Bugagia Bidibo Kolesagade Po Asęai Buku 4:2 - Godigo dwagi yai po buku

² Te eno nagebolo mabo po, te wiegi yai mu, tama tibaso, dagego munu me sąnamu dao.

Bugagia Bidibo Kolesagade Po Asęai Buku 4:2 Referans Kwoze

2 Timoti 4:6

Nago te eno megi asęani po te dago ama dedebolo mobaso da, teda nage te Jisasgo wiegi yai sę bidi bidaibao. Tama tiyu, te konealubo pode me, te nago wali pabo tigidali wiegi yai kolesaga ola mabo po me, te po side nago genuai bomo bugagia sidu bideibao.

Bomai Po 32:2

Eno pogo te dage we bidi bugagia sę mu ilaibao, te tulubage tulama, tama te nosai dabe bugagia holobo tiwai yaibao. Eno pogo da, te tulubage tulama, tama te tubo nai dabe hogodo gesi ma holama, dila pelama, tama genuai ebo tiwai yaibao.

Taitus 1:9

Te Godigo po da te wiegi yai tulalusiąbo po dao, tama te Godigo we bidi tonalubo bidi agai te po odolama, tama agai te po aga homugo dąų wao. Tama tiyu da, teda agai te ola mabo pogo te gasa we bidi tau siyu, augwaligo homu bomo ilibo usu yaibao. Me ma, agai te po sela sąbo bidi dabe dali po miyu, tama augwaligo te pode geda muani kolesaga agai augwalibolo ola mabo usu yaibao.

Jopgo Po Asęani Elalubo Buku 33:3

Tama eno te pusubo pogo nage e tama megi ola mawaibao. Ena Godigo gedude doloba pai bidi dao. Tama eno homude yali po dolo naga pusubo dao.”

Jopgo Po Asęani Elalubo Buku 11:4

Nago te po wali, nago te pusali po dabe sese dwagi yai po mu naga dao wali. Me ma, nago te po wali, nago sęgę me dwai kolesaga Godigo gedude menio po wali.

Tuni Bidi Dabego Po Elalubo Buku Si 7:19

“Tiali goli dage Israel dabego eno bomai po me eno gasa po dabe wali pisąma, dagego tibo godiba lotu po olama wali peyu ebaso da,

Tuni Bidi Dabego Po Elalubo Buku Deli 28:9

“Tialima nage Solomon, eno ogwa da, eno te tiwai bomai po nageba obao. Nago homu kolesaga deli naga elaluao, te naga ayago God dologode bidao. Te nago agai homu wali pabo sę bomo mu yao. Nago te tiwai yao, magi baso meni, Genuai Bidigo dago homude magi homu te tigidali agai koneaibao. Te nago agai godolo yabo kolesaga wali pabo sę bomo ebo kolesaga sobaso da, teda te nago aga bugagia konemainu yaibao. Tiali goli nago aga tudiba mubaso da, teda agai nage sela sąnama, te sesemane sogo agai nage tudiba mueibao.

Godigo Nogi Ugwaba Sabo Tęąbi Po Wabo Buku Dabe 119:87

Pąde tama te augwaligo ena ela mueinu yai. Tiali goli, te eno nago bomo yai po tagala homu me ebeo.

Bugagia Bidibo Kolesagade Po Asęai Buku 3:1

Waio, eno nage ola mawainu ebao, tama nago homude te po munu me tagaligio. Menio. Te sesemane sogo nago bugagia homu kone palao.

Jeremaia 35:8

Tama sesemane sogo dago te po tigidali wali paibao, dena wąį nǫų Jonadapgo dabolo mawai. Dago dali, te we wai dabego me, dago te wain tubo menio.