Bugagia Bidibo Kolesagade Po Asęai Buku 4:10 - Godigo dwagi yai po buku

¹⁰ Ogwao, nago eno po bugagia odoyu, wali pao, tama tiyu da, nage te tǫde sesabi elama bidaibao.

Bugagia Bidibo Kolesagade Po Asęai Buku 4:10 Referans Kwoze

1 Tesalonaika 2:13

Tama tibaso, sesemane sogo dago Godibolo gedu haluasa po weyu, dago nage usu dao po wabo dao. Magi basowe? Polobadu Godigo po dago pedauwalide wabo po dagego odai. Tama te po odama, tama te olo bidigo po dao homu eyu, dagego te po sai menio. Te meni. Te po Godigo po mu dao. Tama dagego te po odoyu, dagego te homu yai, awe, te Godigo po mu dao. Tama te pogo te Godibolo konealubo po dąų wabo bidigo homu kolesagade sę bomo mu ebo dao. Te Judia tǫde bidibo we bidi meba augwali Godigo we bidi hani mu dao. Augwali te Jisas Kraisde homu dąų wali we bidi dao.

Bugagia Bidibo Kolesagade Po Asęai Buku 3:2

Nago te po wali peyu da, te nage bobobage sogo sesabi elama tǫde bididu, tama nage bugagia mu dualalu bidaibao.

Bomai Po 6:2

Dage tigidali sogo tǫde bidiyu da, dage me, duga wai nosali pedalobo te wai dabego me, tigidali sogo God dago Genuai Bidi dologode naga elaluao. Tama dagego agai bomai po tigidali wali piąo, eno megi dagebolo te mobao. Tama tiyu da, dage tǫde bobobage sogo mu bidaibao.

Jeremaia 9:20

Dage Jerusalem we dabe, Genuai Bidigo po enaba dageba po pusao wali, tama dagego agai poba olo bugagia muao. Dagego duga wegi dabeba te hobede ebo tęąbi wabo kolesaga ola mao. Tama dage we deli deligo te hobede ebo tęąbi wabo kolesaga te gasa we dabeba ola mao.

Bugagia Bidibo Kolesagade Po Asęai Buku 3:16

Te wiegi yai homu ebo kolesagago te nage tau selama, tama nage te tǫde bobobage sogo sesabi elama bidaibao. Tama agai nageba genuai nogi mayu, tama nageba doado bage hauwa mawaibao.

2 Timoti 1:15

E konealubo po te mu po dao, tama tigidali we bidi e po odama augwaligo homugo mu dąų omainao: Krais Jisas te tǫba dulali, te tǫde dwai sę ebo we bidi dabe ma dobola sainogo asali. Awe, te mu po dao, tama te hasia polasa dwai sę yali bidi te ena digi tama e dao, eno yali dwai sę te gasa bagego dwai sę aiyaba elaluali.

Bugagia Bidibo Kolesagade Po Asęai Buku 8:10

Te eno dagebolo te dage wiegi yai koneabo kolesaga ola momainu eyu, dagego te usu da po wao, magi baso meni, te eno mobo mabo pogo te wiegi yai silva me gol aiyaba elalubo dao.”

Bugagia Bidibo Kolesagade Po Asęai Buku 19:20

Te bidigo nage ola momainu eyu, tama nago te wiegi yai homu kolesaga momainogo eyu da, teda nosali nago te wiegi yai homu koneani kolesaga me elaluaibao.

Bugagia Bidibo Kolesagade Po Asęai Buku 2:1

Wai, nago eno po odama, tama naga homuba bugagia muao.

Jopgo Po Asęani Elalubo Buku 22:22

Nago agai nage mawainu ebo kolesaga po nago tigidali sao. Tama agai po nago homude bugagia mu muao.

Bomai Po 5:16

“‘Dage duga ida aya dologode elaluyu, tama augwaligo po wali piąo, te ena God, dagego Genuai Bidi, eno dagebolo wabo yali gilama. Tialima, dagego te tama sę eyu da, teda dagede tigidali sę wiegi yai mu pedelaibao. Tama dage eno megi te mabo te tǫde dage bobobage sogo mu bidaibao,’ wali.”

Bomai Po 11:21

Tialima, dagego tama tiyu da, teda dage me duga wai dabe dage bobobage sogo mu God dago Genuai Bidigo dago wąįbolo mawaibao wali te tǫde dage bobobage sogo mu bidaibao. Dage te tǫ tigidali sogo bidaibao, te dagalu te tǫ ugwadu tigidali sogo elaluaibao tiwai tigidali sogo bidaibao,” wali.