Bugagia Bidibo Kolesagade Po Asęai Buku 4:3 - Godigo dwagi yai po buku

³ Te idago gasa wai me ame nabe, te ena deli naga, tama agai homugo ena godolo mu yali.

Bugagia Bidibo Kolesagade Po Asęai Buku 4:3 Referans Kwoze

Tuni Bidi Dabego Po Elalubo Buku Deli 22:5

Te Devit isisąbadi, agai te Genuai Bidigo be sę yabo nai hauwa sisinanio. Agai te tiwai po wali, “Eno ogwa, Solomon, aga te gesi ogwa bidi mu elalubaso, tama agai te be sę ebo kolesaga kuna konesąwai elalubao. Tiali goli eno homugo Solomongo te Genuai Bidigo be wiegi yai sawi yai mu sę emaina homu elama, tama te tigidali bulu tǫ kantri we bidi augwaligo sulama, te wiegi yai pemene genuai mu eyu, te Genuai Bidiba genuai nogi mawaibao. Tama tiyu, ena digi eno Solomongo te be sę yabo nai doado bage sisinaibao,” wali.

Polgo Po Pas Rom Dabeba Asęani 12:16

Dagego duga ama dede augwali dali deli homu tiwai elama, te duga digi dugade ebo homu tiwai augwali dali yao. Dagego homu dage genuai bidi bidabo homu me ilamuo. Menio. Dage te nogi meni yai olo we bidi dabe dali abagi homu eyu bidiąo. Dagego te homu elama duga digi te po me wagio, “Eno naga eno koneai bidi dao,” te po me wagio.

Tuni Bidi Dabego Po Elalubo Buku Deli 29:1

Tialima king Devitgo tigidali we bidiba te tiwai po wai, “Godigo eno ogwa Solomon dąį ilali, tiali goli aga gesi ogwa bidi mu elalubaso, te sę yabo kolesaga hauwa kuna konebeo. Te Genuai Bidi Godigo be sę ebo sę, te bidi dabe dago be sę eyu dua ebo tiwai sę gilama me egobeo. Menio, te genuai sę mu dao.

Sekaraia 12:10

Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.

Jeremaia 10:23

Genuai Bidi, eno koneani, te bidi dago dena bilibo tonalubo usu isąyu, te dena godolo homu ebo sunumi dabe wali painu ebaso, usu egobe dao.

Tuni Bidi Dabego Po Elalubo Buku Deli 3:5

Tama aga tede bididubadi, agai te ogwa Simea, me Sobap, me Natan, me Solomon ame nani. Te me si me si ogwa dabego augwa ida te Batseba, te Amielgo wegi dao.