Bugagia Bidibo Kolesagade Po Asęai Buku 4:8 - Godigo dwagi yai po buku

⁸ Nago te wiegi yai homu ebo kolesaga godolo homu elama, tama bomonama dąų ola weyu, tola selama, te agai nageba te genuai nogi mawaibao.

Bugagia Bidibo Kolesagade Po Asęai Buku 4:8 Referans Kwoze

Daniel 12:3

Te wiegi yai kolesaga koneai elaluai bidi dabe, te augwalide ula ebo te dagalu ula mu te hulide ebo tiwai yaibao. Augwaligo te we bidi hauwa te doloba pai kolesaga wali pomainu dodolali, tama augwa ula te sesemane elalu, te hǫ ula tiwai yaibao.

1 Samuel 2:30

Ena God, te dage Israel dabego Genuai Bidi, polobadu eno po nago wąį nǫų Aron dali po dąų walali, tama aga hani dali me, te augwali hani sesemane te pris sę iduaibao wai. Tiali goli, megi eno te dąų walali po hasegelaibao. Megi eno te tiwai po obao, te eno nogi ugwaba sabo bidi da, teda eno agaba genuai nogi mawaibao. Tama ena dali hagoma homu ebo bidi da, teda eno aga aiyaba mu elalueibao.”

Bugagia Bidibo Kolesagade Po Asęai Buku 3:35

Te we bidi dabego te wiegi yai homu elalubo bidi dabeba te genuai nogi mawaibao. Tiali goli, te wiegi yai homu kolesaga meni yai bidi dabego te augwa digi augwa nogi doloyu, moni hale yaibao.

Bugagia Bidibo Kolesagade Po Asęai Buku 22:4

Te nago naga digi naga aiyaba elaluama, te Genuai Bidide wi eyu, aga dologode bidibaso da, teda nago mone hauwa, me doado bage, me genuai nogi elalu, tama nage te bugagia bidaibao.

Solomon 2:6

Eno abagi wali bidigo agai pobase nogo eno tobolu dologoba aiyadu muani. Tama agai dolo nogogo, agai eno tigi tola salio.

Bugagia Bidibo Kolesagade Po Asęai Buku 3:16

Te wiegi yai homu ebo kolesagago te nage tau selama, tama nage te tǫde bobobage sogo sesabi elama bidaibao. Tama agai nageba genuai nogi mayu, tama nageba doado bage hauwa mawaibao.