Bugagia Bidibo Kolesagade Po Asęai Buku 6:16 - Godigo dwagi yai po buku

¹⁶ Genuai Bidigo te bidi dabego te e 7 kolesaga dabe ebo da te godolo homu mu meni isąwanio, agai tede sębę ebo dao. Augwali e dao.

Bugagia Bidibo Kolesagade Po Asęai Buku 6:16 Referans Kwoze

Godigo Nogi Ugwaba Sabo Tęąbi Po Wabo Buku Dabe 11:5

Genuai Bidigo dwagi yai bidi dali, dwai bidi dali osola subo dao. Agai bomo yai po sela sąbo te bidi agai hagela mu ebo dao. Te bagego gasa we bidi elebo kolesaga ebo dao.

Bugagia Bidibo Kolesagade Po Asęai Buku 8:13

Te Genuai Bidide wi eyu, aga dologode bidibo bidi da, agai te dwai kolesaga dabe te wei mu me egobeo. Eno te hagoma ebo kolesaga me, te bidi aga digi aga nogi ugwaba sabo kolesaga me, tama te tobage dwai sę ebo kolesaga me, te tibo po wabo kolesaga me, te eno wei mu me ebeo. Menio. Eno te tobage kolesaga ebo hagela mu ebo dao.

Bugagia Bidibo Kolesagade Po Asęai Buku 11:20

Te sesemane sogo dwai homu ebo bidi dabede te Genuai Bidigo tede homu mu godolo isiąwai. Agai te bagede sębę mu ebo dao. Tiali goli, agai te dolo bilibo bidi dabe te wiegi yai homu pemene ebo dao.

Bugagia Bidibo Kolesagade Po Asęai Buku 3:32

Magi baso meni, Genuai Bidigo digi te tobage bidi wei me isąwai. Te doloba pai kolesaga ebo bidi dali agai abagi homu ebo dao.

Bomai Po 25:16

Godigo te tibo kolesaga ebo bidide dwai homu mu ebo dao,” Mosesgo te po wai.

Bugagia Bidibo Kolesagade Po Asęai Buku 17:15

Genuai Bidigo te kolesaga si te hagela homu mu ebo dao. Te dwai kolesaga ebo bidi dabe olo tagalubo kolesaga, me te dwai kolesaga isiąwai bidi dabeba dene mabo sę, te kolesaga si agai gedude dwai mu dao.

Bugagia Bidibo Kolesagade Po Asęai Buku 11:1

Genuai Bidigo homugo te bidi dabego te skel dąį hasegelibo homu te agai hagela mu ebo dao, te we bidi tibo po ola menama, tama augwaligo mone anoma elama sobao. Tiali goli, te bidi dabego te doado bage te dąį ilalidu dolo dobabo bidi dabede te agai wiegi yai homu pemene ebo dao.

Amos 2:1

Genuai Bidigo wabo po e dao, “Hauwa sogo te Moap kantri we bidi augwaligo dwai sęgę sabo sę idu geai. Augwaligo te tama sęgę sabo sę me edu gęyu, tama augwaligo dwasianu toma me nabeo. Augwaligo te Idom kingba dwai sę iduama, te aga ela muanio. Tama nosali aga nogi mu dolainogo eyu, augwaligo aga dili dabe te gų pagede ma guda selama, te isiba ulama, te buai dali tubo keli kambang tiwai pedelali. Tialima, mu tama, eno te Moap dabe augwaliba te dwai dene mabo sęgę mawaibao.

Amos 1:11

Genuai Bidigo wabo po e dao, “Hauwa sogo te Idom tǫ kantri we bidigo dwai sęgę sabo sę idu geai. Augwaligo te tebode dwasianu toma me nabeo. Augwaligo te Israel hani we bidi dabe pobeasa pali, te augwa ama dabe digi te augwali bobage hwą ge bainatgo elalio. Te augwali hobede eyu, tau sabo homu eyu, tama augwali tagalabo homu dwasianu me ebeo. Mu menio. Augwaligo haliga sębę ebo wado yabo homu sębę genuai mu elama, posolo mu yai, tama te haliga sębę yali me silibeo. Te me elalualio. Tialima, mu tama, eno te Idom dabe augwaliba dwai sęgę mabo dene mu ilaibao.

Amos 1:9

Genuai Bidigo wabo po e dao, “Hauwa sogo te taun Tair we bidi dabego dwai sęgę sabo sę idu geai. Augwaligo tebode dwasianu toma me nabeo. Menio. Augwaligo te Israel we bidi hani me deli sese ela gudulama, te tǫ kantri Idomba kalabus sę emainogo sela palio. Polobadu augwaligo te Israel hani bidi augwali dali te po me deli dąų walama, te augwa hodobo deliba bugagia bidinao wali, tiali goli augwaligo te dąų walali po bolali. Tama tialima, te mu tama, eno te Tair dabeba dwai dene sęgę mabo sę yaibao.

Amos 1:6

Genuai Bidigo wabo po e dao, “Hauwa sogo te taun Gasa we bidi dabe, te Filistia tǫ kantri bage, augwaligo dwai sęgę sabo sę idu geai. Augwaligo te tebode dwasianu toma me nabeo. Menio. Te Gasa dabego te bulu hani bage me deli sese selama, te kantri tǫ Idomba kalabus sę emainogo sela pali. Tialima, mu tama, eno te Gasa dabe augwaliba dwai dene mu mabo sę yaibao.

Amos 1:3

Genuai Bidigo wabo po e dao, “Hauwa sogo te Damaskus hanu we bidi, te Siria tǫ kantri bage, augwaligo dwai sęgę sabo sę idu geai. Tebode augwaligo dwasianu toma me nabeo. Menio. Augwaligo te Gileat tǫ we bidi dabe dali dwai sębę eyu mu dolali, tialima, mu tama, eno te Damaskus dabeba dwai dene mu mabo sę yaibao,” wali.

Bugagia Bidibo Kolesagade Po Asęai Buku 30:21

“Te kolesaga sela, woo, te me si me si te tǫde pedelama elalubao. Te kolesaga dabe te dwai mu elama, tama te tǫ aga digi te kolesaga dabe wei isiąbo homu elama, tama te didibili umabo mu ebao.

Bugagia Bidibo Kolesagade Po Asęai Buku 20:23

Te bidigo te we bidi dabego te doado bage abelainu ebaso, te agai dagalubo sogo te we bidi tibo po ola mayu, te nai te dwai skelgo usu sobaso da, teda Genuai Bidigo te kolesaga wei mu me isąyu, sębę me yaibao.

Bomai Po 24:4

teda aga hasia tagalali bidigo te we ma sogobeo. Menio. Te bidi aga digi koneao, te we te bidi aga gedude meda yai dao, te po konemainao, tama agai te ma selamo dao. Ma, te bidigo te we aga ma sobaso da, teda Genuai Bidigo te tobage kolesaga godolo me egobeo. Tama tialima, Genuai Bidigo dage mawainogo ebo te tǫba dage bidigi pabo side, dagego te tobage dwai kolesaga tede me elamo dao,” Mosesgo te po wali.

Bomai Po 23:18

Me, te penani sę elama sai mone te Godigo lotu beba sela aselamo dao. Te habu mu dao. Dagego agabolo dąų wali po me deli usu nainogo eyu, te Genuai Bidi dago God agai beba seselamo dao. Agai te niwai we ma bidigo te tobage kolesaga ebode agai dwai homu mu ebo dao,” te po wali.

Amos 2:6

Genuai Bidigo wabo po e dao, “Hauwa sogo te Israel we bidi dabe augwaligo te dwai sęgę sabo sę idu geai. Augwaligo te tama tibo sęde dwasianu toma me nabeo. Tialima, mu tama, eno augwaliba te dwai dene mabo sę mu yaibao. Magi baso meni, te Israel dabe augwa abagi dabego augwaliba negeli somainu ilali, tialima augwa te abagi dabego te negeli sali wei ponabo usu meni baso, te negeli mani bidi dabego augwa te abagi dabe pageabi ilama, tama augwali te gasa bidigo olo sę ebo bidi me olo sę ebo we pedalumainu yali. Tama tebogo te Israel dabe mebago meba bidi dabede augwa negeli mani mone wei ponama salio. Hobede ya, te abagi dabego te magi dwai sę me isąwai, te augwaligo sali negeli te dwasianu tama, te olo sągą nadoba su abelibo mone usu nama goli, tialima te meba Israel dabego augwali homu dene me ebeo. Menio.

Amos 2:4

Genuai Bidigo wabo po e dao, “Hauwa sogo te Juda tǫ kantri we bidi dabe augwaligo dwai sęgę sabo sę idu geai. Augwaligo te tama tibo sęde augwaligo dwasianu toma me nabeo. Menio. Ena da, Genuai Bidi dao, tiali goli augwaligo eno bomo yai po sela sąyu, te eno augwali ola mani po augwaligo wali me pabeo. Augwaligo homu kolesaga umuna selama, geda muyu, ena wali munu ma pabeo. Magi baso meni, augwa te tibo god dabe wali pidu, te augwa wąį nǫų dabego yali sę tiwai yali. Tialima, mu tama, eno te Juda dabe augwaliba te dwai sęgę mabo dene ilaibao.

Bugagia Bidibo Kolesagade Po Asęai Buku 30:29

“Te gasa boma pai mu bilibo nai te sela, ma me si me si elalubao. Augwali e dao.

Bugagia Bidibo Kolesagade Po Asęai Buku 20:10

Te augwaligo abelainu ebo doado bage dagalobo sogo te bidigo te we bidi dabe tibo po ola maiabo homu ebaso da, teda Genuai Bidigo te kolesaga hagela homu eyu, sębę mu ebo dao.

Kraisgo Geme Dualali Sę Pedelabo Po Jonbolo Ola Mani 21:27

Tiali goli, te dwai meda yai kolesaga ebo bidi te hanu tomoba pogobeo. Te haniani dwai kolesaga eyu, te tibo po weyu ebo bidi dabe, te hanu tomoba me pogobeo. Mu menio. Te Kibu Sipsip Wai agai te we bidi dabe meba augwali nogi te isisąma gamonaibao wali we bidi nogi asęani buku, te bukude augwali nogi asęani we bidi dabe augwali naga augwa te hanu tomoba pabo usu yaibao.

Bugagia Bidibo Kolesagade Po Asęai Buku 30:24

“Te e tǫde te tobage hasa me si me si tama dwasianu hasamani me elalubao, tiali goli augwa te homu kolesaga te wiegi yai mu elalubo dao. Augwali e dao.

Bugagia Bidibo Kolesagade Po Asęai Buku 30:18

“Te ena midigi sabo ilibo nai sela te elalubao. E, sela naga meni, te gasagi yai nai mu me si me si te eno augwali konesiąbo nai te elalubao.

Bugagia Bidibo Kolesagade Po Asęai Buku 6:15

Tiali digi, polo mu tama te dolobo genuai sęgęgo te augwaliba pedalubaso da, teda augwali te usu ma ilabo sunumi me elalugobeo.

Bugagia Bidibo Kolesagade Po Asęai Buku 6:17

Te hagoma ebo kolesagago te gasa bidi dabe tonobo te olo bage tiwai ebo kolesaga. Me te tibo po wabo kolesaga. Me te gasa bidi dabe olo dali ela mubo kolesaga ebo.

Jeremaia 26:15

Tialima, eno homu dagego te tiwai konemainogo ebao. Mu tamao, Genuai Bidigo digi ena tagala palobaso, te ena aselama, te eno pusali po dageba pusagasalio. Tama te ena dagego ela mubaso da, dagede te magi dwai sę deli me isąwai bidi odolali elali, te sęgę elalueibao. Tama te dwai sę yali te taunde elalu, te tigidali taun we bidi dabede te sęgę elalueibao,” Jeremaiago te po wai.

Sekaraia 8:17

Dagego dwai sę ebo kolesaga te gasa we bidi dabe augwaliba yabo homu me elamuo. Te dage po tų kotde dologi pabo sogo, dagego te tibo po munu me pusulamuo. Eno te tibo po wabo kolesaga, me te po tų kot po geme dualubo kolesaga, me te wado po weyu hwįbo kolesaga ebo te eno godolo mu me ebo meni dao,” wali.

Te Israel me Juda Hani Sigo Tuni Bidigo Po Elalubo Buku Si 21:16

Te king Manasego agai te Juda hani augwali kegelama, tama augwaligo te Genuai Bidi gedude sęgę genuai mu sali. Tama me te agai aga hani we bidi dabe dali boi bidi ebo kolesaga yali. Tama te tigidali Jerusalem bulude te king Manase agai e tama kolesaga yali, te dwai kolesaga isiąwai doloba pai we bidi umabo mu agai ela muna muna pali.

Jopgo Po Asęani Elalubo Buku 5:19

Tigidali sogo mu, agai nage dwai sogo ebaso me, agai nage tau saibao, tama te dwai naigo nage me dologobeo.

Godigo Nogi Ugwaba Sabo Tęąbi Po Wabo Buku Dabe 5:7

Tiali goli, nago ena sesemane godolo mu ebo da. Tama ena te nago be tomoba asabo usu ebo tiwai yali. Eno te kidu sugunama, te nageba te nago tedali genuai lotu be tempel tomode lotu obaso, te usu yaibao.

Bugagia Bidibo Kolesagade Po Asęai Buku 12:22

Genuai Bidi te haliga sębę mu eyu, tama te tibo po wabo bidi tigidali dali te boi bidi homu ebo dao. Tiali goli, agai te mu po naga wabo bidi dabe dali te agai pemene ebo dao.

Bugagia Bidibo Kolesagade Po Asęai Buku 21:4

Te dwai kolesaga ebo bidi dabego te sę me edu, tama sesemane hagoma yaibao. Tama tiyu, te augwa bidibo ula doliyu, te dwai sęgo pągąnalubo dao.