Bugagia Bidibo Kolesagade Po Asęai Buku 30:11 - Godigo dwagi yai po buku11 “Te meba bidi dabego te po wabo dao, Godigo te augwa aya idabolo te dwai sę emainao wabo dao. Gade chapit la |
Eno te po magi baso obawe? Te bidigo aga deli hani dabe me, ma aga kaneme deli hani digi te bugagia tonalusiąwani da, teda te bidigo aga Godide konealubo po te tudiba munama tama agai ebo kolesaga te dwai mu elama, tama tebogo te Godigo po odisąwai bidi dabego ebo dwai kolesaga te aiyaba elaluaibao. Te Godigo po odisąwai bidigo augwa digi te tiwai dwai kolesaga me ebeo. Menio! Augwaligo te augwa bidi isai we dabe, te augwaligo bugagia tonaluyu tau sabo dao.
Tiali goli te bidi isai we me deligo te aga wai genuai yai me, ma aga waigo wai te genuai yai elalubaso da, teda augwaligo bugagia koneao: te augwaligo polasa yabo sę te augwaligo Godigo po wali peyu, tama augwa hani we bidi bugagia tonaluyu, tama augwali polobadu dwasianude aya idago bugagia tonaluali tobage kolesaga wei ponoyu tonaluao. Awe, Godigo te kolesaga godolo mu ebo dao.
Me ma, dage da, dage te sa muani we bidi hani dao. Bidi meba augwali te we bidi dali, God dali tomode bidiyu, tama pris bidi sę eyu, augwaligo Godibolo te dwagi yai nai ula mabo sę ebo dao. Tama te tiwai dagego me te dago genuai tuni bidigo sę ebo dao. Dage da, te tedali gasagi yai doloba pai we bidi hani dao, God aga we bidi hani mu te dage dao. Tama agai dage i olama, tama dage te hulia sai bidibo digi tagalama, tama agai wiegi yai ula yai buluba bidagasai dao. Tama dagego agai yali wiegi yai sęde po te gasa we bidibolo pusumainogo te agai dage sa muani.
Tiali goli Jongo suali, te lotu po wabo bidi hani si te Farisi bage me te Sadyusi bage me te augwali me baptais somainogo asali, tama agai augwalibolo te sesanobo po weyu te po wali, “Dage te dwai hasamani dabego wai dabe, te Godigo te dwai sę yali we bidibolo dene ilabo sogo mu asaibao. Tama tialima mena bidigo dage dali po obaso, tama megi dage wi painogo ebawe?
Te Tigidali Bomo Elalubo Genuai Bidigo te tiwai po te pris dabeba wali, “Ogwago te aga ayago po wali peyu, te aya dologode bidaibao, me te sę ebo bidigo me te aga tonalubo bidigo po wali paibao. Odiąo. Ena duga aya dao. Magi baso dage ena dologoba aselama bidisąbo meniwe? Ena duga tonalubo bos bidi dao. Magi baso dagego eno po wali pisąma ebawe? Dagego ena tudiba muyu, te eno nogi te olo nai dao homu eyu ebo dao. Tiali goli dagego enaba hanalu, ‘Dago magi ilama nage tudiba mubawe?’ te po wali.