Biblia Todo Logo
Bib sou entènèt

- Piblisite -




Bugagia Bidibo Kolesagade Po Asęai Buku 6:11 - Godigo dwagi yai po buku

11 Dagego te tiwai ebaso da, teda polo tama te dagego doado bage tigidali silama, tama dage te magi nai doado bage meni yai bidi tiwai pedelaibao, te nai wi sabo bidigo te dagego doado bage tigidali wi sela pabo tiwai yaibao.

Gade chapit la Kopi




Bugagia Bidibo Kolesagade Po Asęai Buku 6:11
9 Referans Kwoze  

Te hagela bidigo te doado bage hauwa sabo homu wei yali, tiali goli agai me sogobeo. Tiali digi, te sę dene ebo bidi dabego da, te augwa homugo te doado bage hauwa sabo homu yaibao.


Augwaligo te tama tiyu, tama polo tama augwa doado bage tigidali te sia siyu, tama augwali te dwai mu te magi doado bage meni yai bidi pedelaibao. Awe, te nai wi sabo bidi dabego te augwaligo doado bage tigidali sela pai tiwai ąǫ ebo dao.


Te hagela bidigo te aga giba te nai wai bulainu te tǫ eligi pabo sę me egi pogobeo. Tama tialima, te nai inilama, te tau yai sabo sogo, teda aga te giba odolali mu pelama gegegi paibao.


Te nago sę ebo hagela eyu da, te nage magi nai meni yai bidi pedelaibao. Tiali goli, nago sę bomo yali da, teda nago doado bage hauwa elaluaibao.


Te bomai wę tulama, te gęǫ page ebo bidi te wabo pabo dabe, me te nai hauwa tubo bidi dabe da, te magi doado bage meni yai bidi mu pedelaibao. Te bidigo te nai tulama, te godege piyu naga eyu da, te pąde sogo tama digi te aga tigi mesegelibo te dwai ugwa badi naga elaluaibao. (16)


Te hagela bidi dabe te sesemane godege pila mudaibao. Te olo naga bidibo bidi da, teda te nai meniama, te nai sili bidaibao.


Te nage sesemane sogo godege pibo gedu magane idubaso da, te nage mone menia selama, tama nage magi doado bage meni yai bidi pedelaibao. Tiali goli, nage hogodama, sę ebaso da, te nago nai hauwa elaluaibao.


Te hagela bidi dabego te po wai, “Tagalao, da godege manu gana piaibao,” wali. “Da te dwasianu sogo naga toma nenama, tama da hodaluaibao,” wali.


Te bidi dabe augwaligo te tiwai po obao, Te bidi olo dugulalu, sę isąbo bidi da, aga te wabo pabo bidi tiwai ebao. Te agai bomo sia siyu, te aga isaibao.


Swiv nou:

Piblisite


Piblisite