Bugagia Bidibo Kolesagade Po Asęai Buku 3:6 - Godigo dwagi yai po buku

⁶ Te tigidali sę nago ebo, nago bomai homu Genuai Bidiba elama, tama nago te sę yao, tama agai nagebolo te wali pabo doloba pai sunumi ola mawaibao.

Bugagia Bidibo Kolesagade Po Asęai Buku 3:6 Referans Kwoze

Bugagia Bidibo Kolesagade Po Asęai Buku 16:3

Te tigidali sę nago yainu homu eyu da, te nago Genuai Bidi nogoba te sę muao. Tama agai te sę dabe wiegi yai pedalumainu ilaibao.

Godigo Nogi Ugwaba Sabo Tęąbi Po Wabo Buku Dabe 32:8

Genuai Bidigo te tama po wai, “Eno nage bugagia ola mayu, tama nage bilabo madi te sunumi nageba ola mawaibao. Te nago konemainu te nage eno ola mawaibao.

Filipai 4:6

Dagego haniani naide moni homu egimio. Te menio. Te dageba pedalobo sę tigidalide dagego Godibolo tede po weyu, tama agabolo buba hwi olama, tama te dagego sǫą pabo naide aga hanalu wao.

Bugagia Bidibo Kolesagade Po Asęai Buku 16:9

Dago te dago yainogo homu ebo sęde homu kone palobo dao. Tiali goli, Genuai Bidigo te da bilibo dolasa bilimainu ebo dao.

Jeremaia 10:23

Genuai Bidi, eno koneani, te bidi dago dena bilibo tonalubo usu isąyu, te dena godolo homu ebo sunumi dabe wali painu ebaso, usu egobe dao.

Jems 1:5

Tialima, dage tomode te bidi me deli aga te sę yabo kolesaga habuge ebaso da, te agai God hanalu wao, dwagi yai kolesaga momainogo hanalu wao. Tama Godigo agabolo mawaibao. Wado po wagobeo, God agai tigidali bidibolo augwaligo hanalu wali nai mabo dao. Agai dwagi yai homu eyu augwalibolo nai olo mabo dao.

Aisaia 30:21

Tama dage peyu, te mena sunumide geda muainu ebaso da, te dolo nogo badu sunumi badu, o pobase nogo badu sunumi badu me, teda agai dage tudi badu bidama, tama mena sunumidu painu yali, agai dage ola mawaibao.

Aisaia 48:17

Genuai Bidi, aga te Israelgo Wiegi Yai Doloba Pai Kolesaga Mu Ebo God, aga te dage tudibadu posolalu, te dage tau sabo bidi, agai te tiwai po wali, “Ena Genuai Bidi, te duga God dao. Sesemane sogo eno te doloba pai kolesaga dagego wali peyu, dage bugagia bidimai hagede ola mabo dao.

Kolosi 3:23

Tigidali sę dagego ebo, te sę dagego bomo elama yao. Tama dagego duga sę ebadi e homu yao, “Eno e sę ebo, te bidi naga tau siyu ebo menio, te eno e sę ebogo te Genuai Bidi Krais tau sabo dao,” te homu yao.

Kolosi 3:17

Tama tigidali sogo dagego po obadi ma dagego nogogo sę ebadi, te tigidali ebo kolesaga dagego dago Genuai Bidi Jisasgo nogide yao, tama agai dage dali yali sęde dagego dago Aya Godibolo puba hwi po weyu bidao.

Bugagia Bidibo Kolesagade Po Asęai Buku 23:17

Nago te dwai sę ebo bidi dabego ebo kolesaga wei me igio. Menio. Sesemane sogo nage te Genuai Bidigo dologode bidabo bomo mu yao.

1 Korin 10:31

Te dage tomode bidi me deligo te po obaso, eno e po agabolo wei ponaibao, te dagego te nai tuyu me wę tuyu ebode, ma dage gasa sę ebo si da, dagego gasa we bidide homugo koneao, augwaligo Godigo nogi ugwaba somainogo eyu dagego duga kolesaga tigidali tama bugagia tiao.

Tuni Bidi Dabego Po Elalubo Buku Deli 28:9

“Tialima nage Solomon, eno ogwa da, eno te tiwai bomai po nageba obao. Nago homu kolesaga deli naga elaluao, te naga ayago God dologode bidao. Te nago agai homu wali pabo sę bomo mu yao. Nago te tiwai yao, magi baso meni, Genuai Bidigo dago homude magi homu te tigidali agai koneaibao. Te nago agai godolo yabo kolesaga wali pabo sę bomo ebo kolesaga sobaso da, teda te nago aga bugagia konemainu yaibao. Tiali goli nago aga tudiba mubaso da, teda agai nage sela sąnama, te sesemane sogo agai nage tudiba mueibao.

1 Samuel 30:8

Tama Devitgo Genuai Bidiba hanalu wali, “Te bidi dabe augwali te eno pobeasa pabo usu yaibawe? Tama ena pobaso da, teda eno augwali suabo usu yaibawe?” Tama Genuai Bidigo agabolo te po wali, “Nago augwali pobeasa pao. Te nage augwali paboba sabolama, tama augwali elama, tama te dagego we me wai dabe augwali ma dobola saibao,” te po wali.

Aisaia 45:13

Te eno digi eno te king Sairus hodolama, te eno ena sę wiegi yai doloba pai emainu yali. Te eno aga painu ebo sunumi tigidali dodolaibao. Te agai eno taun Jerusalem ma nigimainu yaibao. Te agai eno we bidi dabe kalabuside bidali te olo tagala palama pomainu yaibao. Te sę dabe ebo te bidigo aga me abeligobeo. Menio. Aga olo mu sę yaibao. Ena, te Tigidali Bomo Elalubo Genuai Bidigo, eno te po wai dao.”

Nehemia 1:11

Tama da tigidali Israelgo te nageba wiegi yai homu pemene elama, tama nago nogi ugwaba sobao. Tama eno homugo megi nago te tigidali Israelgo gedu haluasa po wabo odomainu homu ebao. Tama me te nago megi eno e gedu haluasa po wabo me odao homu ebao. Tama eno te king sugi pabo si da, teda nago digi te kingo ena homu dene emainu ilama, tama agai ena tau somainu yao.” Eno te gedu haluasa po te ena kingo sę bidi bidali sogo wali. Eno sę te kingo wain ąį tonalubo sę yali, tama te wain wę sela pelama, te kingo tumainu magi pabo sę yai dao.

Nehemia 2:4

Kingo te po odolama, tama enabolo te tiwai po hanalu wai, “Megi nago te eno magi sę me deli emainu, agawe?” Tialima, eno dagalude Godiba gedu haluasa po polo olama,

Esra 7:27

Ena Esra dao, eno te pas nedelama, tama eno e tiwai po obao, “Eno homu wiegi yai pemene eyu, tama Godiba usu da po obao, te dago wąį nǫų dabego Genuai Bidi dao. Magi baso meni, Godigo te kingo homu hodolobaso, tama kingo te Genuai Bidigo be Jerusalemde dwagi yai ilaibao po walio.

2 Korin 8:16

Eno Godibolo po weyu usu da po obao, agai te bidi Taitusgo homu hodolobaso, tama agai dago homu tiwai ebao. Agai me dage tau sabo homu godolo mu ebo dao.

Israel Hanigo Namba 9:20

Te me sogo da, te pǫ be pedude pęwadage sogo bidama, tama ma gudasa peyu ebo dao. Te bobobage sogo ma pęwadage sogo bidibadi me tagala. Te Israel dabe augwaligo te Genuai Bidigo po wali peyu, te pǫgo augwali ola mabo te wali naga tama peyu ebo dao.

Nehemia 7:5

Tama Godigo ena te homu kolesaga mayu, te we bidi dabe dali, te polalubo bidi dabe me, te ofisa dabe dali, me te tigidali we bidi wai puluba augwaligo nogi te buku me delide asęmainu yai. Eno tama tiainogo homu ebo sogo, tama eno te polasa te Babilon tagalama, te Juda Provinsba ma asali bidi hani dabego nogi elalubo buku me deli suali.

Bugagia Bidibo Kolesagade Po Asęai Buku 11:5

Te doloba pai kolesagago te doloba pai bidi dabe augwa tau siyu, tama te doloba pai sunumi wali pabo usu yaibao. Tiali goli, te dwai kolesagago te dwai bidi dabe augwa digi tula mumainu ilibo dao.

Jeremaia 42:3

“Dago homugo te Genuai Bidi nago God te dago mena sunumi wali pelama, te mena sę dago yabo po dabolo omainao,” wali.

Aisaia 26:7

Te sunumi te doloba pai we bidi dabe bilalubo sunumi da dolo naga te elalubao. Genuai Bidi, nage doloba pai God dao. Tama nago augwali bilibo sunumi dodolobo dao.