Bugagia Bidibo Kolesagade Po Asęai Buku 30:4 - Godigo dwagi yai po buku

⁴ De te dagaluba ugwa holama, te tǫba aiya ma dulaliwe? Tama dego te asobo wali te nogogo tola saliwe? Tama dego te pǫde wę muani, te bidigo nai me deli te name ugwade munama, tama halubo tiwai yaliwe? Dego te tǫ habu ununani tigidali dąų walama, tama megi tǫ elalubawe? Aga nogi, me aga ogwago nogi de dawe? Te nago koneba, agawe?”

Bugagia Bidibo Kolesagade Po Asęai Buku 30:4 Referans Kwoze

Dwagi Yai Gesi Po Jongo Asęani 3:13

Gasa bidi me te Godigo bidibo madigiba me holobeo. Ena da Godigo Bidi Mu da, tama ena naga te dagalu tagalama, e tǫba dulai, enaduba deli digio.

Jopgo Po Asęani Elalubo Buku 26:8

Godigo te wę dabe te agai pǫgo bea selama, elalubo dao. Te wę sęgę mu ebo dao. Tiali goli, wę sęgęgo te pǫ alua sabo menio.

Aisaia 9:6

Magi baso meni. Ogwa me ame neyu, daba polo sabolali. Te wai me deli Godigo dabolo mani. Aga dago tuni bidi bidaibao. Tama agai tama nogi dabe elaluaibao, te Dwagi Yai Kolesaga Mu Mabo Bidi dao, tama God Tigidali Bom o Elalubo Bidi, tama Tigidali Sogo Bida Bida Pidu Bidibo Aya, tama Bugagia Bidibo Page Sela Mayu, me Tabi Nagame Ilibo Tuni Bidi. Agai te tobage nogi dabe elaluaibao.

Aisaia 7:14

Teda Genuai Bidi aga digi dage bomo yai sę me deli ola mawaibao. Te sę da e tama tiwai dao. Te gesi wegi me tabi elama, tama agai ogwa ame naibao, tama agai nogi Emanuel poaibao.

Bomai Po 30:12

Te po te ogwa dagalude me elalubeo. Tama ‘Te niwai bidi dagaluba holama, te bomai po sela dulubaso, dago te po odama, wali paibawe?’ te tama po dagego me hanalu obaso, usu egobeo.

Kraisgo Geme Dualali Sę Pedelabo Po Jonbolo Ola Mani 19:12

Tama te gasa nogi te “Mu po naga wabo bidi.” Tama agai gedu te sia bogoli ebo tiwai yali, tama agai tobolude te tuni bidigo mubo wiegi yai madi hauwa muai elaluai. Tama agai tigide po me deli asęai elaluali, te aga nogi dao. Te agaduba deligo naga te nogi page koneani, tama gasa bidi dabe augwaligo te nogi me konebeo.

Polgo Po Pas Rom Dabeba Asęani 10:6

Tiali goli te bidigo Godide konealubo po dąų obaso tama Godigo aga doloba pai bidi nogi wabo kolesaga, te kolesagade augwaligo polobadu tama asęani, “Nago naga homude te po olamuo, ‘Te agai dabolo Godigo po pusumainogo, te Krais edaba sela dulamainogo eyu, de te dagaluba pogowe,’ te po olamuo,” te po asęani.

Bomai Po 28:58

“Te dagego Godigo tigidali po e bukude elalubo te po dabe sese bugagia wali pelama, tama dagego Genuai Bidi dago Godigo nogi bugagia ugwaba sela musiąwani da, te tama tiaibao.

Aisaia 53:8

Augwaligo aga odolali mu kalabus elama, te aga po tų odoboba odasa pali, te po tųde aga isimainao po wai. Te augwaligo aga ela muai. Tama tibaso, aga nosali pedelabo hani we bidi me pedalugobeo. Agai te eno we bidi dabego pesage siyu, hasegelama, te augwa digi tolabo sęgę te agai tolama, te augwaligo yali dwai sęgę dodoliyu, te aga isai dao.

Godigo Nogi Ugwaba Sabo Tęąbi Po Wabo Buku Dabe 68:18

God te ugwanu mu yai bulu duba holama, tama agai te kalabus bidi hauwa sela pai. Agai te hagoma ebo bidi dabego te aga dali hwįani bagego nogode te haniani wiegi yai nai sela peyu, aga dali pali. God, Genuai Bidi, te bulu dude bidaibao.

Godigo Nogi Ugwaba Sabo Tęąbi Po Wabo Buku Dabe 2:7

God Genuai Bidigo sa muani kingo te po wali, “Megi da, eno te Genuai Bidigo enabolo mani po pusubao. Agai enaba te po wai, ‘Nage eno wai dao. Megi tama nage te king bidi pedalubo sogo, ena te nago aya pedalubao.

Ma Dobola Sali 6:3

Polobadu kibu be hauwa ena te Abraham, Aisak, Jekop, te bageba pedelali, te augwaligo koneai, ena te Tigidali Bomo Elalubo God dao. Tiali goli, eno te tama po augwali dali wabe, Genuai Bidi Yawe te eno nogi da, te po wagi sogo da, teda te nogi page augwaligo konegi dao.

Te Israel Tobolu Bidi Dabe 13:18

Tama enselgo te po wali, “Magi baso te dagego eno nogi koneainogowe? Te eno nogide te we bidi homu hauwa eyu, noma siyu ilaibao,” wali.

Dwagi Yai Gesi Po Lukgo Asęani 10:22

Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deli agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.

Matyu 11:27

Te we bidibolo Jisasgo te po wai, “Eno Aya agai tigidali nai eno nogoba muai dao. Tama niwai bidi me deli agai te Ogwa mu konea silai menio. Aya agaduba deligo naga te Ogwa konea silai dao. Tama niwai bidi me deligo agai te Aya me konea silai menio. Ogwago naga konea silai dao, tama te we bidi dabebolo te Ogwa aga digi te Aya augwalibolo ola mobaso da, te augwaligo me te Aya konea silaibao,” wali.

Jeremaia 23:6

Te aga king bidibo sogo, te Juda dabe me Israel dabede te sęgę mu meni yaibao. Te eno augwali ma selama, te augwali bugagia bidaibao. Tama augwa te king nogi te tiwai waibao, Genuai Bidi aga te dago doloba pai kolesaga ebo page bidi da, waibao,” te po wai dao.

Godigo Nogi Ugwaba Sabo Tęąbi Po Wabo Buku Dabe 24:2

Magi baso meni, agai tǫ ugwadu nigai, tama ąį aiyadu mu elalubo dao. Tama agai tǫ page tamu ąį tomode nigai.

Godigo Nogi Ugwaba Sabo Tęąbi Po Wabo Buku Dabe 22:27

Te tǫde tigidali we bidigo augwaligo te Godiba homu koneama, tama augwa agaba ma asaibao. Te tigidali hani we bidi dabe augwaligo kidu sugunama, agaba lotu waibao.

Tigidali Nai Gagalama Nigali Side 32:29

Tama Jekopgo te po wai, “Ae, nago nogi po enabolo wao,” te po wai. Tiali goli, agai te po wei ponani, “Magi baso nago enabolo eno nogi po hanalubawe?” Tama agai Jekopbolo te aga dali dwagi yai sę pedelabo po mawai.

Ma Dobola Sali 15:10

“Tiali goli nago mobo deli sogo naga ponani, tama tamu ąįgo Isip dabe mesega sai. Tama augwali aiyaba tomoba mu te tamu wę tomoba masigi dulubo tiwai yai.”

Godigo Nogi Ugwaba Sabo Tęąbi Po Wabo Buku Dabe 135:7

Agai te tulubage tulubo pǫ te tigidali tǫ badu pedalumainu elama, tama be sele te tulubage dali pedalumainu ebo dao, tama te wali hodolama, te tedela palobo dao.

Aisaia 45:18

Genuai Bidi naga te God. Agai te dagalu dali, tǫ dali si nigali bomo mu pedelali. Agai te tǫ olo elalumainu nigibeo. Menio. Agai te tǫ page bugagia dodolama, tama tigidali nai tede elalumainu nigali. Agai te tiwai po obao, “Enaduba deli naga ena Genuai Bidi, te gasa god munu me bidibeo.

Jopgo Po Asęani Elalubo Buku 11:7

“Nago homugo nago tigidali dwagi yai kolesaga dabe nago saiba weyu obawe? Tama te Godigo homu kolesaga dali, te bomo dali si nago usu nugi pelama, tama nago agai bomo dali usu nigi paibawe?

Jopgo Po Asęani Elalubo Buku 11:8

Godigo homu kolesaga da, ugwanu mu dao. Te dagalu ugwanu mu elalubo tiwai mu dao. Tama aiyanu mu dao, te isibo bidigo bulu edelama, mu elalubo bidi dao. Godigo kolesagago yaide e tǫ edelama, bobobage mu elalubo dao. Tama genuai mu elama, tama tamu ąį dąį edelama mu elalubo dao. Tama nago mena tama tilama, agai homu kolesaga dali, agai bomai kolesaga dali si gegelama, sueibawe?