 Referans Kwoze

Jems 4:10

Tama duga digi duga nogi Genuai Bidigo gedude aiyaba dualao. Dagego tama tiyu da, te Genuai Bidi agai dagego nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 31:8

Nago ena te boi bidi dabego kalabus emainu me ebeo. Nago ena bugagia tau siyu, tama ena te dwagi yai madigi bugagia bidibao.

Tuni Bidi Dabego Po Elalubo Buku Si 36:12

Sedekaiago te Genuai Bidi aga Godigo gedude dwai kolesaga yali. Tama te profet Jeremaiago te Genuai Bidigo po agabolo pusa mabo sogo, agai aga digi aiyaba elaluama tama agai po odobeo. Menio.

Tuni Bidi Dabego Po Elalubo Buku Si 12:5

Te Juda dabego tobolu bidi dabe augwali Sisakde wi elama, wi solama, Jerusalemba Rehoboam dali bidagasali. Tama tialima, Godigo profet bidi aga nogi Semaia agai augwali sugi pelama, e tama po augwalibolo walali. “Genuai Bidigo e tama po wali, ‘Dagego ena tudi ola mani, tama tibaso megi eno dage tudi ola mani dao, tama eno Sisakgo dage aiyaba elalumainogo yali dao,’ Genuai Bidigo te po wali,” te Semaiago te po wai.

2 Samuel 24:14

Tialima, Devitgo Gatba te tama po wali, “Nago enabolo te wali pode te ena homu sęgę mu ebao. Tama tibaso, Genuai Bidigo digi te agai mena sę te dabolo yabo homu ebo te sę emainu yao, magi baso meni, aga te olo tau sabo wiegi yai kolesaga sesemane sogo ebo God dao. Tiali goli, te eno homugo te boi bidi dabego da dolomainu ebo te eno homugo usu meni yai,” wali.

Ma Dobola Sali 10:3

Tama Moses de Aron si pelama, te tuni bidi agabolo te po wagi pali, “Da Hibru bagego God, Genuai Bidi Yawe, agai te po wai, ‘Nisu naga sogo nago te po sela sąyu, tama nage ena dologode bidigobewe? Te eno we bidi hani tagala palao, te augwaligo lotu po enaba wagasomainao.

Bugagia Bidibo Kolesagade Po Asęai Buku 6:2

Nago te dąų walali pogo te naga digi kalabus ilibao, te naga digi kekelama, te muani wago te naga ma tola sabo tiwai gilama ebao.

Bugagia Bidibo Kolesagade Po Asęai Buku 6:4

Nage me pila mudigio, nage asesa elama pao.