Bugagia Bidibo Kolesagade Po Asęai Buku 6:14 - Godigo dwagi yai po buku

¹⁴ Sesemane sogo augwaligo te dwai sę yabo homu kolesaga kone paludu, tama augwaligo te bidi dabego te gasa bidi dabeba dwai haliga yabo sę eyu ebo dao.

Bugagia Bidibo Kolesagade Po Asęai Buku 6:14 Referans Kwoze

Maika 2:1

Te dage dwai kolesaga yabo homu ebo bidi, te hobede ya, te dage dolaibao! Dage te hulide godege me pisąma, dagego te dwai kolesaga yabo homu naga eyu, te kigamu mu dage hodaluama, te sę ebo dao, magi baso meni, dagego te sunumi gegali dao.

Polgo Po Pas Rom Dabeba Asęani 16:17

Ama dedeo, te we bidi hani pedebo kolesaga ebo bidi dabe, te bagede dagego bugagia suao, dua dao. Te dagego Kraisde polobadu odali ola mabo po, te po augwaligo sela sąwainogo eyu, tama augwaligo we bidi dwai sę ebo kolesaga tomoba kegebo dao. Te tobage we bidi dagego tagalao, augwali tudiba mu muao.

Hosea 8:7

“Augwaligo ebo dwai kolesaga te dwasianu naga dao, te dwasianu wali asobo tiwai naga dao, augwaligo te homu ebo dao. Tiali goli, nosali te kolesaga ebode augwali dolaibao, te pobegebo wali genuaigo te bidi dolobo tiwai yaibao. Tama augwali te wit gide te nai walisąbo tiwai eyu, tama te bret nigabo wit meni yani. Tialima, te dwai witgo nai me pedai badu waligi sogo da, tagalao, te gasa badu tǫ kantri bidi dabego naga tuagasigi da,” wai dao.

Esekiel 11:2

Tama Godigo te tiwai po enabolo wali, “Tǫde bidio, te bidi dabe augwaligo dwai kolesaga yabo sunumi nigabo homu ebao. Tama augwaligo te we bidi dabeba te geda muai mobo mabo po mabo dao.

Aisaia 57:20

Tiali goli, te dwai kolesaga ebo we bidi dabego, augwa te dwai kolesaga ebo me tagalogobeo. Augwali te tamu ąį sesemane sogo dinigo te haniani pobele bage me dwai nai sela asu, te nambis dolagasobo tiwai ebo dao.” Genuai Bidigo te po wai.

Aisaia 32:7

Tama te dwai bidi dabego te dwai homu kolesaga hauwa augwaligo tobolude pągąna pabo dao. Augwaligo homu kone palama, tama augwaligo haniani ili po wabo homu kolesaga dabe gegelama, tama augwaligo te nai meni yai we bidi dabego po tų ebode dolama, aiyaba elaluabo sunumi dabe gegebo dao.

Bugagia Bidibo Kolesagade Po Asęai Buku 22:8

Te bidigo dwai kolesaga ebaso da, teda te dwai sogo ebogo te aga gegebaso, tama agai te dwai sę te gasa bidi dabeba munu ma me egobeo.

Bugagia Bidibo Kolesagade Po Asęai Buku 21:8

Te dwai sę ebo bidigo te tibo kolesaga yali. Tiali goli, te magi dwai sę me isąwani bidi dabe, augwaligo te doloba pai kolesaga yaibao.

Bugagia Bidibo Kolesagade Po Asęai Buku 3:29

Te naga abagi dabe te nage pąde bidalu, tama augwaligo homugo te nage augwa abagi da homu yaibao. Tama tibaso, nago augwali dwai me ilamuo.

Bugagia Bidibo Kolesagade Po Asęai Buku 2:14

Augwaligo te haniani dwai kolesaga ebode te wiegi yai homu pemene yaibao.

Godigo Nogi Ugwaba Sabo Tęąbi Po Wabo Buku Dabe 36:4

Aga te betide pila mudu, tama te dwai sę yabo kolesaga te homu kone paludaibao. Agai te dwai sę ebo sunumi naga wali pidu, tama te dwai sę ebo kolesaga tudiba me mugobeo.

Godigo Nogi Ugwaba Sabo Tęąbi Po Wabo Buku Dabe 140:2

Te sesemane sogo augwaligo dwai kolesaga yabo homu ebo dao. Tama te sę edelama, sesemane sogo augwaligo te we bidi dabe tomode konila po hodolama, wabo dao.

Bugagia Bidibo Kolesagade Po Asęai Buku 16:27

Bidi dwai mugo te haniani sunumi gegelama, te dwai sę te gasa we bidi dabeba yainu tiaibao. Agai po da, te genuai sia bogoli tiwai eyu, tama te augwali dolobo dao.

Bugagia Bidibo Kolesagade Po Asęai Buku 17:20

Te dwai homu idu, te dwai tibo po sesemane odubo bidi da, aga te bugagia me bidigobeo. Menio. Agai te dwai sę naga iduaibao.

Bugagia Bidibo Kolesagade Po Asęai Buku 24:8

Te bidigo te sesemane sogo dwai kolesaga yabo homu ebo bidi yai baso da, teda augwaligo aga te tibo kolesaga ebo bidi nogi poaibao.

Godigo Nogi Ugwaba Sabo Tęąbi Po Wabo Buku Dabe 140:3

Te augwaligo po wabo te hasamanigo kele poa pai tiwai mu elama, tama augwaligo pedauwalide te bidi dolabo po te hasamanigo dwai nabi tiwai elalubo dao.

Bugagia Bidibo Kolesagade Po Asęai Buku 3:32

Magi baso meni, Genuai Bidigo digi te tobage bidi wei me isąwai. Te doloba pai kolesaga ebo bidi dali agai abagi homu ebo dao.

Bugagia Bidibo Kolesagade Po Asęai Buku 14:22

Te dwai kolesaga yabo homu ebo bidi dabe da, teda augwa homu da te mu geda mubao. Tiali goli, te bidi dabego wiegi yai kolesaga emainu homu wei ebo bidi da, te augwaligo agaba te bugai haliga mu ebo dao. Tama augwaligo agaba homugo kęą pabo kolesaga ebo dao.