Bugagia Bidibo Kolesagade Po Asęai Buku 4:9 - Godigo dwagi yai po buku

⁹ Te wiegi yai homu kolesaga nago tobolude sawi yai au tiwai pedelama elalu, tama te kingo mubo wiegi yai madi tiwai elaluaibao,” ayago te po ola mani.

Bugagia Bidibo Kolesagade Po Asęai Buku 4:9 Referans Kwoze

Bugagia Bidibo Kolesagade Po Asęai Buku 1:9

Te augwaligo pogo nage te wiegi yai bidi pedalumainu ilaibao, te nago tobolude te wiegi yai sawi yai au tiwai elama, tama nago magede te sawi yai beli elalubo tiwai yaibao.

1 Pita 5:4

Tama dage te kibu sipsip tonalubo bidi dabe tiwai bidiyu, tama Krais aga te sipsip tonalubo bidi dabego tuni bidi mu tiwai dao. Tama aga ma asiyu hanilibo si, te sogo dagego te bomo yai ula saibao, te bomonama udayu nai sabo bidi agai te wiegi yai tobolu au yabo nai sabo tiwai. Tama agai au yabo nai osogo elaluyu dolai goli, te dagego sabo bomo yai ula te dolisiąbo nai mu dao.

Aisaia 28:5

Te sogo te Godigo we bidi hani dwasianu naga bidiyu da, teda augwaligo Tigidali Bomo Elalubo Genuai Bidiba wiegi yai homu yaibao. Genuai Bidi aga digi aga wiegi yai tuni bidigo madi tobolude bulai, me te wiegi yai plaua bono augwaligo tobolude mubo tiwai bidaibao.

Bugagia Bidibo Kolesagade Po Asęai Buku 16:31

Te bidi dabego te monu dabego ayadeba tobolu nisi sulama, tama augwa koneaibao, te monu dabe augwa te doloba pai kolesaga wali paligo tama augwa te tǫde sesabi elama bidibao. Tama tiyu, te augwaligo te genuai nogi augwaliba mabo dao.

Kraisgo Geme Dualali Sę Pedelabo Po Jonbolo Ola Mani 3:21

Niwai bidigo te dwai kolesaga ebo aiyaba elalubo bidi, te aga dali eno usu da weyu, aga te ena pąde duawaibao, te ena eno tuni bidigo duayabo madide duabo sogo. Te polobadu ena me te dwai kolesaga ebo aiyaba elaluama, tama ena Aya dali agai duabo sia sai te naide dugulalu bidibo dao. Te tiwai te bidi ena dali bidaibao.”

1 Pita 3:4

Te tobage au yabo nai te osogo naga elalubo nai dao. Dagego au yabo nai te gasagi yai mu dao. Te dagego homu kolesaga tomode geme dualali au yabo gasagi yai nai mu tedali elalubo dao. Tama dage nagamea pai homu eyu, dua bidabo kolesaga elalubaso, teda te gamonabo au yabo nai mu dao, tama Godigo gedude te wiegi yai dila pai nai mu dao.

Bugagia Bidibo Kolesagade Po Asęai Buku 3:22

Te wiegi yai homu ebogo, me te koneani homu kolesaga dali, tego nage ula mayu, tama nago wiegi yai au elalubo tiwai gilama yaibao.

Bugagia Bidibo Kolesagade Po Asęai Buku 4:10

Ogwao, nago eno po bugagia odoyu, wali pao, tama tiyu da, nage te tǫde sesabi elama bidaibao.

Te Israel me Juda Hani Sigo Tuni Bidigo Po Elalubo Buku Deli 3:13

Mu tama, nago enaba te genuai nogi me te mone hauwa saio wabo po me hanalubeo. Tiali goli, eno nagebolo te tigidali nai doado bage mawaibao, tama nage te king bidibo sogo te nago genuai nogi elalubo tiwai te gasa kingo te tiwai genuai nogi me elalugobeo.

Bugagia Bidibo Kolesagade Po Asęai Buku 14:18

Te dwasianu kolesaga koneai elalubo bidi dabego kolesaga, te kolesaga umawai bidigo kolesaga ebo tiwai yaibao. Tiali goli, te wiegi yai homu kolesaga koneani elalubo bidigo kolesaga te augwa tobolude te wiegi yai au tiwai elalubo dao.