Bugagia Bidibo Kolesagade Po Asęai Buku 4:16 - Godigo dwagi yai po buku

¹⁶ Magi baso meni. Te dwai sę ebo bidi dabego te dwai sę me isąbadi da, teda augwali me pigobeo. Te augwali gasa bidiba te dwai sę bolo elama da, teda augwali te bugagia pibaso usu ebo dao.

Bugagia Bidibo Kolesagade Po Asęai Buku 4:16 Referans Kwoze

Godigo Nogi Ugwaba Sabo Tęąbi Po Wabo Buku Dabe 36:4

Aga te betide pila mudu, tama te dwai sę yabo kolesaga te homu kone paludaibao. Agai te dwai sę ebo sunumi naga wali pidu, tama te dwai sę ebo kolesaga tudiba me mugobeo.

Maika 2:1

Te dage dwai kolesaga yabo homu ebo bidi, te hobede ya, te dage dolaibao! Dage te hulide godege me pisąma, dagego te dwai kolesaga yabo homu naga eyu, te kigamu mu dage hodaluama, te sę ebo dao, magi baso meni, dagego te sunumi gegali dao.

Aisaia 57:20

Tiali goli, te dwai kolesaga ebo we bidi dabego, augwa te dwai kolesaga ebo me tagalogobeo. Augwali te tamu ąį sesemane sogo dinigo te haniani pobele bage me dwai nai sela asu, te nambis dolagasobo tiwai ebo dao.” Genuai Bidigo te po wai.

2 Pita 2:14

Tama augwaligo gedugo te we dabe sibi sesemane sogo tonono eyu te penani yainogo, tama augwaligo te dwai kolesaga ebo tagalogobeo. Mu menio. Augwaligo te homu bomo meni yai bidi dabe augwali te sę emainogo homu begelama, tama augwaligo te dwai sęgę sabo kolesaga yai. Te augwaligo gasa bidigo nai sabo pesą ebo kolesaga konea sai dao. Tama Godigo te bidi dabe augwali mu dolaibao.

Bugagia Bidibo Kolesagade Po Asęai Buku 1:16

Te tobage bidi dabego te dwai sę ebo wei mu elama, tama te bidi ela mubao. Augwa te tiwai sę sesemane polo idu, tama augwa toma me nogobeo.

Dwagi Yai Gesi Po Lukgo Asęani 22:66

Te nosali te giliga pedelai, tama te Israel bidi hani tobolu bidi dabe dali, te pris tobolu bidi dabe me, te Juda dabego bomo yai po page koneani bidi dabe me, augwali tigidali sisinai, tama augwaligo po kaunsil bidigo po wabo gilama, te po wainogo yai. Tama te Jisas tonalubo bage augwaligo Jisas kaunsil geduba odasa pai. Te kaunsil dabe augwaligo te po wai,

Dwagi Yai Gesi Po Jongo Asęani 18:28

Te be tama posobadi, tama augwaligo Jisas ma selama, te bidi Kaiafas agai be tagalama, tama augwaligo Jisas te gavman tuni bidigo beba sela pai. Tama te beba sabolama, tama te Juda bage augwali digi te gavman tuni bidigo be tomoba pabeo. Te gavman bidi te Juda hani isąwai bidi bidibaso, te Juda dabe aga be tomoba pabeo. Te habu selali bolidali weyu, tama augwali te be bulu badu bidali. Augwaligo te homu yai, te habu selali bolisiąbadi, dago te Pasova nai tueibao, te homu yai.

Bugagia Bidibo Kolesagade Po Asęai Buku 4:15

Nago te sunumi mu ela solama, tama te digibulu mu bidigi pao

Maika 7:3

Augwaligo te dwai sę ebo kolesaga mu koneani. Te ofisa dabego me jas dabego te bidi dabeba i weyu, te augwaliba te mone menama, te po tų dolainu ebo dao. Augwaligo deli homu ebo dao. Te genuai nogi elalubo bidi dabego te jas dabeba te homu wei godolo ebo po obaso, te po tų doloyu, te jas dabego te bidi dabego wabo po wali peyu ebo dao.

Godigo Nogi Ugwaba Sabo Tęąbi Po Wabo Buku Dabe 36:3

Sesemane sogo agai te dwai sę yabo po, me te gasa bidi tibo po ola mabo po weyu yaibao. Agai te wiegi yai kolesaga yabo homu te agade me elalubo menio.

Bugagia Bidibo Kolesagade Po Asęai Buku 2:14

Augwaligo te haniani dwai kolesaga ebode te wiegi yai homu pemene yaibao.

Jeremaia 9:4

“Dage we bidigo te duga abagi dabede bugagia osola suao, tiyu augwaligo dageba posobo po wabuo. Te duga ama dabego poba homu kęą pigio, magi baso meni, tigidali amago te gaga munubo sę te Jekopgo yali tiwai ebo dao.

Godigo Sęba Tagala Palai Bidigo Po 24:7

Tiali goli, te ami hani tobolu bidi nogi Lisias aga dali te enesigi bidi dali aselama, augwaligo te bidi dago nogode bomo mu elama, dobawai dao.