Bugagia Bidibo Kolesagade Po Asęai Buku 5:19 - Godigo dwagi yai po buku

¹⁹ Te gasa sawi yai mu ebao, tama agai kolesaga te wiegi yai mu da. Agai te nage wei mu ebao, tama sesemane sogo nago agaba homu kone palama, tama aga wei mu yao. Tama nago sesemane sogo te agai ame side wiegi yai pemene yao.

Bugagia Bidibo Kolesagade Po Asęai Buku 5:19 Referans Kwoze

Solomon 7:3

Nago ame si te wiegi yai bulu uni hasa si tiwai da, augwa idago augwali si deli sogo ame nani.

Solomon 2:9

Aga te umagia mu uda wali, te bomai bulu uni hasa me deli udabo tiwai yali. Aga aselama da, te be bulu badu dolagaselama, te be dedage windodu tomoba tonanio.

Solomon 8:14

Eno wiegi yai abagi da, eno homugo nage polo ma asomainu homu yali, te wiegi yai bulu uni hasa me deli tiwai te bulu du dabeba eda udada holu, te wiegi yai nai dabe denami pągąną pabo tiwai ebo dao.

Solomon 4:5

Nago ame si da, te wiegi yai bulu uni hasa sigo te plaua dabe tomode nosai tudubo tiwai elalubao.

Solomon 2:17

Te agai augwali tonalubadi, te giliga dega siguluboba usu nama, te bulu kedau ebo dao. Eno wiegi yai abagi, eno homugo nage polo ma asomainu homu ebao, te wiegi yai bulu uni hasa me deli te genuai bulu duba uga udada asobo tiwai ebo dao.

Bugagia Bidibo Kolesagade Po Asęai Buku 5:15

Nage te gasa bidigo ulu węba tugi pigio. Nage te naga we dali bugagia bidao, tama aga deli dali naga piao, te bidigo wę te aga ulu węde digi naga te wę tubo tiwai gilama yao.

2 Samuel 12:4

“Tiali goli, me sogo deli te mone hauwa elalubo bidi aga abagi aselama, te aga beba sabolagasali. Tialima, te mone bidigo te aga sipsipgo digi me deli elama, tama aga abagi ula maiabo homu me ebeo. Menio. Aga pelama, te magi doado bage meni yai bidigo sipsip sigi pelama, te elama, tama ulama, te aga abagigo tumainu yalio.”

Bugagia Bidibo Kolesagade Po Asęai Buku 5:20

Ogwao, nago te gasa bidigo weba homu kone eyu, tama nago te agai amede homu palamuo.