Bugagia Bidibo Kolesagade Po Asęai Buku 6:21 - Godigo dwagi yai po buku

²¹ Nago te augwaligo po te naga homude munama, tama sesemane bugagia wali pobaso da, tama teda te nago tobolude me magede te wiegi yai au tiwai te pedelabo dao.

Bugagia Bidibo Kolesagade Po Asęai Buku 6:21 Referans Kwoze

Bugagia Bidibo Kolesagade Po Asęai Buku 3:3

Nago te gasa bidi godolo ebo kolesaga, me te gasa bidi dali te mu kisa sabo kolesaga ebo me te munu me tagaligio. Nago te kolesaga si wali pelama, tama te nago dogonide au ilibo nai tiwai pedelaibao. Tama nago naga homuba bugagia dąų olama muao.

2 Korin 3:3

Dage haninama te dage te Kraisdu asai pas tiwai me deli bidibao. Te da sigo yali sęde Kraisgo te pas asęai. Agai te asębo medabugo sisi ąį selama tama me asębeo. Menio. Agai te bidibo ula elalubo Godigo Mobo Bidigo asęai. Agai te sawali yai masigi daide me asębeo. Menio. Agai te we bidigo homude asęai dao.

Bugagia Bidibo Kolesagade Po Asęai Buku 4:6

Nago wiegi yai homu kolesaga ebo me tagaligio. Menio. Nago aga godolo mu ebaso da, te agai nage tonaluaibao.

Bomai Po 6:8

Tama dagego te po dabe dagego pepade asęnama, tama duga nogode me, ma te duga gebode daganama, kęyu yao. Tama tiyu da, dagego po dabe munu me gegeda pogobeo.

Ma Dobola Sali 13:16

Dago te sę ebo te dago homugo ma koneama, te Genuai Bidigo bomogo aga digi da te Isipde selama, odasa asai. Tama te dago nogode me gesabidide muai nai tiwai, tama dago homu hodolobo sę ebo dao,” Mosesgo te Israel hani we bidibolo te po wai.

Bugagia Bidibo Kolesagade Po Asęai Buku 4:21

Nago eno te po bugagia homude kęą selama, tama nago homuba bugagia muao. Tiyu, nago tagalabuo.

Ma Dobola Sali 13:9

Tama dagego kegeda pidali weyu, te tiwai lotu po wabo kolesaga da, te dąį me deli dao, te dagego duga nogode me gesabidide elaluabo dąį ąǫ yaibao. Tama te Genuai Bidigo bomai po te dagego homu kolesaga iliyu, tama po wabo nigilaibao. Magi basowe, Genuai Bidigo bomogo sę elama, tama da Isip tǫde selama, odasa asai dao.