Bugagia Bidibo Kolesagade Po Asęai Buku 3:9 - Godigo dwagi yai po buku

⁹ Nago te naga gide te polasa ina yani nai te selama, tama te ofa tiwai ilama, te Genuai Bidiba mao, te tama tebogo te agaba genuai nogi mawaibao.

Bugagia Bidibo Kolesagade Po Asęai Buku 3:9 Referans Kwoze

1 Korin 16:2

Te tigidali Sande dage tigidali deli deligo te hasia Sarere sę elama sali mone tede homugo koneama, tama te bugulama tama me badu te duga bede bugagia munalumainao, te tiwai saboao. Tama nosali ena sabolobode, teda dagego augwali maiabo mone gegebo sę me egobeo.

Ma Dobola Sali 23:19

“Tama dagego te polasa mu tau yali wiegi yai nai mu te gasa nai elalubadi, te nai dagego Genuai Bidi God eno beba sela pao.” “Dagego te meme ame pę te seneba munama, tama te memego digi wai elama, aga tigi mi te seneba munama, ulama tugio.”

Bugagia Bidibo Kolesagade Po Asęai Buku 14:31

Godigo tigidali bidi nigali, tama tiyu, te bidi me deligo te magi doado bage meni yai bidi dabe aiyaba elalubaso da, agai te God aiyaba elalu dolobao. Tiali goli, te magi doado bage meni yai bidi dabe bugagia wiegi yai ilibo kolesaga ebo bidi da, agai te Godiba genuai nogi mabo dao.

Ma Dobola Sali 22:29

“Tama hasia dagego te gide pedalobo te wit, me bono du wain, me tubo wel, me te oliv ni du dabe me, te selama, enabolo te ofa tiwai mabo te hagela igio.” “Tama dagego gomunai wai te ogwa te dagego enabolo mao.

Ma Dobola Sali 34:26

“Te tigidali kibu bede dagego gide te polasa ina yani wiegi yai nai te Genuai Bidi eno beba sela asao.” “Dagego te kibu meme ame pę te seneba pęgęnama, tama te meme digi wai te ąįgo me ulainogo me igimio.”

Tigidali Nai Gagalama Nigali Side 28:22

Te e masigi eno ugwaba dualali, te e da nago be elalubo bulu da olama, sa muani. Tama tigidali ena mani nai, te eno nogo si badu togolama, te eno me deli pedai te nagebolo mawaibao,” Jekopgo te po wai.

Tuni Bidi Dabego Po Elalubo Buku Si 31:21

Te king Hesekiago yali sę tigidali te Godigo tempel bede sę dabe tigidali ma hodolobo sę iyu, me Godigo bomai po me wali bugagia peyu yabo sę hodolali, Hesekiago aga homu kolesaga tomode Godigo homu kolesaga wali pabo homu bomo mu yali. Tama tiyu, agai ebo sę dabe tigidali wiegi yai mu pedelali.

Godigo Nogi Ugwaba Sabo Tęąbi Po Wabo Buku Dabe 144:13

Dago homugo te gi dabede te nai hauwa walomai homu elama, tama te nai mubo be mu pągąmainu homu ebao. Tama te sipsip dabego te wai dabe umabo umabo mu ame nomainu homu ebo dao.

Bugagia Bidibo Kolesagade Po Asęai Buku 11:25

Te gasa bidi tau siyu, te doado bage nai mabo bidi da, aga digi da te doado bage hauwa saibao. Te nago gasa bidi dabe tau sali da, te augwaligo nage me tau saibao.

Aisaia 43:23

Te dagego haliga homu kolesaga enaba beaga sisąma, te dagego haniani ofa ebo sogo tama tibao. Te dagego te sipsip dabe te tigidali siaba mu uluyu, ofa tiwai ebo sogo, tama dagego te tobage awi te denami ebo nai abelama, te agaba ofa ebo sogo, te dagego te kibu hasa ili hauwa pesage holama, te ofa tiwai eyu ebo sogo, te dagego enaba homu kone palama, te ofa dabe ebeo. Eno dageba te sęgę mayu, te dageba po bomo eyu, dagego te wit ofa me, te wiegi yai denami ebo hano ebo ofa me, sesao po wabe, tama te sę dene ebaso, te dagego enade hagela homu ebeo. Mu menio. Tiali goli, dagego genuai sęgę enabolo menama, tama ena dagego te dwai sę ebode, me haniani dwai kolesaga ebode hagela mu ebo dao.

Ma Dobola Sali 23:16

“Tama dagego te wit tau yali gagalama hasia bolo nai sabo sogo, tama dagego enabolo usu da po weyu, tama wiegi yai homu te nai tuyu yabo, te sogo genuai bodolu muao.” “Tama dagego te genuai side te poluade te nedu du tau ebo sogo, te me bodolu muiąo. Tama te sogo dagego te wain gide te wain du siyu, osogo bidabo dwasianu be sęnama, tama te bede bidiyu, te wain me, oliv ni du dabe me, te gide siąo.”

Pris Sę Ebo Bomai Po 19:25

Tialima, te a naga wabo kibu bede te ni du walobo nai duga tuao. Eno te po dagego wali pobaso da, teda dagego ni du wai hauwa umabo walaibao. Odao, ena God, dagego Genuai Bidi, eno te po obao.”

Israel Hanigo Namba 15:20

Te hasia mu dagego te hasia plaua witgo bret nigiyu da, dagego bret meba selama, enabolo ofa tiwai maiąo. Te witgo nai mu sabo pesagede mu selama, enabolo geside mu ofa yao. Te dagego te nai mibo pesagede mu selama, mao.

Bomai Po 14:29

Te nai dabe te Livai dabego nai dao. Magi baso meni, te bage augwaligo augwa tǫ me, be me menio. Tama me ma, te digibulu asama bidagasai bidi, me te tiana wai, me wilawe we dabe me, augwali dagego hanude te bidibao. Te we bidi augwali augwa homugo aselama, te muani nai sagasiyu emainao. Dagego te tama tiyu da, teda Genuai Bidi dago God aga dagego tigidali sę dabe wiegi yai mu ilaibao,” Mosesgo te po wai.

Tuni Bidi Dabego Po Elalubo Buku Si 31:10

Tama tobolu pris Asaria, aga te Sadok hani bidi me deli dao, agai te kingo po wei ponoyu te po wali, “Genuai Bidigo aga we bidi dabe dali wiegi yai sę elama, tama augwaligo nai hauwa te Genuai Bidigo beba sesali dao. Dago te nai dabego dago nai hauwa mu tuai dao, tiali goli dago te nai dabe silabo usu menio. Tama tialima megi te nai pesage hauwa te me elalubao,” te po wali.

Matyu 25:17

Tama te 2,000 kina sali bidigo, agai me te monede bisnis sę elama, tama gasa mone 2,000 kina te moneba ugwadu daganama sai.