Bugagia Bidibo Kolesagade Po Asęai Buku 30:22 - Godigo dwagi yai po buku

²² Te kolesaga dabe te tama telalubao. Te olo sę bidigo aga te king pedalubo sogo ebo kolesaga me, tama te homu kolesaga menisąwai bidigo te aga nai hauwa tubo sogo ebo kolesaga me,

Bugagia Bidibo Kolesagade Po Asęai Buku 30:22 Referans Kwoze

Bugagia Bidibo Kolesagade Po Asęai Buku 19:10

Te wiegi yai homu elalusiąbo bidi bidibo, te tiali goli agai te mone hauwa elalubaso da, teda te dolo ebeo. Tiali goli, te olo sę ebo bidi te tobolu bidi pedelama, tama te genuai nogi elalubo bidi dabe tonalubaso da, teda te dwai mu ebao.

Kolesaga Koneai Bidigo Pusali Po Elalubo Buku 10:7

Tama me eno suali, te olo sę ebo bidi dabe te hos kibu daide ugadu dugulasa pabo suali, tiali goli te genuai bidi dabe te sągągo pali, te olo sę ebo bidi dabe pabo tiwai yali.

Bugagia Bidibo Kolesagade Po Asęai Buku 28:3

Te bidi me deli aga te doado bage sǫą pobaso, tama agai te magi nai doado bage meni yai bidi dabe aiyaba elalubaso da, te da te genuai dwai tulubagego te gide nai dabe dolobo tiwai ebo dao.

1 Samuel 30:16

Tama te Isip bidigo Devit te Amalek dabeba sela pali. Te Amalek dabe te tǫ pedai badu digi bidalu, tama augwa te genuai nai daa tubo sę eyu bidali, magi baso meni, augwaligo te Filistia dabede me te Juda dabego tǫde me, te doado bage hauwa umabo mu sali.

1 Samuel 25:25

Tama nago te Nabalgo poba homu kone me palamuo, magi baso meni, te aga kolesaga dwai mu yali. Te aga nogi page te tiwai, kolesaga geda mubo bidi da. Tama aga kolesaga te deli tigi poai tiwai naga yali. Tama genuai bidio, ena digi eno te nago tagala palali gesi bidi te eno me subeo. Mu menio.

Bugagia Bidibo Kolesagade Po Asęai Buku 30:21

“Te kolesaga sela, woo, te me si me si te tǫde pedelama elalubao. Te kolesaga dabe te dwai mu elama, tama te tǫ aga digi te kolesaga dabe wei isiąbo homu elama, tama te didibili umabo mu ebao.

Bugagia Bidibo Kolesagade Po Asęai Buku 30:23

tama te bidi me deligo te we bidi dabego wei menisąwai we siyu, te we aga dali bidibo kolesaga ebo, tama te sę ebo wego te aga tonaluali wego sę yali pesage hasegelama sabo sogo ebo kolesaga, te tama telalubao.”

1 Samuel 25:2

Te Maon taun bidi me deli, te aga nogi Nabal bidali. Aga te Kalep hani bidi. Tama agai tǫ pedai me deli te Karmel taun elaluali. Aga te mone hauwa elalubo bidi mu, tama agai sipsip te 3,000 elaluai, me 1,000 meme dali elaluali. Aga we, te Abigel, aga te wiegi yai sawi yai we mu, tama aga wiegi yai homu kolesaga hauwa koneai elaluali. Tiali goli, Nabal te wado po wabo bidi, tama aga kolesaga te wiegi yai elalusiąwai. Te sogo Nabal te Karmel taunde bidiyu, tama augwaligo te agai sipsip nisi dabe togobo sę iduai.