Bugagia Bidibo Kolesagade Po Asęai Buku 30:7 - Godigo dwagi yai po buku

⁷ “God, eno te nai si po nageba hanaluabo homu ebao, tama eno homugo nago enabolo momainu homu ebao, te ena tǫde bidibo tigidali sogo

Bugagia Bidibo Kolesagade Po Asęai Buku 30:7 Referans Kwoze

Dwagi Yai Gesi Po Lukgo Asęani 10:42

Tiali goli, sęgę yai nai deli mu te elalubao. Tama Mariago homugo te saiba homu yali te segąį nai te saleao. Mego me dobagobeo,” Jisasgo te po wai

Godigo Nogi Ugwaba Sabo Tęąbi Po Wabo Buku Dabe 27:4

Eno te nai me delide naga te Godiba hanalu wali, tama eno homugo agai te tama sę emainu homu yali. Eno agaba te tama po hanalu wali, te ena bidibo ula elalubo sogo ena te agai bede tigidali sogo bidainogo yai. Te agai enaba wiegi yai homu bugagia ebaso, te eno wiegi yai homu pemene agaba yaibao. Tama eno agaba hanalu, te enaba wiegi yai sunumi ola momainu homu ebo dao.

Te Israel me Juda Hani Sigo Tuni Bidigo Po Elalubo Buku Si 2:9

Augwa si peyu, tama te Elaijago te aga sabi Elisabolo e tiwai po tama wai, “Pąde tama megi Genuai Bidigo ena saibao,” wali, “tama eno nage taga paibao. Tama tibaso, nago homugo eno nage magi naigo nagebolo hasia tau sagawe?” wali. Elisago te po wei ponoyu, e tiwai po tama wai, “Nago te Godigo bomo mu selama, tama nage te profet sę yai dao. Tama eno homugo nago te sę yali bomo ena mao,” wali, “te ayago aga gomunai ogwa umabo nai mabo kolesaga tiwai gilama yao. Tama eno te nago bidali madigi bidiyu, te usu nama, tama te profet sę yaio,” wali.

Godigo Nogi Ugwaba Sabo Tęąbi Po Wabo Buku Dabe 21:2

Te agai wei eyu sainu yali nai, nago agaba manio. Awe, agai nageba hanalu wali nai, nago te agaba mani.

Bugagia Bidibo Kolesagade Po Asęai Buku 30:6

Naga po digi nago te po weyu, te po te Godigo po dao me wagio. Tiyu, agai nage wado iliyu, tama nosali tigidali we bidigo koneyu, nage te tibo po wabo bidi da po wabuo,” wali.

Bugagia Bidibo Kolesagade Po Asęai Buku 30:8

nago ena tau somainu eyu, tama eno te tobage tibo po wabo kolesaga dabe te tudiba munama, tama nago ena te mone hauwa elalubo bidi pedalumainu eyu, ma te magi nai meni ebo bidi tiwai pedalumainu eyu me egio. Menio. Nago te ena usu nama nai tama mobaso, te usu dao.