Bugagia Bidibo Kolesagade Po Asęai Buku 4:1 - Godigo dwagi yai po buku

¹ Te wai dabe o, dagego te duga aya eno po bugagia odao. Olo bugagia mubaso da, te dagego wiegi yai homu kolesaga saibao.

Bugagia Bidibo Kolesagade Po Asęai Buku 4:1 Referans Kwoze

Hibru 2:1

Te Godigo Ogwago genuai nogigo te ensel mobo bidi dabego nogi aiyaba elalualigo da, teda dago te dago odali mu po tagalaidali weyu, dago ma bomonama tama te odali po homugo bugagia dąų ola sao.

Godigo Nogi Ugwaba Sabo Tęąbi Po Wabo Buku Dabe 34:11

Te dage konea sabo homu ebo bage, dage aselama, tama eno poba olo bugagia muagasao. Eno dage ola menama, tama dage te Genuai Bidi dali wi eyu, aga dologode sesemane bidimainu yaibao.

Bugagia Bidibo Kolesagade Po Asęai Buku 1:8

Ogwa o, nago te naga ayago mobo mabo po odolama, tama nago idago po me sela sągio.

Bugagia Bidibo Kolesagade Po Asęai Buku 22:17

Megi eno nagebolo te wiegi yai homu kolesaga koneai bidi dabe dalubo po nageba ola mawainu ebao. Nago homu te poba bugagia munama, tama tede bugagia homu kone palao.

Bugagia Bidibo Kolesagade Po Asęai Buku 5:1

Ogwa, te eno mobo mabo poba olo bugagia muao. Eno te wiegi yai homu me kolesaga nageba mawainu ebao.

Bugagia Bidibo Kolesagade Po Asęai Buku 19:20

Te bidigo nage ola momainu eyu, tama nago te wiegi yai homu kolesaga momainogo eyu da, teda nosali nago te wiegi yai homu koneani kolesaga me elaluaibao.

Bugagia Bidibo Kolesagade Po Asęai Buku 7:4

Te wiegi yai koneani homu kolesaga te nage dali sesemane bidimainao, te nago abe mu tiwai, ma abagi mu tiwai elalumainu yao.

Bugagia Bidibo Kolesagade Po Asęai Buku 1:2

Te wiegi yai pogo agai dabolo te wiegi yai homu kolesaga mayu, te dabolo te tigidali sę bugagia dolo mu naga ebo kolesaga ola mawaibao. Tama dago te nai dabede po page odobaso da, teda dago te tobage po page elalubo te koneaibao.

Jeremaia 35:8

Tama sesemane sogo dago te po tigidali wali paibao, dena wąį nǫų Jonadapgo dabolo mawai. Dago dali, te we wai dabego me, dago te wain tubo menio.

Tigidali Nai Gagalama Nigali Side 49:2

Aselama, hodobo duayagasao, dage te Jekopgo ogomani, tama bugagia odiąo. Dagego duga aya Israelgo po bugagia odao.

Bugagia Bidibo Kolesagade Po Asęai Buku 13:1

Te wiegi yai homu kolesaga elalubo waigo da, agai te aga ayago po odaibao. Tiali goli, hagoma homu ebo bidigo da, te gasa bidigo aga dodolobo kolesaga ebo te aga homude hagela homu ebo dao.