Bugagia Bidibo Kolesagade Po Asęai Buku 6:26 - Godigo dwagi yai po buku

²⁶ Te bidi te penani we dali bidibaso da, te dwasianu monego naga abelebo dao. Tiali goli, bidigo te gasa bidigo we dali pagela pibaso da, te genuai sęgę mu ebao. Te aga bidabo ula tede tagalainu te ebao.

Bugagia Bidibo Kolesagade Po Asęai Buku 6:26 Referans Kwoze

Dwagi Yai Gesi Po Lukgo Asęani 15:30

Tiwai goli, u bidi nago ogwanu, agai nago mani doado bage te penani sęde bilibo we dabede olo silama, bidali. Aga te dwai sę yali goli, aga eba ma asobo si, naga sa muani tuabo kibu kau wai ela mani, tumainu, nage dwagi yai homu ebaso,’ te gomunai bidigo te po wali.”

Bugagia Bidibo Kolesagade Po Asęai Buku 29:3

Te wiegi yai homu kolesaga sainu homu ebo bidi, agai te aga aya wiegi yai homu pemene ilibao. Tiali goli, te penani we wali pabo bidi da, agai te aga mone tigidali besela sąna silaibao.

1 Samuel 2:36

Tama nago hanide niwai bidi me deli bidali da, te pris pageba pelama, tama agabolo gonoyu, te dwasianu mone po me, nai po me hanalu waibao. Tama augwaligo te prisbolo te tiwai po waibao, ‘Te nago da meba te pris sę emainu eyu, te da nai meba somainu yaibawe?’ God Genuai Bidigo te po wai,” te profet bidigo Elibolo te po wali.

Esekiel 13:18

Ena God Genuai Bidi, eno po te we dabede elalubao. Eno po te tiwai, ‘Dage we dwai dabe, te dage dolaibao. Dagego te yesi bubo sęgo te nogo mo ebo tiwai elama, te we augwali nogoba mubao. Tama dagego te yesi bubo ugwa hobolama, te augwali toboluba mubao. Augwaligo te nai dabe mubo te gasa we bidi augwali tonaluabo bomo somainu ebo dao. Dage we dabego dugade digi naga homu koneama, tama dagego we bidi dolobo dao. Dagego homugo te wiegi yai kolesaga da homu eba, agawe?’ te po wao,” wali.

Esekiel 13:8

Tama tibaso, megi ena God Genuai Bidi eno dage profetba te tama po obao, dagego te we bidi augwaliba tibo po ola mobaso, te eno dageba wabo po ebo homu genuai elalubao.

Bugagia Bidibo Kolesagade Po Asęai Buku 29:8

Te hagoma ebo bidi dabego te taun bidi dabego te hale sębę ilama, tama augwade digi te dwai wado homu emainu yaibao. Tiali goli, te wiegi yai homu elalubo bidi dabe, augwaligo te bidi dabego wado homu ebo te isilama, tama te bidi dabe augwa haliga nagame ma igulubo dao.

Bugagia Bidibo Kolesagade Po Asęai Buku 7:23

Te bidigo te ene me deligo te aga dini homu enabo te agai me konebeo. Aga te ba me deli te wa elalubo pesageba bola pabo tiwai yali. Tama te bago me konesiąyu, te wago aga tola selama, tama aga te isabo te me konebeo.

Bugagia Bidibo Kolesagade Po Asęai Buku 5:10

Tama nago te sainogo sę dene yali wiegi yai nai dabe te gasa bidi dabego nogoba pelama saibao.

Tigidali Nai Gagalama Nigali Side 39:14

tialima agai te bede sę ebo bidi dabeba i weyu, tama te po wai, “Dagego suiąo! Eno bidigo te Hibru bidi te dago beba odasa bidali bidigo tama megi agai dwai kolesaga te dabolo yainogo yali. Aga te ena pibo be habu badu asama, tama agai te ena nogo tulama, dwai sę yainu yali. Tiali goli, eno bomo elama, po daga walio.

Bugagia Bidibo Kolesagade Po Asęai Buku 5:9

Tiyu, te nago wiegi yai nogi elaluali te tagalabuo. Te agai bidigo te nageba wiegi yai homu eyu, nago te sę yali te wiegi yai yali da homu elama, nage tau sabo homu me egobeo. Menio. Te nage te gesi ogwa bidi elalubadi, te agai nage ela muaibao.

Bugagia Bidibo Kolesagade Po Asęai Buku 6:27

Te nago te sia dage te hobolu badu pąde tolalubaso da, teda te naga holobo ugwa te siago dogobe da, agawe?

Bugagia Bidibo Kolesagade Po Asęai Buku 23:28

Te tobage wego te nai wi sabo bidigo tonalubo tiwai eyu, tama te bidi dabe asobo tonaluaibao. Tama agai te bidi hauwa kekelama, tama augwa te we sabo kolesaga te boliyu togobo dao. (18)

Tigidali Nai Gagalama Nigali Side 39:7

Tama pąde digi tama Potifargo wego te Josep gedu eyu, tama pesą yalima, tama agabolo te po wai, “Nage ena dali pagela piagasao,” wali.