Bugagia Bidibo Kolesagade Po Asęai Buku 30:10 - Godigo dwagi yai po buku

¹⁰ “Nage te sę tonalubo bosman bidiba pelama, tama agai sę ebo bidiba posobo po me wagi pelamuo. Tiyu, te sę bidigo nageba te dwai sę emainu i ola mabo po obaso da, tama te nage sęgę elaluabuo.”

Bugagia Bidibo Kolesagade Po Asęai Buku 30:10 Referans Kwoze

Polgo Po Pas Rom Dabeba Asęani 14:4

Nage niwai bidi da olama, tama nago gasa bidigo sę ebo bidigo ebo kolesagade te sęgę sali homu ebo dawe? Te aga sęde bomo elama dolalubaso, ma aga tulalubaso da, te sę aga Genuai Bidigo digi osola sulama tama aga dali yaibao. Tama te bidi aga dolaluaibao. Magi baso meni, te Genuai Bidigo digi te aga dąų ilama, tama aga bomo elama dolalubo usu yaibao.

Kolesaga Koneai Bidigo Pusali Po Elalubo Buku 7:21

Nago te we bidi augwaligo mibo po tigidali me odogio. Te nago augwaligo wabo poba bugagia olo mubaso da, te naga sę bidigo nage posobo po dwai wabo te nago odobo homu yaibao.

Daniel 6:24

Tialima, kingo te Daniel po tų ilali bidi dabe augwali sao po olama, tama te augwali dali, te augwa we wai dabe dali, augwali te laion bidibo tǫ dedageba tula palalio. Augwali te tǫba tulalusiąbadi, te laion dabe posoga palama, tama augwali daboa sigulama, tama augwali tigi pepeda tulama, te mu dolai dao.

Daniel 6:13

Tialima, augwaligo kingba te tiwai po wai, “Daniel, te Juda hani bidi me deli, agai te nago po sela sąnama, tama nago te muani po wali me pabeo. Sesemane sogo agai te aga Godiba gedu haluasa po te sela sogo te deli bubugade weyu ebo dao,” te po wai.

Bugagia Bidibo Kolesagade Po Asęai Buku 28:27

Te magi doado bage meni yai bidi dabe nai mabo bidi da, te agade te doado bage dabe te munu me sǫą pogobeo. Tiali goli, te bidigo te magi doado bage dabe meni yai bidi dabe sulama, tama augwali tau sabo homu meni yai da, teda te bidi dabego te aga dwai bidi da po waibao.

Bugagia Bidibo Kolesagade Po Asęai Buku 11:26

Te bidigo aga nai te we bidi dabego abelainu ebadi te gea sobaso da, teda augwaligo te po dwai agaba waibao. Tiali digi, te bidigo te we bidigo agai nai abelimainu ebaso da, teda augwaligo agaba te wiegi yai pemene ebo dao.

1 Samuel 30:15

Tialima, Devitgo agaba hanalu wali, “Nago te Amalek dabeba ena odasa pobaso da, te usu yaiba, agawe?” Tama agai te po wali, “Eno usu yaibao. Tiali goli, nago te Godigo nogide te bomai po dąų waliyu, te nago ena munu me ela musiąyu, ma ena te tonalubo bidigo nogoba magobe po wao,” wali. Tialima, Devitgo te bomai po agaba dąų walali.

1 Samuel 26:19

Tialima, king, eno po te nago odomainu homu ebao. Te Genuai Bidigo digi te nage aselama, ena dolomainu yai baso da, teda eno agaba te ofa me deli eyu, tama agai te olo tau sabo wiegi yai kolesagago ena tau somainu yaibao. Tiali goli, te bidi dabego te nago ena elimainu ebo si da, teda eno homugo te Genuai Bidigo augwali dolomainu yaibao. Magi baso meni, augwaligo ena te Genuai Bidigo tǫ pedaide ela gudulama, tama ena te tibo godiba lotu wagi pomainu ilibao. Tama eno te Genuai Bidigo aga hani bageba mabo wiegi yai doado bage te eno me sogobeo.

1 Samuel 24:9

Tama Devitgo Solba te tiwai po wali, “Magi baso nago olo te bidi dabego wabo poba muyu, te eno nage dolaibao homu ebo dawe?

Bomai Po 23:15

Tama Mosesgo po geninama weyu, te po wali, “Tialima, te olo sę bidi me deli aga te dage Israel dabego tǫ bulu badu bidiyu, tama aga tonalubo bidide wi pelama, tama aga dageba aselama, aga tau somainogo hanalu wagasobaso da, teda dagego aga ma tagala paligio.

Bomai Po 15:9

Dagego homugo te negeli yali sela sąyabo kibu be pąba yalio homu igio. Tama tilama, dagego homu dąų olama, tama abagi tau sabo hagela ebo homu igimio. Dagego te dwai homu kolesaga dagede pedalomainogo sula tagalamuo. Ma, dagego tau sabo mone agabolo mabo hagela homu yali da, teda te bidigo Genuai Bidi i olama, tama agai dage wei ponoyu, dage Godigo gedude sęgę saibao.

Tigidali Nai Gagalama Nigali Side 8:21

Yawego te gasa sawi yai pusu yai ofa ulubo denami odobaso, tama agai aga homude te po wai, “Eno te we bidi dabego dwai kolesaga wei ponoyu, te tǫ dolabo po munu ma wagobeo. Eno koneani, te bidi dabe ogwa bidi bidibo sogo gagalama, tama peyu, sesemane sogo te bidi dabego homu kolesaga dwai elaluduai. Eno te bidibo ula elalubo nai tigidali te munu me ma dologobeo, te eno megi yali tiwai me egobeo.