Bugagia Bidibo Kolesagade Po Asęai Buku 6:1 - Godigo dwagi yai po buku

¹ Ogwao, te gasa bidigo me negeli sai madi, tama nago te negeli elalubo te wei ponaiba po dąų walama, te aga digi te wei ponabo usu isąbaso teyu da, teda nago te kolesaga te wiegi yai me ebeo.

Bugagia Bidibo Kolesagade Po Asęai Buku 6:1 Referans Kwoze

Bugagia Bidibo Kolesagade Po Asęai Buku 22:26

Te bidi me deligo negeli sabo sogo, te negeli sali bidi aga digi ponabo te usu isąbaso, te nago te negeli sali wei ponabo po dąų waligio.

Bugagia Bidibo Kolesagade Po Asęai Buku 17:18

Te homu kolesaga meni yai bidi dabe, augwaligo naga te gasa bidigo nai wei ponabo bidi usu meni ebaso, te gasa bidigo nai wei ponabo po dąų wabo dao.

Bugagia Bidibo Kolesagade Po Asęai Buku 11:15

Te bidi me deligo negeli sai madi, te aga digi te negeli wei begelabo usu isąbaso, tama nago te nai negeli sali wei ponabo po dąų walaibaso da, teda nosali te nage genuai sęgę elaluaibao. Tiali goli, te nage bugagia bidabo homu eyu da, nago te kolesaga tudiba muyu, gasa bidigo negeli wei ponabo po dąų wagio.

Bugagia Bidibo Kolesagade Po Asęai Buku 20:16

Te bidi me deligo te gasa bidigo negeli sali te wei ponaiba po dąų wai, te gasa bidi me aga usu isąbaso da, teda agai te wiegi yai kolesaga me ebeo. Tama tiyu, te bidi me deligo nage dali negeli sabo homu elama, tama nago koneani, agai te tobage po dąų obaso da, teda nago te agai nai me deli sabo po bomo eyu, te agai negeli sabo te wei ponabo dąį ilibo tiwai te sao.

Hibru 7:22

Tama tiyu tama dago koneai, te Godigo agai da tau somainogo eyu dąų wali po olama, tama Jisas da te Godigo dąų wali po du mu walobo sę ilabo bidi dao. Tama te we bidi tau sabo dąų wali gesi pogo te polobadu dąų wali po aiyaba mu elalubo dao.

Bugagia Bidibo Kolesagade Po Asęai Buku 27:13

Te bidi me deligo te gasa bidigo dali nai negeli wei ponaibao wai, te gasa bidigo wei ponabo usu meni baso da, teda agai wiegi yai kolesaga me ebeo. Tama te bidi me deligo nageba nai negeli sabo homu elama, tama nago koneani, agai te tobage dąų wabo po obaso da, teda nago bomo elama, te agai nai me deli siyu, te agai te negeli sali naide wei ponabo te sa mubo tiwai ebo nai sao.

Jopgo Po Asęani Elalubo Buku 17:3

God, ena digi eno nago po tų ebode ugwaba ela hologobeo. Bidi me deli bidibadi bogo ena pesage hasegelama, tama po tų ebode agai e tama omai, eno dwai sę me yai menio po omainu. Tama nosali da, eno dwai sę me ebo si da, teda te bidigo eno pesage selama, tama nage dali po tų dodolamainu. Te tobage kolesaga yabo bidi mu meni ena tau siyu. Tama tibaso, naga digi naga bidi gagalama, tama eno pesage sao.

Tigidali Nai Gagalama Nigali Side 43:9

Te ena digi eno aga tonaluaibao. Te eno aga nageba ma odasa asisąbaso da, teda te sę page enade elaluaibao, te ena e tǫde tigidali sogo bidibo usu nama tiaibao.

Bugagia Bidibo Kolesagade Po Asęai Buku 6:2

Nago te dąų walali pogo te naga digi kalabus ilibao, te naga digi kekelama, te muani wago te naga ma tola sabo tiwai gilama ebao.

Aisaia 2:6

Genuai Bidi, nago naga we bidi tudi ola mawai dao. Nago augwali Jekopgo wąį dabe tagalali. Magi baso meni. Augwaligo tǫ haniani pobigo pągąna pali, te Filistia bagego tǫ tiwai yali gilama. Augwaligo te dwai kolesaga dabe sia asobo badu sai dao. Megi da, nago we bidi hanigo gasa we bidi hanigo kolesaga wali pabo.