Bugagia Bidibo Kolesagade Po Asęai Buku 6:17 - Godigo dwagi yai po buku

¹⁷ Te hagoma ebo kolesagago te gasa bidi dabe tonobo te olo bage tiwai ebo kolesaga. Me te tibo po wabo kolesaga. Me te gasa bidi dabe olo dali ela mubo kolesaga ebo.

Bugagia Bidibo Kolesagade Po Asęai Buku 6:17 Referans Kwoze

Bugagia Bidibo Kolesagade Po Asęai Buku 12:22

Genuai Bidi te haliga sębę mu eyu, tama te tibo po wabo bidi tigidali dali te boi bidi homu ebo dao. Tiali goli, agai te mu po naga wabo bidi dabe dali te agai pemene ebo dao.

Aisaia 1:15

Te dagego nogo ugwa selama, gedu haluasa po enabolo wabo si da, teda eno dage sugobeo. Tagala, dagego gedu haluasa po hauwa sogo obadi, me teda ena olo palia saibao. Magi baso meni. Te bidi dabe dagego elali bidi dabego kaneme dagego nogode me daganalubao.

Godigo Nogi Ugwaba Sabo Tęąbi Po Wabo Buku Dabe 101:5

Te eno te gasa bidi dabeba posobo po wabo bidi dolaibao. Tama eno te hagoma ebo bidi dabe bidimainu me sula tagalogobeo.

Godigo Nogi Ugwaba Sabo Tęąbi Po Wabo Buku Dabe 5:6

Nago te tigidali tibo po wabo bidi dolobo da. Tama bidi ela mubo bidi dabe, me te tibo po weyu, te gasa po dali ugwadu ma daganobo bidi, te nago godolo homu mu me egobeo.

Aisaia 3:9

Te po tų odobode augwaligo augwa godolo ebo bidi dabe naga tau sabo dao, tama gasa bidi dabe aiyaba elalubo dao. Tama te kolesagago augwa digi augwa ma po tų ela mabo dao. Augwali te we bidi dabego gedude dwai sę ebode augwali hale me ebeo, te Sodom bagego polobadu yali gilama. Augwali dolaibao. Augwa dagede augwa dolaibao.

Bugagia Bidibo Kolesagade Po Asęai Buku 21:4

Te dwai kolesaga ebo bidi dabego te sę me edu, tama sesemane hagoma yaibao. Tama tiyu, te augwa bidibo ula doliyu, te dwai sęgo pągąnalubo dao.

Bomai Po 27:25

“‘Te bidi mego te bidi me sęgę meni yai bidi ela muabo mone sai baso da, Godigo te bidi dolomainao.’ Tama tigidali we bidigo te po waibao, ‘Te mu tama dao, Godigo te bidi dolomainao.’”

Dwagi Yai Gesi Po Jongo Asęani 8:44

Dage da duga ayago wai dabe dao. Dagego aya te Satan dao. Tama dage me bomo elama, duga ayago ebo homu kolesaga wali painogo ebo dao. Polobadu mu, tigidali nai gagalama nigali, te sogo te bidi Satan agai te bidi elebo sę tama ela asiyu, megi tama me te sę ela pabo dao. Tama agai mu po me wali pai menio. Magi basowe? Mu po agade bidibo menio. Tibo po wabo da te agai po mu dao. Satan aga tibo po wabo bidi mu dao. Tama aga tibo po wabo page bidi mu dao.

Aisaia 3:16

Genuai Bidigo te po wali, “Jerusalem we dabe, suiąo. Augwaligo homugo augwali dwagi yai mu dao homu eyu, hagoma homu ebao. Te augwali bilibo sogo, augwaligo augwa sągą aulama, tama augwa sągąde hǫą omainu ebo dao. Augwaligo augwa tobolu sagolama, augwa dogoni dodolobo dao. Tama augwaligo gedu subigila bidi gedu tonobo dao.

Bugagia Bidibo Kolesagade Po Asęai Buku 26:28

Te bidigo te gasa bidi dabeba tibo po obaso da, teda te tiwai ola mobao, agai augwali wei homu isąbaso, tama augwali dolainu ebao. Tama te bidigo homu bega sabo po sesemane sogo obaso da, teda tego te gasa bidiba dwai sę mu ilibo dao.

Godigo Nogi Ugwaba Sabo Tęąbi Po Wabo Buku Dabe 18:27

Nago te augwa digi te haliga aiyaba elalubo we bidi dabe augwali te ma sabo da. Tiali goli, nago te augwa digi augwa nogi ugwaba sabo we bidi te aiyaba elaluaibao.

Te Israel me Juda Hani Sigo Tuni Bidigo Po Elalubo Buku Si 24:4

Tama me te agai e tama homu koneani, te king Manasego agai te tigidali Jerusalem bulu pedaide te haniani dwai kolesaga isąwai doloba pai we bidi dabe ela muani, tama Genuai Bidi agai homu te king Manasego te dwai kolesaga yali sęgo sali sęgę agai tagalabo homu ebe.

Bomai Po 19:10

Dagego duala sabo hanu sela me ma sa muao. Tama elama, tama dage te agai dagebolo mabo tǫde bidiyu da, dagego te bidi sęgę meni yai bidi olo dali ela mubode te dage sęgę me sogobeo,” wali.

Aisaia 2:11

Te Genuai Bidi sabalobo sogode da, agai te dene mabo kolesaga elama, augwa nogi ugwa sabo bidi dabe aiyaba elaluaibao. Tama augwali hale mu yaibao. Tama te sogo Genuai Bidi deli naga genuai nogi saibao.

Bugagia Bidibo Kolesagade Po Asęai Buku 30:13

Te meba bidi dabego homugo augwali te wiegi yai mu da homu elama, tama gasa bidi dabe te olo bage te olo tiwai da homu ebo dao.

Bugagia Bidibo Kolesagade Po Asęai Buku 14:5

Te suali po pusubo bidigo te po mu po da weyu da, teda agai te po tųde doloba pai po naga pusaibao. Tiali goli, aga te tibo po wabo bidi yai baso da, teda agai po tigidali te dolo me egobeo.

Godigo Nogi Ugwaba Sabo Tęąbi Po Wabo Buku Dabe 31:18

Te bidi dabe augwaligo te hagoma eyu, te posobo po weyu ebo da, tama doloba pai bidi dabeba po dwai weyu ebo dao. Augwaligo tibo po naga wabo da. Nago augwali dolama, tama augwa pedauwali te mu pania somainu yao.

Kraisgo Geme Dualali Sę Pedelabo Po Jonbolo Ola Mani 22:15

Tiali goli te dwai dwai kolesaga ebo bage, augwali te yowi dabe tiwai da, augwali me, te pobi po wabo bidi dabe me, te penani kolesaga ebo we bidi me, te bidi ela mubo bidi dabe me, te tibo god dali lotu po wabo bage, tama te ili po wabo kolesaga godolo eyu wali pabo bidi dabe, te dwai kolesaga wali pabo bidi dabe augwali te Godigo hanu bulu badu bidaibao.

1 Pita 5:5

Te dage gesi bidi dabe, dage me te dolo kolesaga eyu, te tonalubo bidi dabe dologode bidiyu, augwaligo wabo po bugagia odiąo. Tama dage we bidi me, dage tigidali te nagamea pai homu eyu, tama te olo sę ebo we bidi tiwai bidiyu, dage tomode duga hasi te tau sabo sę yao. Magi baso meni, te Godigo po bukude te nagamea pai homu ebo kolesagade e po elalubao, “God agai te kolesaga hagoma ebo we bidi dali boi bidi homu eyu, bomo elama dolalubo dao. Tialima te nagamea pai homu ebo we bidi dali agai te olo tau sabo kolesaga ebo dao.”

Bugagia Bidibo Kolesagade Po Asęai Buku 17:7

Te wiegi yai po wabo kolesaga te wiegi yai homu elalusiąbo bidigo homu kolesaga tiwai me elalugobeo. Tama mu tama, te tibo po wabo kolesaga te genuai bidigo kolesaga te tama me telalubeo.

Bugagia Bidibo Kolesagade Po Asęai Buku 1:11

Te tobage bidigo te tama po waibao, “Ae, tega, nage da dali aselama, tama da pelama, te bidi meba ela mugi pinao. Da pelama, te sunumi sesegeba geme duala sigi pelama, tama niwai bidi me asobaso, tama dago augwali ela muaibao. Te augwaligo magi dwai sę me isiąbadi digi, te dago homu weigo te naga wali pelama, tama te augwali ela muaibao.

Godigo Nogi Ugwaba Sabo Tęąbi Po Wabo Buku Dabe 131:1

Genuai Bidi, eno te hagoma yali kolesaga tagalama, tama eno te ena digi te nogi ugwaba me sabeo. Eno te genuai nai dabede homu kone me isiąma, tama te eno konesiąwai nai dabede me eno homu kone me ebo menio.

Godigo Nogi Ugwaba Sabo Tęąbi Po Wabo Buku Dabe 10:4

Te hagoma ebo bidigo te tama po wabo da, “Eno koneani, Godigo eno ebo dwai sę wei ponobeo. Agai enade magi homu me egobeo.” Te dwai sę ebo bidigo te tama homu eyu, agai te Godigo ebo kolesaga wali pabo menio.

Bugagia Bidibo Kolesagade Po Asęai Buku 1:16

Te tobage bidi dabego te dwai sę ebo wei mu elama, tama te bidi ela mubao. Augwa te tiwai sę sesemane polo idu, tama augwa toma me nogobeo.

Bugagia Bidibo Kolesagade Po Asęai Buku 6:16

Genuai Bidigo te bidi dabego te e 7 kolesaga dabe ebo da te godolo homu mu meni isąwanio, agai tede sębę ebo dao. Augwali e dao.

Bugagia Bidibo Kolesagade Po Asęai Buku 28:17

Bidigo te gasa bidi ela mubaso da, teda aga dwai dene mu saibao. Tama aga te bidibo me te bugagia me dugulalusiąyu, te aga isibo sogoba usu naibao. Bidigo aga tau selamuo.

Jeremaia 26:15

Tialima, eno homu dagego te tiwai konemainogo ebao. Mu tamao, Genuai Bidigo digi ena tagala palobaso, te ena aselama, te eno pusali po dageba pusagasalio. Tama te ena dagego ela mubaso da, dagede te magi dwai sę deli me isąwai bidi odolali elali, te sęgę elalueibao. Tama te dwai sę yali te taunde elalu, te tigidali taun we bidi dabede te sęgę elalueibao,” Jeremaiago te po wai.

Te Israel me Juda Hani Sigo Tuni Bidigo Po Elalubo Buku Si 21:16

Te king Manasego agai te Juda hani augwali kegelama, tama augwaligo te Genuai Bidi gedude sęgę genuai mu sali. Tama me te agai aga hani we bidi dabe dali boi bidi ebo kolesaga yali. Tama te tigidali Jerusalem bulude te king Manase agai e tama kolesaga yali, te dwai kolesaga isiąwai doloba pai we bidi umabo mu agai ela muna muna pali.

Godigo Nogi Ugwaba Sabo Tęąbi Po Wabo Buku Dabe 5:7

Tiali goli, nago ena sesemane godolo mu ebo da. Tama ena te nago be tomoba asabo usu ebo tiwai yali. Eno te kidu sugunama, te nageba te nago tedali genuai lotu be tempel tomode lotu obaso, te usu yaibao.

Bugagia Bidibo Kolesagade Po Asęai Buku 16:5

Genuai Bidigo te hagoma ebo bidi dabe, me te augwa digi augwa nogi ugwaba sabo bidi dabe, te agai wei mu me isiąyu, augwali dali dwai homu ebo dao. Dago e tama koneao, Genuai Bidigo augwali te odolali me tagala palogobeo. Menio. Te agai augwaliba te tigi dene mawaibao.