Bugagia Bidibo Kolesagade Po Asęai Buku 4:23 - Godigo dwagi yai po buku

²³ Te nage bidabo wiegi yai ula dodolabo wiegi yai homu kolesaga, te naga homude pedelaibao, te wę te idu wę gomo pedalubo tiwai ebo dao. Tama tiyu, tigidali sogo nago te naga homude ebo te bugagia mu tonaluao.

Bugagia Bidibo Kolesagade Po Asęai Buku 4:23 Referans Kwoze

Dwagi Yai Gesi Po Lukgo Asęani 6:45

Sesani yai bono dilibide me bobi dabe togobo meni. Geswai bidigo aga homude pągąnalubo dwagi yai sę ebo dao. Dwai bidigo da, aga homude pągąnalubo dwai sę ebo dao. Bidi aga homude pągąnaluai po aga pedauwaligo wabo dao,” Jisasgo te po wali.

Bugagia Bidibo Kolesagade Po Asęai Buku 13:3

Te bidigo aga po te sali selasa wabo bidi yai baso da, teda aga bugagia bidiyu, tama aga me dologobeo. Tiali goli, te po hauwa dogia pabo bidi dabe da, te dolaibao.

Jeremaia 17:9

Genuai Bidigo te tama po wali, “Tigidali bidigo haligade tibo kolesaga sesemane yabo homu kone kone iduaibao. Bidigo homude dwai mu elalubo dao. Tama dego te page mu konegowe?

Matyu 15:19

Tama bidigo homu kolesagadu te haniani dwai sę ilabo homu pedalobo dao. Tama te tobage homu eyu, augwaligo po weyu, tama augwaligo te bidi ela mubo kolesaga me, te we sabo sę dolobo kolesaga me, te hale ilibo penani kolesaga dabe me, te nai wi sabo kolesaga me, te po tųde tibo po wabo kolesaga me, te bidi nogi posobo po wabo kolesaga me, te tobage dwai dwai sę ebo dao.

Bugagia Bidibo Kolesagade Po Asęai Buku 23:19

Eno ogwao, eno po odolama, tama wiegi yai homu kolesaga sao. Nago te naga biliboba bugagia homu kone palao.

Bugagia Bidibo Kolesagade Po Asęai Buku 28:26

Te bidigo te homu eyu, te aga koneani kolesagago digi te aga tau selama, te tigidali sę ebo usu yaiba homu yali da, teda agade te wiegi yai homu kolesaga me elalubeo. Tiali goli, te bidigo te wiegi yai homu ebo kolesaga wali pobaso da, teda aga bugagia mu bidaibao.

Dwagi Yai Gesi Po Makgo Asęani 14:38

Tama agai te augwali selabolo te po wai, “Dagego bugagia tonaludu, gedu haluasa po waiyąo. Tiyu te dage usu sabo naigo te dage gege asabuo. Mu tama, duga noma bidi dabe te dwagi yai sę yabo homu ebo dao. Tiali goli duga tigigo bomo sǫą pobao,” agai te po wai.

Bomai Po 4:9

Dagego bugagia tonaluiąo. Te dage tigidali sogo e tǫde bidiyu, dagego duga te suali te nai dabe munu me gegeda pelamuo. Te Godigo yali sę suali te duga homude mu dąų walao. Dagego duga wai dabe, me waigo wai dabeba pusa mayu,

Hibru 12:15

Te ama me deli tula muyu tama Godigo te olo tau siyu mabo kolesaga tagalidali weyu dagego bugagia tonaluao. Tama tiyu dage tomode pedalobo ama me deli aga te ha ebo nedu du tiwai walama, tama dagebolo sęgę menama, tama dage God gedude meda yai pedelabuo.

Bugagia Bidibo Kolesagade Po Asęai Buku 4:7

Te polasa nago sabo nai, te wiegi yai homu ebo kolesaga. Mu tama, te nago gasa nai hauwa sainu ebadi, tiali goli wiegi yai homu kolesaga da, te polalubo hasia nai mu dao.

Bugagia Bidibo Kolesagade Po Asęai Buku 3:21

Wai, nago te bugagia tonalu, te nago naga wiegi yai homu kolesaga, me koneani kolesaga te bugagia dąų olama, tolaluao. Tiyu, nago tagalabuo.

Bugagia Bidibo Kolesagade Po Asęai Buku 22:5

Te bidi tulalu, tama te dolobo tobage nai dabe, te dwai kolesaga ebo bidi dabego sunumide elalubao. Te bidi bugagia bidabo homu ebaso da, aga bilibo te bugagia tonalu, tama te tobage dwai nai dabe ela somainu yao.

Bugagia Bidibo Kolesagade Po Asęai Buku 11:16

Te gasa we bidi tau sabo kolesaga ebo we dabe, augwali te we bidi dabego gedude genuai nogi elalubo dao. Tiali goli, te gasa we bidi dali homu dene isiąbo bidi dabego te mone hauwa siyu te doado bage naga sabo homu ebo dao.

Kolesaga Koneai Bidigo Pusali Po Elalubo Buku 5:13

Eno suali, e tǫde dwai kolesaga mu me deli elalubao. Te kolesaga e tiwai dao. Bidi me deligo aga mena nai godolo homu mu aiyaba elaluama, te nai dabe me abeligobeo. Menio. Agai aga mone bugagia mu sabodu tonalubo dao.

Matyu 15:18

Tiali goli te po pedauwalide bidama tama te buluba asobo, te po te bidigo homu kolesagadu pedalobo dao. Tama te pogo naga te bidi meda ilibo dao, tebogo aga Godigo gedude dwai bidi ilibo dao.

Te Israel me Juda Hani Sigo Tuni Bidigo Po Elalubo Buku Si 10:31

Tama me te Jehugo te Israel bidi dabego Genuai Bidi Godigo te tigidali bomai po te agai bugagia bomo elama, wali pabe. Menio. Agai te king Jeroboamgo yali kolesagadu wali pali, te kingo te polobadu agai te Israel hani augwali kegelama, te augwaligo te dwai sęgę ebo kolesaga yai.

Bugagia Bidibo Kolesagade Po Asęai Buku 16:17

Te doloba pai hani bidigo te dwai kolesaga ela soabo sunumi wali paibao. Te bidigo aga bilibo te bugagia tonalu bilibaso da, te aga bugagia bidaibao.